ຕາມຂ່າວສານຊິນຮວາ,ປີນີ້,ລັດຖະບານກາງແລະອົງການປົກຄອງທ້ອງຖິ່ນຂອງຈີນ
ຈະຈັດວາງປະມານ8ຕື້ຢວນ,ໃຊ້ເຂົ້າໃນການແກ້ໄຂບັນຫາຫຍຸ້ງຍາກໃນດ້ານນ້ຳກິນ
ແລະຄວາມປອດໄພດ້ານນ້ຳກິນໃຫ້20ລ້ານຄົນໃນຊົນນະບົດ.

ວັນທີ17ມັງກອນ,ນັກຂ່າວໄດ້ຊາບຈາກຄະນະກຳມະການພັດທະນາແລະປະຕິຮູບ
ແຫ່ງລັດຈີນວ່າ,ປັດຈຸບັນກະຊວງແລະຄະນະກຳມະການທຽບເທົ່າທີ່ກ່ຽວຂ້ອງຂອງ ຈີນພວມຈັດຕັ້ງວາງແຜນກິດຈະການຄວາມປອດໄພດ້ານນ້ຳກິນຂອງຊົນນະບົດໃນ
5ປີຂ້າງໜ້າ,ຈະໃຊ້ມາດຕະການສັງລວມໃນດ້ານສະໜອງນ້ຳອະນາໄມສິ່ງແວດລ້ອມ
ແລະການສຶກສາດ້ານສຸຂະພາບໃນຊົນນະບົດເປັນຕົ້ນ,ເລັ່ງລັດກໍ່ສ້າງລະບົບຮັບປະກັນ
ຄວາມປອດໄພດ້ານນ້ຳກິນຂອງຊົນນະບົດ,ເຮັດໃຫ້ປະຊາຊົນໄດ້ກິນນ້ຳສະອາດ.

ເພື່ອແກ້ໄຂບັນຫາຄວາມຫຍຸ້ງຍາກດ້ານນ້ຳກິນແລະຄວາມປອດໄພດ້ານນ້ຳກິນຂອງປະ
ຊາຊົນຊົນນະບົດ,ໃນໄລຍະ5ປີທີ່ຜ່ານມາ,ອົງການປົກຄອງທຸກຂັ້ນຂອງຈີນໄດ້ລົງທຶນ23
ຕື້500ລ້ານຢວນ,ແກ້ໄຂບັນຫາຫຍຸ້ງຍາກດ້ານນ້ຳກິນຂອງປະຊາກອນຊົນນະບົດ71ລ້ານ
ຄົນ.