ຕາມ​ຂ່າວສານ​ຊິນ​ຮວາ: ​​ໃນ​ໄລຍະ 3 ປີຄື​ ແຕ່​ປີ 2003 ຮອດ​ປີ 2005, ລັດຖະບານ​ຈີນ​ໄດ້​ລົງ​ທຶນ 66 ຕື້ 100 ລ້ານ​ຢວນ​ຢູ່​ສາມ​ແຂວງ​ພາກ​ຕາ​ເວັນ​ອອກສຽງ​ເໜືອ​ຂອງ​ຈີນ, ​ໃຊ້​ເຂົ້າ​ໃນ​ການ​ສະ​ໜັບ​ສະໜູນການ​ກໍ່ສ້າງ​ລະບົບປະກັນ​ສັງຄົມ​ຂອງ​ສາມ​ແຂວງ​ດັ່ງກ່າວ.

ທ່ານ​ລີ​ຢົງ ຮອງ​ລັດຖະມົນຕີ​ກະຊວງ​ການ​ເງິນ​ຈີນ​ເຜີຍ​ໃຫ້​ຮູ້​ວ່າ, ​ເງິນ​ເຫຼົ່ານີ້ ຕົ້ນຕໍ​ແມ່ນ​ເກື້ອ​ກຸນ​ການ​ປະກັນບຳນານ​ພື້ນຖານ​ຂອງ​ກຳມະ​ກອນ​ວິ​ສາ​ຫະກິດ ການ​ຮັບປະກັນ​ທາງ​ຊີ​ວິດ​ການ​ເປັນ​ຢູ່​ຂອງກຳມະ​ກອນລັດ​ວິ​ສາ​ຫະກິດ​ທີ່​ຕົກ​ງາ​ນແລະ​ການ​ເກື້ອ​ກຸນ​ຮັບ​ປະ​ກັນ​ທາງ​ຊີ​ວິດ​ການ​ເປັນຢູ່​ລະດັບ​ຕ່ຳ​ສຸດ​ຂອງ​ໄທ​ເມືອງ​ເປັນຕົ້ນ.

ສາມ​ແຂວງພາກ​ຕາ​ເວັນ​ອອກສຽງ​ເໜືອ​ຂອງ​ຈີນ​​ແມ່ນ​​ແຫຼ່ງອຸດສາຫະກຳ​ເກົ່າ​ຂອງ​ຈີນ. ​ໃນ​ປີ 2004, ລັດຖະບານ​ຈີນ​ໄດ້​ເລີ່​ມປະຕິບັດ​ຍຸດ​ທະ​ສາດ​ສ້າງ​ແຫຼ່ງອຸດສາຫະກຳ​ເກົ່າ​ຢູ່​ພາກ​ຕາ​ເວັນ​ອອກສຽງ​ເໜືອ​ຂອງ​ຈີນ​ໃຫ້​ຈະ​ເລີ​ນຄືນ​ໃໝ່​ຢ່າງຮອບດ້ານ, ​ແລະ​ໄດ້​​ເພີ່ມ​ການ​ລົງທຶນ​ເຂົ້າ​ໃນ​ການ​ປະຕິ​ຮູບ​ແລະ​ກໍ່ສ້າງ​ລະບົບປະກັນສັງຄົມ​ຂອງ​ສາມ​ແຂວງ​ດັ່ງ​ກ່າວ.