|
ຜູ້ຊ່ຽວຊານຕ່າງປະເທດຢູ່ປັກກິ່ງ15ຄົນໄດ້ຮັບລາງວັນມິດຕະພາບກຳແພງຍັກ
cri
ຕາມຂ່າວສານຈີນ,ຫວ່າງກ່ອນນີ້,ຜູ້ຊ່ຽວຊານຕ່າງປະທດທີ່ເຮັດວຽກຢູ່ປັກກິ່ງ15ຄົນໄດ້ຮັບລາງວັນມິດຕະພາບກຳແພງຍັກສົກປີ2005ຂອງປັກກິ່ງ.
ຜູ້ຊ່ຽວຊານ15ຄົນດັ່ງກ່າວມາຈາກ8ປະເທດເຊັ່ນ,ອາເມລິກາ,ອັງກິດແລະການາດາເປັນຕົ້ນ,ຂົງເຂດວຽກງານຂອງພວກເຂົາເຈົ້າໄດ້ກ່ຽວພັນເຖິງຂະແໜງການຜະລິດທັນສະໄໝ,ໂທລະຄົມມະນາຄົມ,ການສຶກສາແລະອະນຸລັກສິ່ງແວດລ້ອມເປັນຕົ້ນ.
ຮອດທ້າຍປີ2005,ຊ່າວຕ່າງປະເທດທີ່ປະຈຳຢູ່ປັກກິ່ງໄດ້ບັນລຸ6ໝື່ນ 5ພັນຄົນ,ເຈົ້າໜ້າທີ່ອົງການປົກຄອງນະຄອນຫຼວງປັກກິ່ງເຫັນວ່າ,ໃນຖານເປັນຕົວເມືອງໃຫຍ່ທີ່ມີລັກສະນະທົ່ວໂລກ,ປັກກິ່ງໄດ້ອຳນວຍຊ່ອງຫວ່າງພັດທະນາທີ່ກວ້າງຂວາງກວ່າເກົ່າໃຫ້ຊາວຕ່າງປະເທດທີ່ມາເຮັດວຽກຢູ່ປັກກິ່ງ.
ລາງວັນມິດຕະພາບກຳແພງຍັກທີ່ສ້າງຕັ້ງຂຶ້ນໃນປີ1999ແມ່ນອົງການປົກ ຄອງປັກກິ່ງສ້າງຕັ້ງຂຶ້ນເພື່ອຍ້ອງຍໍສັນລະເສີນຜູ່ຊ່ຽວຊານຕ່າງປະເທດທີ່ໄດ້ປະ ກອບສ່ວນອັນພົ້ນເດັ່ນເຂົ້າໃນພາລະກິດສ້າງສາປັກກິ່ງ,ຮອດປັດຈຸບັນ,ມີຜູ້ຊ່ຽວ ຊານຕ່າງປະເທດ93ຄົນໄດ້ຮັບລາງວັນພິເສດດັ່ງກ່າວ.
|
|
