|
ເຈົ້າຊີວິດອາລາບີຊາອູດິດຈະສະເດັດປະພາດຈີນເປັນຄັ້ງທຳອິດໃນອາທິດໜ້າ
cri
ຕາມຂ່າວCRI,ວັນທີ17ມັງກອນ,ຢູ່ທີ່ປັກກິ່ງ,ທ່ານຂົງຊວນ ໂຄສົກກະຊວງການຕ່າງປະເທດຈີນປະກາດວ່າ,ໂດຍຕອບສະໜອງຄຳເຊີນຂອງທ່ານຫູຈິນທາວ ປະທານປະເທດຈີນ,ສົມເດັດອັບດູນລາ ບິນ ອັບດູນອາຊິສ໌ ເຈົ້າຊີວິດລາຊະອານາຈັກອາລາບີຊາອູດິດຈະສະເດັດປະພາດຈີນທາງລັດຖະກິດແຕ່ວັນທີ22ຫາວັນທີ24ມັງກອນ.
ໃນງານຊຸນນຸມນັກຂ່າວທີ່ຈັດຂຶ້ນໃນວັນທີ17ມັງກອນ,ທ່ານຂົງຊວນແນະນຳວ່າ,ນີ້ແມ່ນເຈົ້າຊີວິດອາລາບີຊາອູດິດມາສະເດັດປະພາດຈີນເປັນຄັ້ງທຳອິດແຕ່ຈີນອາລາບີຊາອູດິດສ້າງສາຍສຳພັນທາງການທູດເມື່ອປີ1990ມານີ້,ແລະກໍແມ່ນສົມເດັດອັບດູນລາສະເດັດປະພາດຕ່າງປະເທດເປັນຄັ້ງທຳອິດພາຍຫຼັງສືບພະລາຊະບັນລັງ.ໃນໄລຍະສະເດັດປະພາດ,ຜູ່ນຳຈີນເຊັ່ນທ່ານຫູຈິນທາວເປັນຕົ້ນຈະເຈລະຈາກັບສົມເດັດອັບດູນລາ,ຫວນຄືນຂະບວນການຂະຫຍາຍການພົວພັນລະຫວ່າງສອງປະເທດ,ແລະຈະແລກປ່ຽນຄວາມເຫັນກ່ຽວກັບການເປີດກວ້າງການຮ່ວມມືໃນຂົງເຂດຕ່າງໆເປັນຕົ້ນ.
|
|
