|
ຕາມຂ່າວcri:ວັນທີ18 ມັງກອນ,ຢູ່ປັກກິ່ງ,ທ່ານເວິ່ນເຈ່ຍປາວ ນາຍົກລັດຖະມົນຕີຈີນປະກາດວ່າ,ລັດຖະບານຈີນຕົກລົງບໍລິຈາກ10ລ້ານໂດລາສະຫະລັດ,ເພື່ອສະໜັບສະໜູນການປ້ອງກັນແລະຄວບຄຸມໄຂ້ຫວັດສັດປີກທົ່ວໂລກ.ນີ້ແມ່ນຈີນບໍລິຈາກເງິນຫລາຍຝ່າຍກ່ຽວກັບໄຂ້ຫວັດສັດປີກ.
ໃນເວລາກ່າວປາຖະກະຖາຢູ່ທີ່ພິທີໄຂການປະຊຸມຂັ້ນລັດຖະມົນຕີຂອງກອງປະຊຸມລະດົມທຶນສາກົນກ່ຽວກັບການປ້ອງກັນແລະຄວບຄຸມໄຂ້ຫວັດສັດປີກທີ່ຈັດຂຶ້ນໃນມື້ດຽວກັນ,ທ່ານເວິ່ນເຈ່ຍປາວກ່າວຄຳປາໄສດັ່ງກ່າວ.ທ່ານກ່າວວ່າ,ລັດຖະບານຈີນເອົາໃຈໃສ່ໃນລະດັບສູງ,ຕັ້ງໜ້າເຂົ້າຮ່ວມການຮ່ວມມືສາກົນປ້ອງກັນແລະຄວບຄຸມໄຂ້ຫວັດສັດປີກ,ແລະແຈ້ງສະພາບທີ່ສັດເປັນພະຍາດໄຂ້ຫວັດສັດປີກແລະຄົນເປັນພະຍາດໄຂ້ຫວັດສັດປີກໃຫ້ອົງການຈັດຕັ້ງສາກົນແລະປະເທດກ່ຽວຂ້ອງ,ໄດ້ສະໜອງທຶນຮອນ,ວັດສະດຸແລະການຊ່ອຍເຫຼືອດ້ານເຕັກນິກຕາມຄວາມສາມາດຂອງຕົນໃຫ້ປະເທດໃກ້ຄຽງ.
ທ່ານເວິ່ນເຈ່ຍປາວຍັງສະເໜີໃຫ້ສ້າງກົນໄກຮ່ວມມືປ້ອງກັນແລະຄວບຄຸມທົ່ວໂລກ,ເພີ່ມທະວີການສ້າງສາຄວາມສາມາດປ້ອງການແລະຄວບຄຸມ,ເສີມຂະຫຍາຍບົດບາດຂອງອົງການຈັດຕັ້ງສາກົນທີ່ກ່ຽວຂ້ອງຄືອົງການສະຫະປະຊາຊາດເປັນຕົ້ນ.
|
