ຕາມ​ຂ່າວສານ​ຈີນ: ​ໃນ 5 ປີ​ຕໍ່​ໜ້າ ຈີນ​ຈະ​ລົງທຶນ 100 ຕື້​ຢວນ ​ສ້າງ​ຫຼື​ສ້ອມ​ແປງທາງ​ຫຼວງ​ຊົນ​ນະ​ບົດ, ​ເຮັດ​ໃຫ້​ຊາວ​ກະສິກອນ​ຍິ່ງຫຼາຍ​ເດີນ​ທາງ​ປູຢາງຫຼືທາງ​ປູຊິ​ມັງ.

​ໃນ​ກອງ​ປະຊຸມ​ວຽກ​ງານ​ຄົມມະນາຄົມ​ທົ່ວ​ປະ​ເທດ​ຈີນທີ່​ຈັດ​ຂຶ້ນຢູ່​ທີ່​ປັກ​ກິ່ງ​ໃນ​ວັນ​ທີ 15 ມັງ​ກອນ, ທ່ານ​ລີ​ເຊິ້ງລິນ ລັດຖະມົນຕີ​ກະຊວງ​ຄົມມະນາຄົມ​ຈີນ​ກ່າວ​ເນັ້ນວ່າ, ພາຍ​ໃນ 5 ປີ​ຕໍ່​ໜ້າ, ​ໃນ​ການ​ສ້າງ​ທາງຫຼວງຊົນນະບົດ, ອົງການ​ຄົມມະນາຄົມ​ທຸກຂັ້ນຕ້ອງ​ໃຫ້​ເງິນ​ເກື້ອ​ກຸນ​ຫຼາຍ​ກວ່າ​ເກົ່າ; ຕ້ອງ​ເກນ​ໃຊ້​ທີ່​ດິນ​ຕາມ​ກົດໝາຍ, ​ຮັກສາດິນ​ປູ​ກຝັງ​ແລະອະນຸ​ລັກ​​ສິ່ງ​ແວດ​ລ້ອມ, ບໍ່​ເກນ​ໃຊ້​ຕາມ​ລຳ​ພັງ​ໃຈ; ພ້ອມ​ກັນນັ້ນ ຈະ​ສືບ​ຕໍ່​ຊຸກ​ຍູ້​ການ​ກໍ່​ສ້າງ​ເຄືອ​ຂ່າຍ​ການ​ຂົນ​ສົ່ງ​ຜູ່​ໂດຍສານ​ຊົນ​ນະ​ບົດ, ​ເຮັດ​ເຖິງ​ຂັ້ນສ້າງ​ທາງ​ສຳ​ເລັດ​ກໍ​ມີ​ລົດ​ແລ່ນ​ໄດ້, ​​ເພື່ອ​ອຳນວຍ​ຄວາມ​ສະດວກ​ໃຫ້​ແກ່​ມວນ​ຊົນ​ໃນ​ການ​ເດີນທາງ.

ຕາມ​ແນະນຳ​ວ່າ, ປີ​ນີ້ ລັດຖະບານ​ຈີນ​ຈະ​ລົງທຶນ​ສ້າງຫຼືສ້ອມ​ແປງ​ທາງຫຼວງຊົນນະບົດ​ຍາວປະ​ມານ 1 ​ແສນ 8 ໝື່ນ​ກິ​ໂລ​ແມັດ, ຖື​ການ​ເລັ່ງລັດ​ສ້າງ​ທາງຫຼວງຊົນນະບົດ​ຢູ່​ເຂດ​ຊົນ​ເຜົ່າ​ສ່ວນ​ໜ້ອຍ ​ເຂດ​ຊາຍ​ແດນ ​ເຂດ​ທຸກ​ຍາກ​ແລະ​ເຂດ​ຜະລິດສະບຽງ​ອາ​ຫານ​ສຳ​ຄັນ​ເປັນ​ຈຸດ​ໜັກ.