|
|
 |
| (GMT+08:00)
2006-01-08 18:49:53
|
 |
|
ສິງກະໂປຈັດການຝຶກຊ້ອມປ້ອງກັນການໂຈມຕີກໍ່ການຮ້າຍ
cri
ຕາມຂ່າວສານຊີນຮວາ,ວັນທີ8ມັງກອນ,ສິງກະໂປໄດ້ຈັດການຊ້ອມ ການປ້ອງກັນໃນດ້ານຄົມມະນາຄົມສາທາລະນະຢ່າງຂະໜາດໃຫຍ່,ລັກ ລອກແບບສະຖານີລົດໄຟໃຕ້ດິນ,ລົດໄຟແລະລົດເມຖືກລູກລະເບີດແລະອາວຸດເຄມີຫຼອນໂຈມຕີ,ເພື່ອກວດສອບການກະກຽມແລະມາດຕະການຮັບມືຂອງອົງຈັກລັດຖະບານທີ່ກ່ຽວຂ້ອງແລະສາທາລະນະຊົນມີແນວໃດ.
ວັນທີ8ມັງກອນໂທລະພາບຂ່າວອາຊີຂອງສິງກະໂປລາຍງານວ່າ, ການຝຶກຊ້ອມແບບກະທັນຫັນຄັ້ງນີ້ເລີ່ມຕົ້ນໃນຕອນເຊົ້າ6ໂມງ25ນາທີເວລາທ້ອງຖິ່ນ,ແລະດຳເນີນໄປເປັນ3ຊົ່ວໂມງໃນທ່າມກາງຝົນຕົກ.ເຖິງວ່າໃນ10ມື້ກ່ອນ,ສື່ມວນຊົນທ້ອງຖິ່ນກໍ່ແຈ້ງໃຫ້ມວນຊົນຊາບວ່າຈະຈັດການຝຶກຊ້ອມໃນມື້ໃດມື້ໜຶ່ງຂອງທ້າຍສັບປະດາທີ1ຫຼືທີ2ຂອງປີ2006ກໍຕາມ,ແຕ່ເວລາແລະສະຖານທີ່ອັນລະອຽດພັດແມ່ນປະກາດໃນເວລາກ່ອນຈັດການຝຶກຊ້ອມບໍ່ເທົ່າໃດນາທີ.
ບຸກຄົນຂອງກະຊວງສາທາລະນະສຸກ,ກະຊວງຄົມມະນາຄົນແລະອົງຈັກ ລັດຖະບານອື່ນໆພ້ອມດ້ວຍກອງທະຫານລາດຂອງສິງກະໂປ2000ກວ່າຄົນ ໄດ້ເຂົ້າຮ່ວມການຝຶກຊ້ອມຄັ້ງນີ້.ໃນເວລາຝຶກຊ້ອມລວມມີການລະເບີດສົມ ມຸດ5ເທື່ອແລະລັກລອກແບບການໂຈມຕີດ້ວຍອາວຸດເຄມີເທື່ອໜຶ່ງເກີດຂຶ້ນຢູ່ມໍ່ຖະໜົນການຄ້າທີ່ຊື່ດັງ,ສະຖານີມີໂຕຼຂອງເຂດທະນາຄານແລະຄຸ້ມເຮືອນຢູ່ພ້ອມດ້ວຍລົດໄຟແລະລົດເມ.
|
|
|
