|
|
 |
| (GMT+08:00)
2006-01-13 11:18:01
|
 |
|
ຈີນກັບອິນເດຍເຊັນບົດບັນທຶກການຮ່ວມມືດ້ານພະລັງງານ
cri
ຕາມຂ່າວສານຊິນຮວາ,ວັນທີ12ມັງກອນ,ຢູ່ທີ່ປັກກິ່ງ,ຈີນກັບອິນເດຍໄດ້ເຊັນບົດບັນທຶກກ່ຽວກັບການເພີ່ມທະວີການຮ່ວມມືໃນດ້ານນ້ຳມັນເຊື້ອໄຟແລະອາຍແກັສທຳມະຊາດ.
ບົດບັນທຶກດັ່ງກ່າວໝາຍຈະຊຸກຍູ້ການຮ່ວມມືລະຫວ່າງສອງປະເທດໃນຂົງເຂດພະລັງງານ, ມີບົດບາດຊຸກຍູ້ການຮັບປະກັນຄວາມປອດໄພດ້ານພະລັງງານແລະຮັກສາລາຄາຕະຫຼາດພະລັງງານອາຊີໃຫ້ໝັ້ນທ່ຽງ.ທ່ານມາຄາຍ ປະທານຄະນະກຳມະການການພັດທະນາແລະປະຕິຮູບແຫ່ງລັດຈີນແລະທ່ານອາຍຢາ ລັດຖະມົນຕີກະຊວງນ້ຳມັນເຊື້ອໄຟແລະອາຍແກັສທຳມະຊາດອິນເດຍໄດ້ຮ່ວມກັນລົງນາມໃນເອກະສານດັ່ງກ່າວ.
ຕາມໄດ້ຊາບ,ການຮ່ວມມືລະຫວ່າງ ຈີນກັບອິນເດຍໃນຂົງເຂດນ້ຳມັນເຊື້ອໄຟຍັງຈະລວມທັງການຂຸດຄົ້ນນ້ຳມັນດິບ,ກັ່ນນ້ຳມັນແລະຍົກປະສິດທິພາບໃຫ້ສູງຂຶ້ນເປັນຕົ້ນ.
ວັນທີ12ມັງກອນ,ເຈົ້າໜ້າທີ່ຄະນະກຳມະການ ພັດທະນາແລະປະຕິຮູບແຫ່ງລັດຈີນກ່າວວ່າ,ຈີນແລະອິນເດຍດຳເນີນການຮ່ວມມືໃນດ້ານພະລັງງານບົນພື້ນຖານສະເໝີພາບຕ່າງຝ່າຍຕ່າງມີຜົນປະໂຫຍດນັ້ນ ສອດຄ່ອງກັບຜົນປະໂຫຍດກົກຮາກຂອງສອງປະເທດ.
|
|
|
