ຕາມ​ຂ່າວCRI: ວັນ​ທີ 10 ມັງກອນ ທ່ານ​ເມົາ​ສິນ​ອານ ​ໂຄສົກ​ຖະ​ແຫຼງຂ່າວ​ກະຊວງ​ສາທາ​ລະ​ນະ​ສຸກ​ຈີນ​​ໄດ້​ເຜີຍ​ໃຫ້​ຮູ້​ວ່າ, ຈີນ​ຈະ​ປະກາດ​ຕົວ​ເລກ​ຄາດ​ຄະ​ເນ​ສະພາບ​ໂຣກ​ເອດ​ທົ່ວ​ປະ​ເທດ​ຈີນຫຼ້າສຸດ​ໃນ​ບໍ່ດົນ​ນີ້.

​ໃນ​ງານ​ຖະ​ແຫຼງຂ່າວ​ທີ່​ຈັດ​ຂຶ້ນ​ໃນ​ມື້​ດຽວ​ກັນ ທ່ານ​ເມົາ​ສິນ​ອານ​ແນະນຳ​ວ່າ, ປີ​ກາຍ​ນີ້ ກະ​ຊວງ​ສາທາລະນະ​ສຸກ​ຈີນ ສຳນັກງານ​ວາງ​ແຜນ​ໂຣກ​ເອດ​ສະຫະ​ປະຊາ​ຊາດ​ຫຼື UNAIDS ​ແລະ​ອົງ​ການ​ອະນາ​ໄມ​ໂລກ​ໄດ້​ຕີ​ລາຄາ​ສະພາບ​ການ​ແຜ່​ລະບາດ​ຂອງ​ໂຣກ​ເອດ​ຢູ່​ຈີນ, ປັດ​ຈຸ​ບັນ ສາມ​ຝ່າຍ​ພວມ​ຊັນນະສູ​ດຄັ້ງສຸດ​ທ້າຍ​ຕໍ່​ຜົນ​ການ​ຕີ​ລາຄາ, ສາມ​ຝ່າຍຈະ​ຮ່ວມ​ກັນ​ປະ​ກາດ​ຕົວ​ເລກ​ຫຼ້າສຸດ​​ຕໍ່​ພາຍ​ນອກ​ໃນ​ບໍ່​ດົນ​ນີ້.

​ເດືອນທັນວາ​ປີ 2003, ກະຊວງ​ສາທາລະນະ​ສຸກ​ຈີນກັບ​ໜ່ວຍຈີນ​ຂອງ UNAIDS ປະກາດ​ບົດ​ລາຍ​ງານວ່າ, ຈີນ​ມີ​ຜູ່​ຕິດ​ເຊື້ອ​ໄວ​ລັດ​ໂຣກ​ເອດ​ປະມານ 8 ​ແສນ 4 ໝື່ນ​ຄົນ, ຜູ່​ເປັນ​ໂຣກ​ເອດ​ປະ​ມານ 8 ໝື່ນ​ຄົນ.