|
|
 |
| (GMT+08:00)
2006-01-16 20:18:02
|
 |
|
ທ່ານຮຸຍລຽງຢູ້ຫວັງໃຫ້ຈີນໄທເປີດກວ້າງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນຂົງເຂດຕ່າງໆຕື່ມອີກ
cri
Author: MO
|
ຕາມຂ່າວສານຊີນຮວາ: ທ່ານຮຸຍລຽງຢູ້ ຮອງນາຍົກລັດຖະມົນຕີຈີນກ່າວວ່າ, ຫວັງໃຫ້ຈີນໄທເປີດກວ້າງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດຕື່ມອີກໃນຂົງເຂດຕ່າງໆ.
ວັນທີ 16 ມັງກອນ, ຢູ່ທີ່ປັກກິ່ງ, ໃນເວລາພົບປະທ່ານຊະວະລິດ ຢົງໃຈຢຸດ ອະດີດນາຍົກລັດຖະມົນຕີໄທພ້ອມດ້ວຍຄະນະທີ່ມາຢ້ຽມຢາມ, ທ່ານຮຸຍລຽງຢູ້ເວົ້າວ່າ,ແຕ່ຈີນໄທສ້າງສາຍສຳພັນການທູດມານີ້, ສອງປະເທດໄດ້ສ້າງການພົວພັນມິດຕະພາບຢ່າງຮອບດ້ານ. ສອງປະເທດຕ່າງໄດ້ສະໜັບສະໜູນກັນໃນວຽກງານສາກົນ, ການຮ່ວມມືເສດຖະກິດການຄ້າໄດ້ເປີດກວ້າງອອກຢ່າງບໍ່ຢຸດຢັ້ງ, ການໄປມາຫາສູ່ກັນຝ່າຍພົນລະເຮືອນນັບມື້ນັບເພີ່ມຂຶ້ນ. ທ່ານຫວັງໃຫ້ສອງຝ່າຍຊຸກຍູ້ຕື່ມອີກໃຫ້ການພົວພັນຮ່ວມມືຍຸດທະສາດລະຫວ່າງຈີນໄທຂະຫຍາຍໄປໜ້າຢ່າງບໍ່ຢຸດຢັ້ງ.
ທ່ານຊະວະລິດເວົ້າວ່າ, ຝ່າຍໄທຂອບໃຈລັດຖະບານແລະປະຊາຊົນຈີນທີ່ຊ່ອຍເຫຼືອປະຊາຊົນຂອງໄທຢ່າງເອື້ອເຟື້ອເພື່ອແຜ່. ທ່ານຫວັງໃຫ້ສອງປະເທດເພີ່ມທະວີການແລກປ່ຽນແລະການຮ່ວມມືດ້ານວັດທະນະທຳການສຶກສາລະຫວ່າງຊາວໜຸ່ມເຍົາວະຊົນ, ສືບທອດໄມຕີຈິດໄທຈີນໃນທຸກເຊັ່ນຄົນ.
|
|
|
