|
ເຈົ້າໜ້າທີ່ອົງການອະນາໄມໂລກຮູ້ສຶກເພິ່ງພໍໃຈຕໍ່ມາດຕະການປ້ອງກັນຄວບຄຸມໄຂ້ຫວັດສັດປີກຂອງຕວກກີ
cri
ຕາມຂ່າວCRI,ວັນທີ11ມັງກອນ,ຢູ່ອັງກາລາ,ທ່ານມາກ ດານຊົນຜູ່ຮັບຜິດ ຊອບພາກພື້ນເອີລົບຂອງອົງການອະນາໄມໂລກໄດ້ເຈລະຈາກັບທ່ານເຣເຊັບ ອັກດາກ ລັດຖະມົນຕີກະຊວງສາທາລະນະສຸກຕວກກີ.ໃນງານຊຸມນຸມນັກຂ່າວທີ່ຈັດຂຶ້ນຫຼັງການເຈລະຈາ,ທ່ານດານຊົນກ່າວວ່າ,ອົງການດັ່ງກ່າວຮູ້ສຶກເພິ່ງພໍໃຈຕໍ່ມາດຕະການປ້ອງກັນຄວບຄຸມໄຂ້ຫວັດສັດປີກຂອງລັດຖະບານຕວກກີ.
ມື້ດຽວກັນ,ເຈົ້າໜ້າທີ່ຊັ້ນສູງທີ່ຮັບຜິດຊອບສຸຂະພາບຂອງສັດຂອງອົງການຟາວສະຫະປະຊາຊາດກ່າວວ່າ,ເຖິງວ່າຕວກກີໄດ້ໃຊ້ມາດຕະການແລ້ວກໍຕາມ,ແຕ່ວ່າເຊື້ອໂຣກໄຂ້ຫວັດສັດປີກອາດພວມແຜ່ລະບາດຢູ່ຕວກກີ.ອົງການຟາວຮຽກຈິ່ງຮ້ອງໃຫ້ປະເທດໃກ້ຄຽງຂອງຕວກກີຍົກສະຕິລະວັງຕົວໃຫ້ສູງຂຶ້ນ.
ຍ້ອນສະພາບໄຂ້ຫວັດສັດປີກຂອງຕວກກີ ນັບມື້ນັບຮ້າຍແຮງ,ວັນທີ11ມັງກອນ,ສະຫະພາບເອີລົບໄດ້ປະກາດເລື່ອນເວລາປະຕິບັດແຜນການຕິດຕາມຄວບຄຸມນົກປ່າໄປຮອດທ້າຍປີ2006.
ນອກນີ້,ຂ່າວແຈ້ງວ່າ,ວັນທີ11ມັງກອນ,ກະຊວງກະສິກຳລູມານີປະກາດວ່າ,ອີງຕາມຜົນການກວດກາຫຼ້າສຸດ,ຢູ່ພາກຕາເວັນອອກຂອງລູມານີໄດ້ມີອີກສອງບ່ອນເກີດພະຍາດໄຂ້ຫວັດສັດປີກ,ແຕ່ຍັງບໍ່ທັນມີຄົນຕິດເຊື້ອໂຣກໄຂ້ຫວັດສັດປີກຢູ່ລູມານີ.
|
|
