|
ປັກກິ່ງບັນລຸເປົ້າໝາຍປູກຕົ້ນໄມ້ຂອງງານກິລາໂອລິມປິກກ່ອນເວລາກຳນົດ3ປີ
cri
Author: shuo
ຕາມຂ່າວຈາກໜັງສືພິມເຢິນມິນຢື້ປ້າວຂອງຈີນ:ນັບມາຮອດທ້າຍປີ2005,ອັດຕາຕົ້ນໄມ້ ຂອງນະຄອນປັກກິ່ງໄດ້ລື່ນກາຍ50%,ເຊິ່ງໄດ້ບັນລຸເປົ້າໝາຍປູກຕົ້ນໄມ້ຂອງງານກິລາໂອ ລິມປິກປັກກິ່ງປີ2008ກ່ອນເວລາກຳນົດ3ປີ.
ຕາມແນະນຳວ່າ,ໃນຖານເປັນພາກສ່ວນໜຶ່ງຂອງ "ງານກິລາໂອລິມປິກສີຂຽວ",ປັກກິ່ງໄດ້ ໃຫ້ຄຳໝັ້ນສັນຍາຕໍ່ໂລກວ່າອັດຕາປູກຕົ້ນໄມ້ສ້າງປ່າໃນປີ2008ຈະບັນລຸ50%.ນັບມາຮອດທ້າຍປີ2005,ເນື້ອທີ່ປ່າໄມ້ຂອງນະຄອນປັກກິ່ງໄດ້ບັນລຸ1ລ້ານກວ່າເຮັກຕາ,ເນື້ອທີ່ ຕົ້ນໄມ້ຕົ້ນຫຍ້າທີ່ສະເລ່ຍຕາມຫົວຄົນໃນຕົວເມືອງມີ46ແມັດຕາ.ປະຈຸບັນນີ້,ຢູ່ປັກກິ່ງໄດ້ມີສິ່ງກຳບັງສີຂຽວຊີວະພາບຢູ່ຕົວເມືອງ ທົ່ງພຽງແລະເຂດພູດອຍຂອງປັກກິ່ງໃນຂັ້ນພື້ນ ຖານ,ສິ່ງແວດລ້ອມຊີວະພາບຢູ່ໃຈກາງເມືອງໄດ້ຮັບການປົວແປງໃຫ້ດີຂຶ້ນຢ່າງເດັ່ນຊັດ.
ຕາມຊາບວ່າ,ໃນ5ປີຂ້າງໜ້າ,ນະຄອນປັກກິ່ງຈະສືບຕໍ່ປົວແປງສິ່ງແວດລ້ອມຊີວະພາບຂອງຕົວເມືອງໃຫ້ດີຂຶ້ນ,ໂດຍໝູນອ້ອມຍຸດທະສາດການພັດທະນາກວມລວມຄື "ຈັດງານກິລາໂອລິມປິກສີຂຽວ,ສ້າງຕົວເມືອງຊີວະພາບ".
|
|
