ສະຖານີວິທະຍຸສາກົນແຫ່ງປະເທດຈີນພະແນກພາສາລາວ
1/block/ad_banner _21.htm" -->
China Radio International
ຂ່າວ​ພາຍ​ໃນ​
  ປະ​ເທດ
ຂ່າວ​ຕ່າງປະ​ເທດ
   ການເມືອງ
   ເສດຖະກິດ
   ວັດທະນະທຳ
   ສັງຄົມ
   ຮຽນພາສາຈີນ

ຄວາມຈິງ 14 ມີນາຕິເບດ

ປາເລັສຕິນອິສຣາແອນ

ສະຖານະການອິຣັກ

ງານກິລາໂອລິມປິກ
ປັກກິ່ງປີ2008
ອ່ານຕໍ່...>>
(GMT+08:00) 2006-01-11 16:47:09    
ຟານ​ຢານກາ​ຍຖູ

cri Author: lm

ສະບາຍດີ​ທ່ານ​ຜູ່​ຟັງ​ທີ່​ໂຄລົບ, ຍິນ​ດີ​ຕ້ອນຮັບ​ທ່ານ​ເຂົ້າສູ່​ລາຍການ​ນິທານ​ສຸພາສິດ, ​ໃນ​ລາຍການ​ພາກ​ນີ້, ຂ້າພະ​ເຈົ້າຈະ​ເລົ່າ​ສຸພາສິດເລື່ອງ "ຟານ​ຢານກາຍ​ຖູ" ​ແປ​ວ່າ "ປ່ຽນ​ແປງ​ຄວາມ​ຄຶດ​​ເດີມ​ແລະ​ຢາກ​ເຮັດ​​ແນວ​ອື່ນຢ່າງ​ກະທັນຫັນ".

​ໃນ​ສະ​ໄໝ​ທ້າຍ​ລາຊະວົງ​ຮັ້ນຕາ​ເວັນ​ອອກ​ຂອງ​ຈີນ, ອ້ວນ​ຊ້ຽວທີ່​​ເກີດ​ຈາກ​ວົງ​ຕະກູນ​ຂຸນ​ນາງ​ຜູ່​ໃຫຍ່​ ຍຶດ​ໄດ້​ດິນ​ແດນ​ສ່ວນ​ໃຫຍ່​ຂອງ​ແຂວງ​ເຫີ​ເປິ​ຍ ພາກ​ຕາ​ເວັນ​ອອກ​ຂອງ​ແຂວງ​ຊານ​ຕົ່ງ​ແລະທົ່ວ​ແຂວງ​ຊານ​ຊີ່ ​ໃນ​ການ​ປາບ​ຂຸນ​ເສິກຕັງ​ໂຕະ, ​ແລ້ວ​ກາຍ​ເປັນ​ອິດ​ທິກຳ​ລັງ​ແບ່ງ​ແຍກ​ທີ່​ມີດິນ​ກວ້າງ​ແລະ​ມີພົນທະຫານຈຳນວນຫຼວງຫຼາຍ. ​ໃນ​ເຫຼົ່າຜູ່​ປຶກສາ​ຂອງ​ເຂົາ, ​ເຝິງຈີ້​​ແລະ​ເສິນ​ເພິ້ຍມີ​ຊື່​ສຽງ​ກວ່າ​ໝູ່. ກ່ອນ​ອື່ນ​ແມ່ນ​ເຝິງຈີ້​ໄປ​ຈີ້​ໂຈ່ວ ​ແລະ​ກາຍ​ເປັນ​ໜຶ່ງ​ໃນ​ພວກ​ເສນາ​ບໍດີ​ຂອງ​ອ້ວນ​ຊ້ຽວ, ຍ້ອນ​ເຝິງຈີ້​ເປັນ​ຄົນ​ສະຫຼາດ​ຫຼັກ​ແຫຼມ ມີ​ປັນ​ຍາ​ເຕັມ​ປູມ, ສະນັ້ນ ຈຶ່ງ​ໄດ້​ຮັບ​ຄວາມ​ເອົາ​ໃຈ​ໃສ່​ຈາກ​ອ້ວນ​ຊ້ຽວທີ່​ສຸດ. ພາຍ​ຫຼັງ​ມາ ​ເສິນ​ເພິ້ຍກໍ່​ມາ​ດຳລົງ​ຕຳ​ແໜ່​ງ​ໃນ​ກອງ​ທະຫານ​ຂອງ​ອ້ວນ​ຊ້ຽວ, ​ແຕ່​ເຂົາ​​ໄດ້​ຖົກ​ຖຽງ​ກັບ​ເຝິງຈີ້​ເລື້ອຍໆ. ບາງ​ຄົນ​ໄດ້​ຕິຕຽນ​ເສິນ​ເພິ້ຍຢູ່​ຕໍ່ໜ້າ​ອ້ວນ​ຊ້ຽວວ່າ​ເຂົາ​ເປັນ​ຄົນ​ຫົວ​ແຂງ​ດື້​ດຶງ​ບໍ່​ມີ​ເຫດຜົນ, ​ອ້ວນ​ຊ້ຽວ​ເລີຍ​ຖາມ​ເຝິງຈີ້​ດ້ວຍ​ຕົນ​ເອງ​ວ່າ ​ເສິນ​ເພິ້ຍ​ເປັນ​ຄົນ​ແນວ​ໃດ. ​ເຝິງ​ຈີ້​ຕອບ​ໃນ​ທັນ​ທີ​ວ່າ: "​ເສິນ​ເພິ້ຍ​ເປັນ​ຄົນ​ກົງ​ໄປ​ກົງ​ມາ, ມີ​ຄຸນສົມບັດ​ຂອງ​ວິລະ​ບູລຸດ​ໃນ​ສະ​ໄໝ​ບູ​ຮານ, ບໍ່​ວ່າ​ຜູ່​ອື່ນຈະ​ໃສ່​ຮ້າຍ​ປ້າຍ​ສີ​ແນວ​ໃດ, ກໍ່​ບໍ່​ຄວນ​​ສົງ​ໄສ​ຄຸນສົມ​ບັດ​ຂອງ​ເຂົາ." ຫຼັງ​ຈາກ​ນັ້ນ, ອ້ວນ​ຊ້ຽວກໍ່​ສະໜິດສະໜົມ​ກັບ​ສອງ​ຄົນ​ນີ້​ທີ່​ສຸດ, ຍິ່ງ​ໄວ້​ເນື້ອ​ເຊື່ອ​ໃຈ​ກວ່າ​ເກົ່າ.

ຢວນຖານ​ແມ່ນລູກກົກ​ຂອງ​ອ້ວນ​ຊ້ຽວ, ​ໃນ​ເວລາ​ຍັງ​ເປັນ​ເດັກນ້ອຍ, ​ເຂົາກໍ່​​ເປັນ​ເດັກນ້ອຍ​ຜູ່​ຮູ້​ຄວາມ, ສ່ວນ​ຢວນຊ້າງ ລູກຫຼ້າຂອງ​ອ້ວນ​ຊ້ຽວ​ພັດເປັນຄົນ​ຫຼໍ່ມີ​ພູມ​ຖານ, ໄດ້​ຮັບ​ຄວາມ​ຮັກ​ຈາກ​ພໍ່​ແມ່​ຫຼາຍ. ອ້ວນ​ຊ້ຽວຢາກ​ໃຫ້ລູກຫຼ້າ​ຢວນຊ້າງ​ເປັນ​ຜູ່​ສືບ​ທອດ​ພາລະກິດ​ຂອງ​ຕົນ, ຈຶ່ງ​ຍົກ​ຢວນ​ຖານ​ໃຫ້​ອ້າຍ​ຂອງ​ຕົນ​ເພື່ອເປັນ​ລູກລ້ຽງ, ​ແລະ​ຍັງ​​ໃຫ້​ເຂົາ​ເຈົ້າ​ສອງ​ຄົນ​ຕ່າງເປັນຜູ່​ປົກຄອງ​ເຂດ​ໜຶ່ງ​ໃນ​ດິນ​ແດນ​ທີ່​ເຂົາ​ເຈົ້າຍຶດ​ໄດ້. ຕໍ່​ມາ​ບໍ່​ດົນ​ໄດ້​ເກີດ​ສົງຄາມ​ຢູ່​ທີ່​ກ່ວນຕູ້, ​ອ້ວນຊ້ຽວ​ເສຍ​​ໃຫ້​ໂຈ​ໂສ​ຢ່າງ​ເຈັບ​ແສບ, ຈຶ່ງ​ອັ່ງ​ແຄ້ນ​ແໜ້ນ​ໃຈ​ຈົນ​ຕາຍ. ​ໂດຍ​ອີງ​ຕາມ​ຄວາມ​ປາຖະໜາ​ຂອງ​ອ້ວນ​ຊ້ຽວ ​ເຝິງຈີ້​ແລະ​ເສິນ​ເພິ້ຍ​​ສະໜັບສະ​ໜູນ​ຢວນ​ຊ້າງ​ຂຶ້ນ​ຄອງ​ອຳ​ນາດ. ຢວນຖານ​ກັບ​ຢວນຊ້າງ​ເລີຍ​ເກີດ​ຄວາມ​ຂັດ​ແຍ່ງ​ກັນ, ຢວນຖານ​ນຳພາ​ກອງ​ທະຫານ​ໄປ​ປະຈຳ​ຢູ່​ຫຼີ​ຢາງ, ກຽມ​ຈະ​ບຸກ​​ໂຈມ​ຕີ​ເມືອງ​ແຢ້​ທີ່​ຢວນຊ້າງ​ເຝົ້າ​ຮັກ​ສາ​. ​ພໍດີໃນ​ເວລາ​ນີ້ ​ໂຈ​ໂສ​ສວຍ​ໂອ​ກາດ​ທີ່​ພີ່​ນ້ອງ​ສອງ​ຄົນ​ນີ້​ເກີດ​ການ​ປະ​ທະ​ກັນ, ​ໄດ້​ແຕ່ງ​ກອງ​ທະ​ຫານ​ໄປ​ບຸກ​ໂຈມ​ຕີຫຼີ​ຢາງ​ຢ່າງ​ຮີບ​ດ່ວນ. ​ໃນ​ເວລາອັນຕະລາຍ​ດັ່ງກ່າວນີ້, ຢວນ​ຖານ​ຈຶ່ງ​ຂໍ​ຄວາມ​ຊ່ອຍ​ເຫຼືອນຳ​ນ້ອງ​ຊາຍ, ​ເມື່ອ​ຢວນ​ຊ້າງ​​ໄດ້ຊັ່ງຊາ​ຜົນ​ໄດ້ຜົນ​ເສຍ​ແລ້ວ ຈຶ່ງນຳ​ພາ​ກອງ​ທະ​ຫານ​ໄປ​ຊ່ອຍ​ເຫຼືອ. ​ໂກ່​ເຈ່ຍ ທີ່​ປຶກສາ​ຂອງ​ໂຈ​ໂສ​ໄດ້​ປະກອບ​ຄວາມ​ເຫັນ​ຕໍ່​ໂຈ​ໂສ​ວ່າ: "ຢວນຖານ​ກັບ​ຢວນຊ້າງ​ຍາ​ດຊິງ​ອຳນາດ​ກັນ, ຕ່າງ​ສ້າງ​ພັກ​ພວກ​ຂອງ​ຕົນ, ຖ້າ​ໄປ​ໂຈມ​ຕີ​ເຂົາ​ເຈົ້າ, ສອງອ້າຍນ້ອງຈະ​ຕ່າງ​ຊ່ອຍ​ເຫຼືອກັນ. ກົງກັນ​ຂ້າມ, ຖ້າ​ຖອນ​ທະຫານ​ໄປ​ຊົ່ວຄາວ​, ພວກ​ເຂົາ​ເຈົ້າກໍ່​ຈະ​ໂຈມ​ຕີ​ກັນ​ຢ່າງ​ແນ່ນ​ອນ." ​ໂຈ​ໂສ​ເຫັນ​ວ່າ​ຄຳ​ເວົ້າ​ຂອງ​ໂກ່​ເຈ່ຍ​ມີ​ເຫດມີຜົນ, ຈຶ່ງ​ຖອນ​ກອງ​ທະຫານ​ຄືນ​, ​ໄປ​ໂຈມ​ຕີຫຼິວປຽວ​ທີ່​ເມືອງ​ຈິ່ງ​ໂຈ່​ວ. ​​ເປັນ​ແນວ​ນັ້ນ​ແທ້, ຢວນຖານ​​ໄດ້ນຳພາ​ກອງ​ທະຫານ​ມາ​ໂຈມ​ຕີ​ຢວນຊ້າງ, ​ເສິນ​ເພິ້ຍຈຶ່ງຟ້າວ​ຂຽນ​ຈົດໝາຍ​ມາ​ໃຫ້​ຢວນຖານ, ​ເຕືອນ​ແລ້ວ​ເຕືອນ​ອີກ, ຫວັງ​ໃຫ້​ສອງອ້າຍນ້ອງ​​ຢ່າ​​ເຮັດ​ເລື່ອງ​ທີ່​ເຮັດ​ໃຫ້​ຍາດ​ມິດ​ຊ້ຳ​ໃຈ​ຄູ່​ອາ​ຄາດ​ດີ​ໃຈ. ​ໃນ​ຈົດໝາຍ​ຂອງ​ເສິນ​ເພິ້ຍຂຽນ​ວ່າ: "ສອງອ້າຍນ້ອງ​ສຸມຈິດ​ສຸມ​ໃຈ, ສາມັກຄີ​ກັນ​ຢ່າງ​ແໜ້ນ​ແຟ້ນ, ກໍ່​ຈະ​ເພີ່ມ​ອິດ​ທິພົນຫຼາຍຂຶ້ນຄົບ​ເທົ່າ, ປ້ອງ​ກັນ​ສັດຕູ​ເຮັດ​ໃຫ້​ທົ່ວດິນ​ແດນມີ​ຄວາມສະຫງົບ, ທະຫານ​ແລະ​ປະຊາຊົນ​ກໍ່​ຍິນ​ດີ​ອຸທິດ​ເຫື່ອ​ແຮງ. ​ເປັນ​ຫຍັງ​ພັດ​ໄປ​ຟັງ​ການ​ຍຸຍົງ​ຂອງ​ຄົນ​ໃຈ​ຄົດ, ປ່ຽນ​ຄວາມ​ຄຶດ​ທີ່​ພ້ອມ​ກັນ​ປ້ອງ​ກັນ​ໂຈ​ໂສ, ປ່ຽນ​ແປງ​ເຈົ້າຄອງ​ເມືອງ​ຈີ້​ໂຈ່​ວຢ່າງ​ດື້​ດ້ານ​ຈອງຫອງ, ​ແລະ​ດັນ​ໃຫ້​ສາມັນ​ຊົນ​ອັນ​ໄພສານ​ຕົກ​ຢູ່​​ໃນຂຸມ​ເລິກ​ແຫ່ງ​ສົງຄາມ?" ຕາມ​ການ​ບັນທຶກ​ໃນ​ໜັງສື​ບູຮານ, ​ເມື່ອຢວນຖານ​ອ່ານ​ຈົດໝາຍ​ແລ້ວ​ເຄີຍນ້ຳຕາ​ໄຫຼອາບ​​ແກ້ມ, ​ແຕ່​ຍ້ອນ​ສອງອ້າຍນ້ອງ​ໂຈມ​ຕີ​ກັນ, ​ໃນ​ທີ່​ສຸດ ​ໂຈ​ໂສ​ຈຶ່ງ​ດັບ​ສູນ​ອິດ​ທິກຳລັງ​ວົງ​ຕະກູນ​ຢວນ​ໄດ້​ຢ່າງ​ງ່າຍດາຍ.