|
ປີ2005ຈີນໄດ້ຂ້າສັດປີກລ້ຽງ20ກວ່າລ້ານໂຕ
cri
ຕາມຂ່າວສານຊີນຮວາ,ວັນທີ17ມັງກອນ,ໃນກອງປະຊຸມລະດົມທຶນສາກົນເພື່ອປ້ອງກັນແລະຄວບຄຸມພະຍາດໄຂ້ຫວັດສັດປີກທີ່ຈັດຂຶ້ນຢູ່ປັກກິ່ງ,ລັດຖະບານຈີນປະກາດວ່າ,ປີ2005,ຢູ່ຈີນໄດ້ເກີດພະຍາດໄຂ້ຫວັດສັດປີກປະເພດຮ້າຍແຮງ32ລາຍ,ມີສັດປີກຕາຍ1ແສນ5ໝື່ນກວ່າໂຕ,ຂ້າສັດປີກ22ລ້ານ5ແສນ7ໝື່ນກວ່າໂຕ.
ຕາມແນະນຳວ່າ,ໃນສອງປີທີ່ຜ່ານມາ,ອົງການປົກຄອງທຸກຂັ້ນຂອງຈີນໄດ້,ໃຫ້ເງິນເກື້ອກູນຢ່າງພຽງພໍແກ່ຜູ້ລ້ຽງທີ່ຂ້າສັດປີກແລ້ວນັ້ນຢ່າງທັນການຕາມມາດຖານທີ່ກຳນົດໄວ້.ປັດຈຸບັນ,ຊາວກະສິກອນຈີນສ່ວນຫຼາຍທີ່ສຸດໄດ້ຮູ້ຈັກອາການຕົ້ນຕໍຂອງໄຂ້ຫວັດສັດປີກ,ແລະຄວາມອັນຕະລາຍຂອງເຊື້ອໂຣກໄຂ້ຫວັດສັດປີກທີ່ອາດຈະແຜ່ລະບາດສູ່ຄົນ.
ກອງປະຊຸມລະດົມທຶນສາກົນເພື່ອປ້ອງກັນແລະຄວບຄຸມໄຂ້ຫວັດສັດປີກຈະຈັດເປັນເວລາສອງມື້,ແມ່ນລັດຖະບານຈີນ,ຄະນະກຳມາທິການສະຫະ ພາບເອີລົບແລະທະນາຄານໂລກຮ່ວມກັນຈັດຂຶ້ນ.
|
|
