|
ໃນຊີວິດປະຈຳວັນຂອງພວກເຮົາ,ມີຫລາຍໆຄົນມັກດື່ມ ນ້ຳຊາ.ຄັນຊັ້ນ,ຮູ້ຈັກບໍ່ວ່າ, ດຶ່ມນ້ຳຊາໃນເວລາໃດບໍ່ຖືກຫຼັກວິທະຍາສາດແລະບໍ່ມີຜົນດີຕໍ່ສຸຂະພາບຂອງຕົນ
ຫນຶ່ງ:ບໍ່ຄວນດຶ່ມນ້ຳຊາໃນຍາມທ້ອງຜູກ:ຍ້ອນວ່າໃນໃບຊາມີເຫດວັດຖຸຫນຶ່ງຈະຫຼຸດປະລິມານເນື້ອເຍື່ອລຳໄສ້ແລະກະເພາະອາຫານ,ແລ້ວ ກະທົບກະເທືອນເຖິງສັບພະຄຸນຍ່ອຍອາຫານແລະດູດຮັບ ອາຫານ,ເຮັດໃຫ້ອາຈົມແຫ້ງ, ທ້ອງຜູກຈະຮ້າຍແຮງຕື່ມ.
ສອງ: ບໍ່ຄວນດື່ມນ້ຳຊາໃນເວລາເສັ້ນປະສາດອ່ອນເພຍຫຼືນອນບໍ່ຫຼັບ:ຍ້ອນດ່າງກາເຟໃນໃບຊາມີບົດບາດກະຕກຸເສັ້ນປະສາດກາງຂອງ ຄົນຢ່າງຫຼວງຫຼາຍ,ການດື່ມມນ້ຳຊາໂດຍສະເພາະແມ່ນດື່ມນ້ຳຊາປຸກ,ຈະເຮັດໃຫ້ສະຫມອງຄົນຕົກຢູ່ໃນສະພາບຕື່ນເຕັ້ນເກີນຄວນແລ້ວບໍ່ໄດ້ພັກຜ່ອນ.
ສາມ: ດື່ມນ້ຳຊາໃນຍາມກະເພາະອາຫານເປັນແຜ:ກ່ອນຈະຫລືຫລັງອາຫານດື່ມນ້ຳຊາຫລາຍຈະເຮັດໃຫ້ນ້ຳເມືອກໃນກະເພາະອາຫານຈາງລົງເຊິ່ງຈະກະທົບກະເທືອນເຖິງການຍ່ອຍອາຫານ.ຖ້າດື່ມ ນ້ຳຊາຫລາຍ, ກົດໃນກະເພາະອາຫານຈະເພີ່ມຫລາຍຂຶ້ນ,ກໍກະທົບກະເທືອນເຖິງການຟື້ນຟູດີຄືນຂອງແຜໃນກະເພາະອາຫານ,ພາໃຫ້ອາການເຈັບໜັກເຂົ້າ.ຜູ້ເປັນພະຍາດກະເພາະອາຫານເປັນແຜຄວນດື່ມນ້ຳຊາໜ້ອຍ,ໂດຍສະເພາະແມ່ນບໍ່ຄວນດື່ມນ້ຳຊາປຸກຫລາຍ.
ສີ່:ບໍ່ຄວນດື່ມນ້ຳຊາໃນຍາມເປັນໂຣກຫົວໃຈຫລືເລືອດດັນສູງ:ດື່ມ ນ້ຳຊາຫລາຍໂພດຈະພາໃຫ້ຫົວໃຈຫາບແບກພາລະຫລາຍຂຶ້ນ,ເຮັດໃຫ້ຫົວໃຈເຕັ້ນໄວ ຄວາມດັນຂອງເລືອດສູງຂຶ້ນ,ດັ່ງນັ້ນ,ເຊິ່ງຈະບໍ່ມີຜົນດີຕໍ່ຜູ້ເປັນໂຣກຫົວໃຈຫລືເລືອດດັນສູງ. ຫ້າ:ບໍ່ຄວນດື່ມນ້ຳຊາໃນຍາມເລືອດຈາງ: ໃນໃບຊາມີທາດຊະນິດຫນຶ່ງ,ສາມາດເຮັດໃຫ້ທາດເຫັຼກໃນອາຫານຕົກຕະກອນແລ້ວຈະດູດຮັບຍາກ.ທາດເຫັຼກແມ່ນວັດຖຸສຳຄັນແຫ່ງການສ້າງເມັດເລືອດແດງ,ຖ້າຮ່າງ ກາຍ ຂາດທາດເຫັຼກການເກີດເມັດເລືອດແດງຕິດຂັດ,ເກີດມີອາການເລືອດຈາງຍ້ອນຂາດທາດເຫັຼກ.ຖ້າດື່ມນ້ຳຊາເປັນເວລາຍາວນານມັກຂາດທາດເຫັຼກໃນລະດັບຕ່າງກັນ,ສຳລັບຜູ້ທີ່ຮ່າງກາຍອ່ອນແອຂາດເລືອດຫລືເລືອດອອກຍິ່ງມີຜົນສະທ້ອນຫລາຍກວ່າໝູ່.
ຫົກ:ບໍ່ຄວນດື່ມນ້ຳຊາໃນຍາມເປັນໄຂ້ຮ້ອນສູງ:ຄວນໃຫ້ຜູ້ເປັນໄຂ້ຮ້ອນສູງດື່ມນ້ຳຮ້ອນນ້ຳແຮ່ຫລືນ້ຳຊາຈາງ,ແຕ່ບໍ່ຄວນດື່ມນ້ຳຊາປຸກ,ດ່າງຊາມີບົດບາດເຮັດໃຫ້ອຸນຫະພູມຮ່າງກາຍສູງຂຶ້ນ,ເຮັດໃຫ້ອາການໄຂ້ຮ້ອນໜັກເຂົ້າ,ບົດບາດຊຸກຍູ້ການຖ່າຍເບົາຂອງດ່າງຊາຍັງຈະເຮັດໃຫ້ລິດຢາແກ້ຮ້ອນອ່ອນລົງ.
ເຈັດ:ບໍ່ຄວນດື່ມນຊາໃນເວລາກິນຢາບາງຢ່າງ:ວັດຖຸຊະນິດຫນຶ່ງໃນຊາມັກພາໃຫ້ອົງປະກອບຂອງຢາພື້ນເມືອງຈີນບາງຂະນິດຕົກຕະກອນ,ແລ້ວຮັບເອົາຍາກ;ຖ້າດື່ມຊາໃນເວລາກິນຢາບາງຢ່າງຈະພາໃຫ້ທາດໂປຼຕິນໃນຢາແຂ້ນເຂົ້າ,ຢາຈຶ່ງອອກລິດຍາກ. (ດົນຕີ)ຕໍ່ໄປ,ພວກເຮົາຂໍສະເຫນີໃນເວລາໃດຜູ່ຍິງບໍ່ຄວນດື່ມນ້ຳຊາ?
ຫນຶ່ງໃນເວລາຖືພາ,ແມ່ຍິງບໍ່ຄວນດື່ມນ້ຳຊາ:ໃນຊາປຸກມີກາເຟອິນສູງເຖິງ 10%,ຈະພາໃຫ້ແມ່ຍິງຜູ່ຖືພາມີປັດສາວະຫລາຍແລະຫມາກຫົວໃຈເຕັ້ນໄວ,ເຊິ່ງຈະເພີ່ມພາລະໃຫ້ແກ່ຫົວໃຈແລະຫມາກໄຂ່ຫລັງ,ພາໃຫ້ມີອາ ການເບື່ອໃນຍາມຖືພາເປັນຕົ້ນ,ບໍ່ມີຜົນດີຕໍ່ແມ່ແລະລູກໃນທ້ອງ. ສອງ ແມ່ຍິງບໍ່ຄວນດື່ມນ້ຳຊາໃນຍາມໃກ້ຈະອອກລູກ:ກ່ອນຈະອອກລູກ ຖ້າດື່ມນ້ຳຊາຫລາຍໂພດຈະພາໃຫ້ນອນບໍ່ຫລັບຍ້ອນກາເຟອິນ,ຖ້າກ່ອນອອກລູກນອນບໍ່ອິ່ມ,ມັກພາໃຫ້ຮ່າງກາຍອ່ອນເພຍໃນເວລາອອກລູກ,ຈະ ອອກລູກຍາກ. ສາມແມ່ນບໍ່ຄວນດື່ມນ້ຳຊາໃນຍາມລູກຄານົມ:ໃນໄລຍະນີ້ ຖ້າດື່ມນ້ຳຊາຫລາຍ,ທາດຊະນິດຫນຶ່ງໃນຊາຈະຖືກດູດເຂົ້າໃນການໝູນວຽນຂອງເລືອດ,ເຊິ່ງຈະເກີດມີບົດ ບາດສະກັດກັ້ນການຂັບຖ່າຍຂອງຕ່ອມນົມ,ພາໃຫ້ນ້ຳນົມບໍ່ພໍ.ອີກດ້ານຫນຶ່ງ,ກາເຟອິນໃນນ້ຳຊາຍັງຈະຜ່ານຈາກນ້ຳນົມເຂົ້າໄປໃນຮ່າງກາຍຂອງເດັກ,ກະທົບກະເທືອນເຖິງສຸຂະພາບຂອງເດັກ. ສີ່:ບໍ່ຄວນດື່ມນ້ຳຊາໃນໄວມໍ່ຈະຫມົດປະຈຳເດືອນ,ໃນເວລາເຂົ້າໄລຍະ,ແມ່ຍິງນອກ ຈາກວິນຫົວ ຮ່າງກາຍອ່ອນເພຍແລ້ວ,ລາງເທື່ອຍັງຈະມີປະກົດການຫົວໃຈເຕັ້ນໄວໂພດ,ມັກໂມໂຫ,ນອນບໍ່ຫລັບ,ຜູ້ຍິງຍັງຈະພາໃຫ້ປະຈຳເດືອນຜິດປົກກະຕິເປັນຕົ້ນ,ຖ້າດື່ມນ້ຳຊາຫລາຍໂພດຈະເຮັດໃຫ້ອາການເຫົ່ຼານີ້ຮ້າຍແຮງເຂົ້າ,ບໍ່ມີຜົນດີຕໍ່ການຜ່ານໄລຍະນີ້ຢ່າງສະດວກ.
|
