|
|
 |
| (GMT+08:00)
2006-01-12 15:35:46
|
 |
|
ມື້ໃດກໍແມ່ນມື້ສັນວັນດີ(ສຽງ)
cri
Author: shuo
|
ທີ່ນີ້ວິທະຍຸສາກົນແຫ່ງປະເທດຈີນ,ສະບາຍດີທ່ານຜູ້ຟັງທີ່ເຄົາລົບ,ມື້ນີ້ແມ່ນມື້ຂຶ້ນປີໃໝ່ປີ 2006,ໃນວັນສິລິມຸງຄຸນນີ້,ດີໃຈຫຼາຍທີ່ໄດ້ພົບກັບທ່ານໃນລາຍການນັດພົບໃນວັນອາທິດ. ຂ້າພະເຈົ້າແມ່ນສົມບູນ.ຢູ່ແຫ່ງນີ້,ຂ້າພະເຈົ້າຂໍເວົ້າ"ສະບາຍດີປີໃໝ່"ຕໍ່ທ່ານຜູ້ຟັງທີ່ຮັກແພງ.ໃນລາຍການມື້ນີ້,ຂ້າພະເຈົ້າຂໍແນະນຳເພງປະມວນໜຶ່ງທີ່ມ່ວນຊື່ນໜ້າຟັງ,ເພື່ອສົ່ງ ຄວາມອວຍພອນປີໃໝ່ມານຳສຽງເພງ.ກ່ອນອື່ນເຊີນຟັງເພງsong gei ni "ຂໍມອບໃຫ້ເຈົ້າ"ທີ່ຂັບຮ້ອງໂດຍທ່ານເວີ້ຍຈິ່ນຕົ້ງແລະນາງລິວຢູ້ຫວັນ.ເພງນີ້ມີທຳນອງມ່ວນຊື່ນຫຼ່ຽນໄຫຼ,ພໍດີເມາະກັບບັນຍາກາດມ່ວນຊື່ນສິລິມຸງຄຸນຂອງບຸນປີໃໝ່.ເພງນີ້ມີເນື້ອຮ້ອງວ່າ: "ຂໍມອບສິລິມຸງຄຸນໃຫ້ເຈົ້າ,ຂໍມອບຄວາມມ່ວນຊື່ນໃຫ້ເຈົ້າ,ຂໍສົ່ງຄວາມສຸກຂະພາບໃຫ້ ເຈົ້າ,ຂໍສົ່ງຄວາມຈະເລີນຮຸ່ງເຮືອງໃຫ້ເຈົ້າ,ຂໍສົ່ງຄວາມສຸກໃຫ້ເຈົ້າ,ຂໍໃຫ້ເຈົ້າ,ຂໍໃຫ້ເຈົ້າຢູ່ດີມີແຮງ, ປະສົບແຕ່ຄວາມສຸກ ເບີກບານມ່ວນຊື່ນ ສິລິມຸງຄຸນ."
ເພງ "ຂໍມອບໃຫ້ເຈົ້າ"ທີ່ຟົດຟື້ນ ມ່ວນຊື່ນໄດ້ນຳເອົາບັນຍາກາດມ່ວນຊື່ນໃນວັນບຸນມາຍັງ ພວກເຮົາ.ຕໍ່ໄປ,ເຊີນຟັງເພງni rang wo gan dong "ເຈົ້າເຮັດໃຫ້ຂ້ອຍກະຕຸ້ນໃຈ"ທີ່ຂັບຮ້ອງໂດຍນາງ ເຊິນສື່ສື່.ໃນເພງມີເນື້ອຮ້ອງວ່າ: "ຂໍໃຫ້ເຈົ້າຍີ້ມຢ່າງຊື່ນໃຈທຸກມື້ທຸກນາທີ,ໃນຊີວິດທີ່ທຳມະດາ ມ່ວນຊື່ນແລະສະບາຍໃຈ.ຂໍອວຍພອນໃຫ້ເຈົ້າຈົ່ງສົມຫວັງທຸກມື້ທຸກນາທີ,ເຖິງວ່າເວລາຈະຜ່ານໄປວັບໆ,ດອກໄມ້ແດງກໍບານເຮື່ອເຮືອງ."
ໃນວັນບຸນທີ່ມ່ວນຊື່ນນີ້,ຜູ້ຢູ່ໄກບ້ານຍ່ອມຄິດຮອດຄິດເຖິງຄອບຄົວ,"ສະບາຍດີປີໃໝ່,ຄອບ ຄົວຂອງຂ້ອຍ,ຂ້ອຍບໍ່ຢູ່ເຮຶອນ,ພວກເຈົ້າກໍຍັງຄ່ອຍຢູ່ບໍ່?"ເຊີນຟັງເພງxin nian kuai le "ສະບາຍດີປີໃໝ່"ທີ່ຂັບຮ້ອງໂດຍວົງດົນຕີshui mu nian hua ເຊິ່ງປະກອບດ້ວຍສຽງ ຊາຍສອງຄົນ.
ເພື່ອນຜູ້ຟັງ,ທີ່ຟັງມານັ້ນແມ່ນເພງxin nian kuai le "ສະບາຍດີປີໃໝ່"ທີ່ຂັບຮ້ອງໂດຍວົງດົນຕີ shui mu nian hua. ຕໍ່ໄປ,ເຊີນຟັງເພງyue lai yue hao"ນັບມື້ນັບດີຂຶ້ນ" ທີ່ຂັບຮ້ອງໂດຍນາງຊົ້ງຈູຢິ່ງ ນັກຮ້ອງທີ່ມີຊື່ສຽງຂອງຈີນ.ເພງນີ້ໄດ້ສະແດງຄວາມຮັກຫອມແລະສັນລະເສີນຊີວິດອັນສຸກສັນຂອງຄົນທັງຫຼາຍ,ເນື້ອເພງເຂົ້າໃຈງ່າຍ,ທຳນອງ ອອນຊອນ ຫຼ່ຽນໄຫຼ.
ທີ່ຟັງມານັ້ນແມ່ນເພງyue lai yue hao"ນັບມື້ນັບດີຂຶ້ນ" ທີ່ຂັບຮ້ອງໂດຍນາງຊົ້ງຈູຢິ່ງ.
ສຸດທ້າຍ,ເຊີນຟັງເພງtian tian hao shi guang"ມື້ໃດກໍແມ່ນມື້ສັນວັນດີ"ທີ່ຂັບຮ້ອງໂດຍນາງຖ່າງຊ້ານ ນັກຮ້ອງເພງໄວໜຸ່ມ.ໃນເພງນີ້ມີເນື້ອຮ້ອງວ່າ: "ຂໍໃຫ້ຄຳຖາມຂ່າວອັນອ່ອນຫວານ,ເລື່ອນລອຍໄປຕາມສາຍລົມ.ຂໍໃຫ້ຄຳອວຍພອນອັນຈິງໃຈ,ນຳເອົາຄວາມຫວັງໃໝ່ມາໃຫ້.ຂໍໃຫ້ຄວາມຝັນອັນຈົບງາມໄປຄຽງຄູ່ກັບມື້ສັນວັນດີທຸກໆວັນ".ພວກເຮົາຂໍອວຍພອນໃຫ້ເພື່ອນຜູ້ຟັງທັງຫຼາຍຈົ່ງມີແຕ່ຄວາມຈົບງາມຢູ່ຄຽງຂ້າງ ທຸກໆວັນ.
ທ່ານຜູ້ຟັງ,ໃນສຽງເພງທີ່ມ່ວນອອນຊອນ,ລາຍການນັດພົບໃນວັນອາທິດພາກນີ້ກໍສ້ຽງສຸດລົງແລ້ວ,ຄຶດວ່າລາຍການຂອງພວກເຮົາຄົງໄດ້ເສີມບັນຍາກາດມ່ວນຊື່ນໃຫ້ແກ່ທ່ານໃນ ຄ່ຳຄືນມື້ນີ້.ໃນປີໃໝ່ປີ2006,ຂໍໃຫ້ທ່ານຈົ່ງມີສຸຂະພາບແຂງແຮງ,ວຽກງານປະສົບແຕ່ຜົນ ສຳເລັດແລະສົມຫວັງທຸກປະການ.ຂອບໃຈທ່ານທີ່ຮັບຟັງ,ສະບາຍດີ.
|
|
|
