|
ແຂວງຫູນານຂອງຈີນມີຜູ່ໜຶ່ງຖືກບົ່ງມະຕິເປັນພະຍາດໄຂ້ຫວັດສັດປີກປະເພດຮ້າຍແຮງ
cri
ຕາມຂ່າວສານຊິນຮວາ,ວັນທີ9ມັງກອນ,ກະຊວງສາທາລະນະສຸກຈີນໄດ້ແຈ້ງວ່າ,ຢູ່ເມືອງກຸ້ຍຢາງແຂວງຫູນານຂອງຈີນມີຜູ່ໜຶ່ງຖືກບົ່ງມະຕິເປັນພະຍາດໄຂ້ຫວັດສັດປີກປະເພດຮ້າຍແຮງ.
ຕາມໄດ້ຮູ້ວ່າ,ຄົນເຈັບຜູ່ນີ້ແມ່ນເດັກຊາຍອາຍຸ6ຂວບ, ໄດ້ເປັນພະຍາດໃນວັນທີ24ທັນວາປີກາຍ, ມີອາການຄີງຮ້ອນແລະອາການເຈັບດ້ານຫຼອດລົມຫາຍໃຈອັກເສບ.ເມື່ອໄດ້ກວດໃນດ້ານວິທະຍາສາດພະຍາດລະບາດແລ້ວເຫັນວ່າ,ກ່ອນເປັນພະຍາດ,ໃນເຮືອນຂອງຄົນເຈັບເຄີຍມີສັດປີກລ້ຽງຕາຍຍ້ອນພະຍາດ.
ປັດຈຸບັນ,ຄົນເຈັບຜູ່ນີ້ພວມນອນຮັບການປິ່ນປົວຢູ່ໂຮງໝໍ, ອາການພະຍາດໝັ້ນທ່ຽງ.ຜູ່ທີ່ແຕະຕ້ອງກັບເຂົາຢ່າງໃກ້ຊິດພວມຢູ່ໃນໄລຍະສັງເກດດ້ານແພດສາດ,ໃຜກໍບໍ່ທັນມີອາການຜິດປົກກະຕິເທື່ອ.
ຕາມໄດ້ຊາບ,ກະຊວງສາທາລະນະສຸກຈີນໄດ້ແຈ້ງສະພາບກ່ຽວກັບຄົນເຈັບຜູ່ນີ້ໃຫ້ອົງການອະນາໄມໂລກ,ເຂດຮົງກົງມາກາວໄຕ້ຫວັນແລະບາງປະເທດຊາບແລ້ວ.
|
|
