ທີ່ນີ້, ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ່ຟັງທີ່ໂຄລົບ.

ຄຽງຄູ່ກັບສຽງດົນຕີສະຕິງ, ລາຍການຢ່ອນອາລົມໃນວັນເສົາຂອງພວກເຮົາກໍໄດ້
ວຽນມາພົບກັບທ່ານອີກຕາມເຄີຍ, ຂ້າພະເຈົ້າແມ່ນແສງແກ້ວ. ຄະນະຮ້ອງຊິນວູ໋ຊີ້
ແມ່ນຄະນະຮ້ອງທີ່ມີຈຸດພິເສດດ້ວຍດົນຕີຮິບ- ຮອບແລະການເຕັ້ນລະບຳ, ແມ່ນ
ບໍລິສັດສິນລະປະການສະແດງຂອງຈີນແລະສາທາລະນະລັດເກົາຫຼີພ້ອມກັນສ້າງ
ຕັ້ງຂຶ້ນ. ສະມາຊິກທີ່ໜຸ່ມນ້ອຍຫ້າວຫັນ4ຄົນລ້ວນແຕ່ໄດ້ຮັບການອົບຮົມບົ່ມສ້າງ
ຈາກດົນຕີຮິບ-ຮອບມາຫຼາຍປີ, ແລະເຕັ້ນລະບຳເບຼກແດນສ໌ມາແຕ່ນ້ອຍ, ແມ່ນຜູ່
ດີເດັ່ນໃນວົງການລະບຳເບຼັກແດນຂອງເຂດໃນຈີນ. ທີ່ທ່ານຟັງຢູ່ນີ້ແມ່ນເພງພວກ
ເຂົາເຈົ້າຮ້ອງໄປນຳເຕັ້ນໄປນຳ.

ທີ່ຟັງມານັ້ນແມ່ນເພງ(ຄວາມຮູ້ສຶກແນວນີ້)ທີ່ຊິວູ໋ຊີ້,  ເສຍດາຍທີ່ທ່ານບໍ່ເຫັນເຂົາ
ເຈົ້າເຕັ້ນລະບຳເບຼັກແດນສ໌, ເຊື່ອວ່າຊາວໜຸ່ມ4ຄົນທີ່ມີໂສມໜ້າເຈົ້າຊູ້ຮ້ອງເກັ່ງ
ທັງມ່ວນຈະໄດ້ຮັບຄວາມນິຍົມຊົມເຊີຍຈາກແຟນເພງລຸ້ນໄວໜຸ່ມໃນໄວໆນີ້.

ທ້າວເຈິ່ນສຽງແມ່ນອ້າຍບ່າວຮູບຫຼໍ່ທ່ີຊ່າງເຕັ້ນຊ່າງຮ້ອງເພງ,   ເຖິງວ່າອາຍຸຮຸ່ມ
ນ້ອຍພຽງແຕ່20ປີປາຍທໍ່ນັ້ນ, ແຕ່ໄດ້ເຂົ້າສູ່ວົງການຮູບເງົາ,ໂທລະພາບແລະດົນ
ຕີ ຂອງເຂດໃນຈີນແລະເຄື່ອນໄຫວຢ່າງຝົດຝື້ນມາຫຼາຍປີແລ້ວ, ເຄີ່ຍເປັນພິທີ
ກອນ ລາຍການເພງ, ເຄີຍສະແດງເລື່ອງໂທລະພາບ,  ຍັງເຄີຍຖ່າຍຝິມໂຄສະ
ນາສິນຄ້າ, ໄດ້ຮັບຄວາມນີຍົມຈາກຊາວໜຸ່ມເປັນຈຳນວນຫຼວງຫຼາຍ. ຕໍ່ໄປ, ທ້າວ
ເຈິ່ນສ໋ຽງໄດ້ນຳເອົາເພງຊາຊາທີ່ບໍ່ປານີເຊິ່ງເປັນແຜ່ນຊີດີເພງເຕັ້ນລຳແຜ່ນທຳອິດ
ຂອງຕົນມາສູ່ທ່ານຟັງ.

ລົດໄຟດ່ວນ, ບັນທຸກຄວາມຮັກທີ່ຈະສູນສ້ຽງ, ໃນຄວັນທີ່ກຸ້ມກົ້ວຂ້ອຍ,   ຊອກບໍ່
ເຫັນໃບໜ້າທີ່ຂ້ອຍຮັກ.   ຂ້ອຍບໍ່ເອົາຄວາມໂດດດ່ຽວ,   ຂ້ອຍຕ້ອງການຄວາມ
ມ່ວນຊື່ນຢ່າງສົມໃຈ,  ຄືກັນກັບເຄື່ອງຈັກທີ່ພວມປິ່ນຢູ່ທີ່ຟັງຢູ່ນີ້ແມ່ນເພງຊາຊາ
ທີ່ບໍ່ປານີ, ຂັບຮ້ອງໂດຍທ້າວເຈິ່ນສ໋ຽງ.

ນາງມ໋າຢູ້ເດັກຍິງທີ່ມາຈາກນະຄອນທຽນສິນ, ນາງຮຽນກາຍຍະສິນມາແຕ່ນ້ອຍ,
ເຄີຍໄປສະແດງຢູ່ພາຍໃນປະເທດແລະ ຕ່າງປະເທດກັບຄະນະກາຍຍະສິນມາ
ຫຼາຍປີ, ຈົນຮອດມື້ໜຶ່ງ, ນາງຖືກບາດເຈັບໃນເວລາຝຶກແອບ, ນາງຈຶ່ງຈຳເປັນ
ຕ້ອງເຊົາສະແດງກາຍຍະສິນ.ໃນຄາວນັ້ນ, ນາງຄິດເຫັນວ່າຕົນເອງມີຄຳມ່ວນໆ
ທີ່ໝູ່ມັກຍ້ອງເລື້ອຍໆ, ເລີຍໄປລອງຮ້ອງຢູ່ບໍບິສັດແຜ່ນຊີດີສ່ວນຕົວແຜ່ນທຳອິດ
ທີ່ໃສ່ຫົວຂໍ້ວ່າກະຊິບຄວາມຮັກ. ເພງຊິວຄຸ້ຍແປວ່າລະອາຍທີ່ທ່ານພວມຟັງຢູ່ນີ້
ກໍແມ່ນເພງເອກໃນແຜ່ນຊີດີດັ່ງກ່າວ.

ປີ2004ແມ່ນປີທີ່ເວທີ່ນາງຢູ໋ຈິ້ງຂຶ້ນສູ່ເວທີເພງ, ເມື່ອ10ປີກ່ອນ,  ນາງຢູ໋ຈິ້ງທີ່ຍັງ
ນ້ອຍກໍໄດ້ຂຶ້ນຊື່ລືນາມໃນທົ່ວປະເທດຈີນດ້ວຍເພງນາງສາວໂທຼວຫຼານ, ປະຈຸ
ບັນ,    ນາງຢູ໋ຈິ້ງໄດ້ນຳເອົາເພງໃໝ່ອ່ຽມທີ່ຊື່ວ່າຫຼົບຫຼີກຄວາມຮັກບໍ່ໄດ້ມາໃຫ້
ພວກເຮົາຟັງ.

ນາງຢຸ໋ຈິ້ງເວົ້າວ່າ, ທັດນະຕໍ່ຄວາມຮັກໃນເພງນີ້ຄ້າຍຄືກັນກັບທັດສະນະຕໍ່ຄວາມ
ຮັກຂອງຕົນ,  ໃນສາຍຕາຂອງນາງ, ຄວາມຮັກກໍ່ແມ່ນແນນຢ່າງໜຶ່ງຄູ່,  ບໍ່ຮອດ
ຍາມມັນມາໄປຊອກກໍ່ຊອກບໍ່ເຫັນ, ຮອດຍາມມັນມາຢາກຫຼົບຫຼົບບໍ່ໄດ້. ສະນັ້ນ,
ນາງຮູ້ສຶກວ່າ, ເມື່ອນາງຮ້ອງເພງນີ້, ນາງຈື່ງແນ່ໃຈຫຼາຍ.

ທີ່ຟັງທານັ້ນແມ່ນເພງຫຼົບຫຼັກຄວາມຮັກບໍ່ໄດ້ຮ້ອງໂດຍນາງຢູ໋ຈິ້ງ.    ທ່ານຜູ່ຟັງ,
ມ້ວນທ້າຍລາຍການມື້ນີ້, ພວກເຮົາມາຟັງເພງຢ່າແຟຊັ້ນເຊີ່ງຂັບຮ້ອງໂດຍຄະນະ
ຮ້ອງລອກແອນໂລນQ-ki:

ທ່ານຜູ່ຟັງທີ່ໂຄລົບ, ໃນທ່າມກາງສຽງເພງ, ລາຍການຢ່ອນອາລົມຂອງພວກເຮົາ
ພາກນີ້ກໍຕ້ອງອຳລາຈາກທ່ານແລ້ວ, ຂອບໃຈທ່ານທີ່ຮັບຟັງ, ສະບາຍດີ.