ຕາມ​ຂ່າວCRI: ວັນ​ທີ 18 ມັງກອນ​ຢູ່​ທີ່​ປັກ​ກິ່ງ, ທ່ານ​ເສິນ​ຈ້ຽນ ຜູ່​ຊ່ອຍ​ລັດຖະມົນຕີ​ກະ​ຊວງ​ການ​ຄ້າ​ຈີນ​ກ່າວ​ວ່າ, ຈີ​ນຈະ​ຍົກຄວາມ​ສາມາດ​ຊ່ອ​ຍ​ເຫຼືອກູ້​ໄພ​ທາງ​ມະນຸດສະທຳ​ຕໍ່​ຕ່າງ​ປະ​ເທດ​ໃຫ້​ສູງ​ຂຶ້ນຢ່າງ​ບໍ່​ຢຸດ​ຢັ້ງ.

ທ່ານ​ເສິນ​ຈ້ຽນ​ແມ່ນ​ກ່າວ​ຄວາມ​ດັ່ງກ່າວ​ໃນ​ງານ​ຖະ​ແຫຼງຂ່າວ​ທີ່​ຫ້ອງ​ການ​ຖະ​ແຫຼງ​ຂ່າວ​ລັດ​ຖະບານ​ຈີນ​ຈັດ​ຂຶ້ນ​ໃນ​ມື້​ດຽວ​ກັນ. ທ່ານ​ກ່າວ​ວ່າ, ຈີນ​​ໃຫ້​ຄວາມສົນ​ໃຈ​ລະດັບ​ສູງ​ຕໍ່​ການ​ເກີດ​ໄພພິບັດຫຼາຍກວ່າ​ເກົ່າໃນ​ຂອບ​ເຂດ​ທົ່ວ​ໂລກ​ໃນ​ສະ​ເພາະ​ໜ້າ​ນີ້, ຈະ​ສະໜອງ​ການ​ຊ່ອຍ​ເຫຼືອ​ດ້ວຍຫຼາຍ​ຮູບແບບ​ຕາມ​ສະພາບ​ການ​ປະສົບ​ໄພ​ທີ່​ຕ່າງ​ກັນ​ຂອງ​ບັນດາ​ປະ​ເທດ. ນອກ​ຈາກ​ໃຫ້ການ​ຊ່ອຍ​ເຫຼືອດ້ານ​ວັດຖຸ​ແລະ​ເງິນສົດ​ທີ່​ເປັນ​ຮູບ​ແບບດັ້ງ​ເດີມ​ແລ້ວ, ຈີນ​ຍັງ​ຈະ​ແຕ່ງ​ກອງ​ປິ່ນປົວ ກອງ​ກູ້​ໄພ ໜ່ວຍ​ວັດ​ແທກ DNA ​ແລະ​ກອງວິຊາ​ການກູ້​ໄພອື່ນໆ​ອີກ.

ທ່ານ​ເສິນ​ຈ້ຽນຍັງ​ຊີ້​ອອກ​ວ່າ, ປະຊາ​ຄົມ​ໂລກ​ຄວນ​ເພີ່ມ​ທະວີ​ການຮ່ວມ​ມື​ຕື່ມ​ອີກ​ໃນ​ຂົງ​ເຂດ​ປ້ອງ​ກັນ​ໄພ.