|
ໃນ5ປີຂ້າງໜ້າ,ຈີນຈະເລັ່ງລັດກໍ່ສ້າງທາງລົດໄຟຕື່ມອີກ
cri
|
ຕາມຂ່າວສານຊິນຮວາ,ວັນທີ7ມັງກອນ,ຢູ່ທີ່ປັກກິ່ງ,ທ່ານຫວງຈູ ຮອງນາຍົກລັດຖະມົນຕີຈີນກ່າວວ່າ,ໃນ5ປີຂ້າງໜ້າ,ຈີນຈະເລັ່ງລັດກໍ່ສ້າງພື້ນຖານໂຄງລ່າງທາງລົດໄຟ,ຍົກຄວາມສາມາດຂົນສົ່ງຂອງຕາໜ່າງທາງລົດໄຟໃຫ້ສູງຂຶ້ນ,ພ້ອມກັນນັ້ນ,ຈະເລັ່ງລັດຊຸກຍູ້ໃຫ້ອຸປະກອນແລະເຕັກນິກທາງລົດໄຟຫັນເປັນທັນສະໄໝ.
ທ່ານຫວງຈູແມ່ນໃຫ້ທັດສະນະດັ່ງກ່າວໃນກອງປະຊຸມວຽກງານທາງລົດໄຟຈີນທີ່ໄຂຂຶ້ນຢູ່ປັກກິ່ງ.
ຕາມແນະນຳວ່າ,ໃນ5ປີຂ້າງໜ້າ,ຈີນຈະລົງທຶນ1250ຕື້ຢວນ,ສືບຕໍ່ກໍ່ສ້າງທາງລົດໄຟຢ່າງຂະໜາດໃຫຍ່.ກະວ່າເມື່ອຮອດປີ2010,ທາງລົດໄຟທີ່ແລ່ນລົດໄດ້ໃນທົ່ວປະເທດຈີນຈະບັນລຸເຖິງ9ໝື່ນກິໂລແມັດ.
|
|
