|
ໃຊ້ພາຫະນະທາງການທູດມາແກ້ໄຂບັນຫານີວເຄຼຍຂອງອີຣານແມ່ນການເລືອກເອົາທີ່ດີ
cri
ຕາມຂ່າວCRI,ທ່ານຂົງຊວນໂຄສົກກະຊວງການຕ່າງປະເທດຈີນກ່າວຢູ່ທີ່ປັກກິ່ງວ່າ,ຝ່າຍຈີນເຫັນວ່າ,ການໃຊ້ພາຫະນະທາງການທູດມາແກ້ໄຂບັນຫານີວເຄຼຍຂອງອີຣານແມ່ນການເລືອກເອົາທີ່ດີ,ມັນສອດຄ່ອງກັບຜົນປະໂຫຍດຂອງບັນດາຝ່າຍ,ຫວັງໃຫ້ບັນດາຝ່າຍທີ່ກ່ຽວຂ້ອງຮັກສາຄວາມອົດກັ້ນແລະຄວາມອົດທົນ,ພະຍາຍາມສຸດຂີດຟື້ນຟູການເຈລະຈາ.
ວັນທີ16ມັງກອນ,ຢູ່ລອນດອນ,ເຈົ້າໜ້າທີ່ ການທູດຊັ້ນສູງຂອງອັງກິດ,ຝະຣັ່ງ,ເຢຍລະມັນ,ອາເມລິກາ,ຣັດເຊຍແລະຈີນໄດ້ເຈລະຈາກັນແບບປິດປະຕູກ່ຽວກັບບັນຫານີວເຄຼຍຂອງອີຣານ.ກ່ຽວກັບເລື່ອງນີ້,ໃນງານຊຸມນຸມນັກຂ່າວທີ່ຈັດຂຶ້ນໃນວັນທີ17ມັງກອນ,ທ່ານຂົງຊວນກ່າວວ່າ,ບັນດາຝ່າຍທີ່ເຂົ້າຮ່ວມການເຈລະຈາລ້ວນແຕ່ໄດ້ສະແດງຄວາມເອົາໃຈໃສ່ນຳອີຣານທີ່ຟື້ນຟູ ພັດທະນາວັດຖຸເຊື້ອໄຟນີວເຄຼຍ,ແລະກໍໄດ້ກ່າວວ່າຍິນດີສຸມໃສ່ການ ແກ້ໄຂບັນຫາດັ່ງກ່າວໂດຍຜ່ານການເຈລະຈາທາງການທູດ.ຝ່າຍຈີນຫວັງໃຫ້ອີຣານປະສານສົມທົບກັບຄວາມພະຍາຍາມຂອງປະຊາຄົມໂລກ,ຈັດການເຈລະຈາທາງການທູດຄືນໃໝ່.
|
|
