|
ຈີນຈະເສີມສ້າງລະບົບຕິດຕາມແລະປ້ອງກັນຄວບຄຸມພະຍາດແຫຼ່ງສັດປ່າ
cri
ຕາມຂ່າວສານຊິນຮວາ,ວັນທີ8ມັງກອນ,ໃນກອງປະຊຸມ ອະນຸລັກດິນທາມແລະກໍ່ສ້າງເຂດສະຫງວນທຳມະຊາດທີ່ຈັດຂຶ້ນຢູ່ເມືອງນານຊ່າງແຂວງຈ່ຽງຊີຈີນ,ທ່ານຈ້າວເສມິນ ຮອງຫົວໜ້າກົມປ່າໄມ້ແຫ່ງຊາດຈີນກ່າວວ່າ,ຕໍ່ໄປພາຍໜ້າ,ນອກຈາກຕັ້ງສະຖານີຕິດຕາມຢັ່ງແທກຢູ່ບ່ອນທີ່ນົກຍ້າຍແກ່ວຍ້າຍໄປອາໄສແລ້ວ,ຈີນຍັງມີແຜນສ້າງສະຖານີຕິດຕາມຢັ່ງແທກຢູ່ບ່ອນອາໄສຂອງສັດປ່າອື່ນໆ,ສ້າງລະບົບຕິດຕາມປ້ອງກັນແລະຄວບຄຸມຢ່າງຄົບຖ້ວນສົມບູນ.
ຕາມການສະເໜີ,ປັດຈຸບັນ,ຢູ່ເຂດສຳຄັນທີ່ນົກຍ້າຍແກ່ວບິນຜ່ານ,ຈີນໄດ້ສ້າງສະຖານີຕິດຕາມຢັ່ງແທກລະດັບຊາດ150ແຫ່ງ,ທ້ອງຖິ່ນຕ່າງໆໄດ້ສ້າງສະຖານີຕິດຕາມຢັ່ງແທກຂັ້ນແຂວງ400ກວ່າແຫ່ງ,ເຊິ່ງໄດ້ສ້າງລະບົບຕິດຕາມຢັ່ງແທກພະຍາດແຫຼ່ງສັດປ່າໂດຍຖືນົກຍ້າຍແກ່ວເປັນຈຸດໜັກໃນເບື້ອງຕົ້ນ.
|
|
