|
ຂໍ້ມູນຂ່າວສານເຕືອນໄພອາກາດຮ້າຍແຮງໄດ້ເຂົ້າຄຸ້ມເຮືອນຢູ່ຂອງນະຄອນຊຽງໄຮ້
cri
ຕາມຂ່າວສານຊິນຮວາ: ນະຄອນຊຽງໄຮ້ ຕົວເມືອງແຄມທະເລພາກຕາເວັນອອກຂອງຈີນໄດ້ສ້າງແທ່ນປະກາດຂໍ້ຄວາມໂທລະສັບມືຖືທີ່ຕິດຕໍ່ກັບຜູ້ຈັດການຂອງບໍລິສັດຄຸ້ມຄອງອະສັງຫາລິມະຊັບແລະພະນັກງານໃນຄຸ້ມເຮືອນຢູ່ທີ່ກ່ຽວຂ້ອງໃນທົ່ວນະຄອນ, ຕໍ່ໄປພາຍໜ້າ, ຂໍ້ມູນຂ່າວສານເຕືອນໄພອາກາດຮ້າຍແຮງທຸກຂໍ້ທີ່ສະຖານີອຸຕຸນິຍົມຊຽງໄຮ້ປະກາດນັ້ນ, ກໍ່ຈະແຈ້ງໃຫ້ຄຸ້ມເຮືອນຢູ່ໃນທັນທີ.
ຕໍ່ໄປພາຍໜ້າ, ຖ້າເກີດອາກາດຮ້າຍແຮງຄື ລົມພາຍຸ, ຝົນຕົກແຮງ, ໝອກໃຫຍ່, ໜາວຈັດແລະຮ້ອນຈັດເປັນຕົ້ນ, ຕາບໃດສະຖານີອຸຕຸນິຍົມປະກາດຂ່າວເຕືອນໄພແລະສັນຍາເຕືອນໄພປະເພດຕ່າງໆ, ຜູ້ຈັດການຂອງບໍລິສັດຄຸ້ມຄອງອະສັງຫາລິມະຊັບໃນຄຸ້ມເຮືອນຢູ່, ຜູ້ສ້ອມແປງເຮືອນຢູ່ແລະພະນັກງານຂອງຄຸ້ມເຮືອນຢູ່ທີ່ກ່ຽວຂ້ອງໝື່ນກວ່າຄົນຂອງຄຸ້ມເຮືອນຢູ່ 98% ໃນນະຄອນຊຽງໄຮ້ກໍ່ຈະໄດ້ຮັບຂໍ້ຄວາມໂທລະສັບມືຖືທີ່ກ່ຽວຂ້ອງໃນທັນທີ, ແລະແຈ້ງໃຫ້ໄທເມືອງຊາບດ້ວຍວິທີທີ່ບັງເກີດຜົນຕ່າງໆ, ໃຊ້ມາດຕະການຮັບມືທີ່ສົມຄູ່ກັນ, ເພື່ອບໍ່ໃຫ້ຊີວິດແລະຊັບສົມບັດຂອງໄທເມືອງມີຄວາມເສຍຫາຍທີ່ບໍ່ຈຳເປັນ.
|
|
