|
|
 |
| (GMT+08:00)
2006-01-12 17:24:40
|
 |
|
ລັດຖະບານຈີນປະກາດເອກະສານນະໂຍບາຍຕໍ່ອາຝຼິກາ
cri
ຕາມຂ່າວCRI: ວັນທີ 12 ມັງກອນ, ລັດຖະບານຈີນໄດ້ປະກາດເອກະສານນະໂຍບາຍຕໍ່ອາຝຼິກາເປັນເທື່ອທຳອິດ. ເອກະສານດັ່ງກ່າວໄດ້ວາງແຜນຕໍ່ການຮ່ວມມືໃນຂົງເຂດຕ່າງໆເຊັ່ນ: ການເມືອງ, ເສດຖະກິດ, ວັດທະນະທຳແລະສັງຄົມເປັນຕົ້ນລະຫວ່າງສອງຝ່າຍໃນໄລຍະຂ້າງໜ້າ.
ເອກະສານສະບັບນີ້ຍັງຊີ້ອອກວ່າ, ລັດຖະບານຈີນໄດ້ເລີ່ມຈາກຜົນປະໂຫຍດກົກຮາກຂອງປະຊາຊົນຈີນແລະປະຊາຊົນອາຝຼິກາ, ສຸມກຳລັງເຂົ້າໃນການສ້າງແລະຂະຫຍາຍການພົວພັນຄູ່ຂາຍຸດທະສາດແບບໃໝ່ທີ່ສະເໝີພາບແລະໄວ້ເນື້ອເຊື່ອໃຈກັນໃນດ້ານການເມືອງ, ຮ່ວມມືກັນແລະຕ່າງຝ່າຍຕ່າງມີຜົນປະໂຫຍດໃນດ້ານເສດຖະກິດ, ແລກປ່ຽນກັນແລະຖອດຖອນບົດຮຽນກັນໃນດ້ານວັດທະນະທຳລະຫວ່າງຈີນກັບອາຝຼິກາ.
ວັນທີ 12 ມັງກອນ, ທ່ານລູກົວເຈິ່ງ ຜູ້ຊ່ອຍລັດຖະມົນຕີກະຊວງການຕ່າງປະເທດຈີນເວົ້າວ່າ, ປີນີ້ແມ່ນປີທີ່ປະເທດຈີນໃໝ່ກັບປະເທດອາຝຼິກາສ້າງສາຍສຳພັນທາງການທູດຄົບຮອບ 50 ປີ, ຈີນປະກາດເອກະສານນະໂຍບາຍຕໍ່ອາຝຼິກາແມ່ນການເຄື່ອນໄຫວການຕ່າງປະເທດອັນສຳຄັນລາຍໜຶ່ງຂອງລັດຖະບານຈີນ. ທ່ານເຊື່ອໝັ້ນວ່າ, ນະໂຍບາຍຕໍ່ອາຝຼິກາຂອງຈີນຈະປັບປຸງແລະຊຸກຍູ້ການພົວພັນຮ່ວມມືດ້ວຍໄມຕີຈິດລະຫວ່າງຈີນກັບອາຝຼິກາຕື່ມອີກ, ແລະຊຸກຍູ້ປະຊາຄົມໂລກຍິ່ງເອົາໃຈໃສ່ແລະໃຫ້ຄວາມສຳຄັນນຳອາຝຼິກາຫຼາຍກວ່າເກົ່າ.
|
|
|
