|
ຈີນຈະພະຍາຍາມສ້າງການທ່ອງທ່ຽວໃຫ້ເປັນອຸດສາຫະກຳສຳຄັນ
cri
ຕາມຂ່າວໜັງສືພິມເຢີນໝີນຢື້ປ້າວ,ວັນທີ10ມັງກອນຢູ່ທີ່ປັກກິ່ງ,ທ່ານນາງອູອີ ຮອງນາຍົກລັດຖະມົນຕີຈີນກ່າວວ່າ,ຈີນຈະພະຍາຍາມສ້າງການທ່ອງທ່ຽວໃຫ້ເປັນອຸດສາຫະກຳສຳຄັນຂອງເສດຖະກິດແຫ່ງຊາດ.
ທ່ານນາງອູອີແມ່ນໃຫ້ທັດສະນະດັ່ງກ່າວໃນກອງປະຊຸມວຽກງານທ່ອງ ທ່ຽວຂອງຈີນທີ່ຈັດຂຶ້ນໃນວັນທີ10ມັງກອນ.ທ່ານນາງແນະນຳວ່າ,ປັດຈຸບັນ, ຈີນໄດ້ບັນລຸການຂ້າມຜ່ານຄັ້ງເປັນປະຫວັດສາດທີ່ຈາກປະເທດໃຫຍ່ດ້ານຊັບພະຍາກອນທ່ອງທ່ຽວໄປສູ່ປະເທດໃຫຍ່ດ້ານການທ່ອງທ່ຽວໃນໂລກ.ຕໍ່ໄປພາຍໜ້າ,ຈີນຈະສືບຕໍ່ເລັ່ງລັດພັດທະນາຕະຫຼາດທ່ອງທ່ຽວພາຍໃນປະເທດ,ພ້ອມກັນນັ້ນ,ຊຸກຍູ້ການສ້າງສາຕົວຢ່າງການທ່ອງທ່ຽວກະສິກຳ,ເພີ່ມທະວີລາຍໄດ້ຂອງຊາວກະສິກອນໂດຍຜ່ານຈາກການພັດທະນາການທ່ອງ ທ່ຽວ.ນອກນີ້,ຈີນຍັງຈະສ້າງຕັ້ງກົນໄກປ້ອງກັນແລະຮັບມືຄວາມປອດໄພ ດ້ານການທ່ອງທ່ຽວ,ເພີ່ມທະວີວຽກງານຄວາມປອດໄພດ້ານການທ່ອງທ່ຽວ.
ຜົນສະຖິຕິສະແດງໃຫ້ເຫັນວ່າ,ປີ2005,ສະເລ່ຍແລ້ວ,ປະຊາຊົນໃນຕົວ ເມືອງແລະຊົນນະບົດຈີນມີ90%ໄດ້ທ່ອງທ່ຽວ,ໃນນັ້ນ,ໄປທ່ອງທ່ຽວຢູ່ນອກແດນຈີນມີ31ລ້ານເທື່ອຄົນ.ຍອດລາຍໄດ້ຈາກການທ່ອງທ່ຽວຕະຫຼອດປີລື່ນກາຍ760ຕື້ຢວນ.ອີງຕາມແຜນກຳນົດ,ຮອດປີ2010,ຍອດລາຍໄດ້ຈາກການ ທ່ອງທ່ຽວຈະບັນລຸ1200ຕື້ຢວນ.
|
|
