|
|
 |
| (GMT+08:00)
2006-01-14 18:43:01
|
|
ເຈົ້າໜ້າທີ່ອີຣັກປະຕິເສດບໍ່ຮັບຮອງວ່າຫົວໜ້າຜູ້ພິພາກສາຂອງທ່ານຊັດດາມຈະລາອອກຈາກຕຳແໜ່ງ
cri
ຕາມຂ່າວານຊີນຮວາ,ວັນທີ14ມັງກອນ,ເຈົ້າໜ້າທີ່ຕຸລາການອີຣັກປະຕິເສດບໍ່ຮັບຮອງວ່າທ່ານອາມີນ ຫົວໜ້າຜູ້ພິພາກສາທີ່ຮັບຜິດຊອບໄຕ່ສວນຕັດສິນທ່ານຊັດດາມ ອະດີດປະທານາທິບໍດີອີຣັກຈະລາອອກຈາກຕຳແໜ່ງ,ທ່ານເວົ້າວ່າທ່ານອາມີນຈະສືບຕໍ່ເຮັດວຽກຂອງຕົນ.
ເຈົ້າໜ້າທີ່ຕຸລາການຂອງອີຣັກຜູ້ໜຶ່ງທີ່ບໍ່ຢາກເຜີຍຊື່ເວົ້າວ່າ,ການແຈ້ງຂ່າວກ່ອນໜ້ານີ້ກ່ຽວກັບທ່ານອາມີນຈະລາອອກຈາກຕຳແໜ່ງນັ້ນແມ່ນບໍ່ມີຫຼັກຖານຈັກເມັດ.
ວັນທີ13ມັງກອນ,ບຸກຄົນຂ່າວສານຜູ້ໜຶ່ງທີ່ກ່າວວ່າຕົວເອງແມ່ນຜູ້ໃກ້ຊິດກັບທ່ານອາມິນເຄີຍເຜີຍໃຫ້ສື່ມວນຊົນຊາບວ່າ,ທ່ານອາມີນຫົວໜ້າຜູ້ພິພາກສາມີແຜນຈະລາອອກຈາກຕຳແໜ່ງ.ທ່ານເວົ້າວ່າ,ທ່ານອາມີນຈະປະກາດເຫດຜົນທີ່ລາອອກຈາກຕຳແໜ່ງພາຍຫຼັງກຳກັບການໄຕ່ສວນທ່ານຊັດດາມໃນວັນທີ24ມັງກອນ.
|
|
|
