|
|
 |
| (GMT+08:00)
2006-01-11 20:54:06
|
 |
|
ທ່ານເວີ່ນເຈ່ຍປາວກ່າວເນັ້ນວ່າ ຈະເລັ່ງລັດຊຸກຍູ້ບາດກ້າວປະດິດສ້າງດ້ານວິທະຍາສາດເຕັກໂນໂລຢີຂອງຈີນ
cri
Author: cai
ຕາມຂ່າວCRI:ກອງປະຊຸມວິທະຍາສາດເຕັກໂນໂລຢີທົ່ວປະເທດຈີນທີ່ຈັດຂຶ້ນຢູ່ປັກກິ່ງໄດ້ອັດລົງໃນວັນທີ 11 ມັງກອນ.ຫວ່າງກ່ອນນີ້,ໃນເວລາເຂົ້າຮ່ວມກອງປະຊຸມດັ່ງກ່າວ,ທ່ານເວີ່ນເຈ່ຍປາວ ນາຍົກລັດຖະມົນຕີຈີນກ່າວເນັ້ນວ່າ,ຈະເລັ່ງລັດຊຸກຍູ້ບາດກ້າວປະດິດສ້າງດ້ານວິທະຍາສາດເຕັກໂນໂລຢີຂອງຈີນ.
ທ່ານເວີ່ນເຈ່ຍປາວເວົ້າວ່າ,ການປະດິດສ້າງຢ່າງເປັນເຈົ້າຕົນເອງແມ່ນວິນຍານຂອງການພັດທະນາວິທະຍາສາດເຕັກໂນໂລຢີ,ແມ່ນກຳລັງດັນທີ່ບໍ່ສຸດສ້ຽງແຫ່ງການພັດທະນາຂອງຊາດໜຶ່ງ,ຕ້ອງຖືການຍົກຄວາມສາມາດປະດິດສ້າງຢ່າງເປັນເຈົ້າຕົນເອງໃຫ້ສູງຂຶ້ນເປັນການເລືອກເອົາອັນດັບໜຶ່ງໃນການຍົກກຳລັງແກ່ງແຍ່ງດ້ານວິທະຍາສາດເຕັກໂນໂລຢີໃຫ້ສູງຂຶ້ນ.ທ່ານເວົ້າວ່າ,ຈີນຈະວາງແລະປະຕິບັດນະໂຍບາຍແລະມາດຕະການທີ່ສົ່ງເສີມການປະດິດສ້າງຢ່າງເປັນເຈົ້າຕົນເອງ,ຜ່ານຈາກນະໂຍບາຍເກັບພາສີມາກະດຸກຊຸກຍູ້ວິສາຫະກິດເພີ່ມການລົງທຶນເຂົ້າໃນການຄົ້ນຄວ້າພັດທະນາ,ພ້ອມກັນນັ້ນ,ເພີ່ມຄວາມແຮງໃນການປົກປັກຮັກສາສິດຊັບສິນທາງປັນຍາ,ກວດກາຊຳລະແລະລົງໂທດການກະທຳຜິດກົດໝາຍທີ່ລ່ວງລະເມີດສິດປະເພດຕ່າງໆຢ່າງເດັດດ່ຽວ.
ທ່ານເວີ່ນເຈ່ຍປາວຍັງກ່າວເນັ້ນວ່າ,ຕໍ່ໄປພາຍໜ້າ,ຈີນຈະວາງການພັດທະນາພະລັງງານ ການຮັກສາສິ່ງແວດລ້ອມຊັບພະຍາກອນນ້ຳໄວ້ຢູ່ຖານະບູລິມະສິດ;ພະຍາຍາມກຳສິດຊັບສິນທາງປັນຍາເປັນເຈົ້າຕົນເອງຂອງເຕັກນິກແກນກາງຂອງຂະແໜງການຜະລິດອຸປະກອນແລະອຸດສາຫະກຳຂໍ້ມູນຂ່າວສານ;ເລັ່ງລັດພັດທະນາເຕັກນິກຊີວະຊາດແລະເຕັກນິກທະເລ;ເພີ່ມທະວີການຄົ້ນຄວ້າວິທະຍາສາດເຕັກໂນໂລຢີພື້ນຖານແລະເຕັກນິກແນວໜ້າ,ເພື່ອເລັ່ງລັດຊຸກຍູ້ການພັດທະນາຂອງພາລະກິດວິທະຍາສາດເຕັກໂນໂລຢີຂອງຈີນ.
|
|
|
