|
|
 |
| (GMT+08:00)
2006-01-18 22:16:19
|
 |
|
ລັດຖະບານຈີນຕົກລົງບໍລິຈາກ10ລ້ານໂດລາສະໜັບສະໜູນພາລະກິດປ້ອງກັນແລະຄວບຄຸມໄຂ້ຫວັດສັດປີກຂອງໂລກ(ສຽງ)
cri
Author: shuo,he,mo
|
ທ່ານເວີ່ນເຈ່ຍປາວກ່າວຄຳປາໄສໃນກອງປະຊຸມ
ຕາມຂ່າວCRI: ວັນທີ 18 ມັງກອນຢູ່ທີ່ປັກກິ່ງ, ທ່ານເວີ່ນເຈຍປາວ ນາຍົກລັດຖະມົນຕີຈີນປະກາດວ່າ, ລັດຖະບານຈີນຕົກລົງສະໜອງ 10 ລ້ານໂດລາສະຫະລັດເພື່ອສະໜັບສະໜູນພາລະກິດປ້ອງກັນແລະຄວບຄຸມໄຂ້ຫວັດສັດປີກຂອງໂລກ.ນີ້ແມ່ນຈີນບໍລິຈາກເງິນໃຫ້ຫຼາຍຝ່າຍກ່ຽວກັບບັນຫາໄຂ້ຫວັດສັດປີກເປັນຄັ້ງທຳອິດ.
ທ່ານເວີ່ນເຈຍປາວແມ່ນປະກາດການຕົກລົງດັ່ງກ່າວໃນເວລາກ່າວຄຳປາໄສໃນພິທີໄຂກອງປະຊຸມຂັ້ນລັດຖະມົນຕີຂອງກອງປະຊຸມລະດົມທຶນສາກົນກ່ຽວກັບການປ້ອງກັນແລະຄວບຄຸມໄຂ້ຫວັດສັດປີກທີ່ຈັດຂຶ້ນໃນວັນທີ 18 ມັງກອນ. ທ່ານເວົ້າວ່າ: ເພື່ອສະໜັບສະໜູນພາລະກິດປ້ອງກັນແລະຄວບຄຸມໄຂ້ຫວັດສັດປີກຂອງໂລກ, ລັດຖະບານຈີນຕົກລົງສະໜອງ 10 ລ້ານໂດລາສະຫະລັດ. ພວກຂ້າພະເຈົ້າຍັງຈະສືບຕໍ່ຜ່ານຈາກຊ່ອງທາງສອງຝ່າຍ, ສະໜອງການຊ່ອຍເຫຼືອໃຫ້ປະເທດອ້ອມຂ້າງແລະປະເທດອື່ນໆທີ່ຕ້ອງການຕາມຄວາມສາມາດຂອງຕົນ.
ຂ່າວແຈ້ງວ່າ, ປີ 2005, ຢູ່ຈີນໄດ້ເກີດພະຍາດໄຂ້ຫວັດສັດປີກປະເພດຮ້າຍແຮງ 32 ລາຍ, ຂ້າສັດປີກລ້ຽງ 20 ກວ່າລ້ານໂຕ. ລັດຖະບານຈີນໄດ້ໃຫ້ເງິນເກື້ອກູນ 200 ກວ່າລ້ານຢວນແກ່ການຂ້າສັດປີກລ້ຽງ. ເຈາະຈົງໃຊ້ເຂົ້າໃນການເພີ່ມທະວີການສ້າງສາລະບົບປ້ອງກັນພະຍາດຂັ້ນຮາກຖານ; ເພີ່ມທະວີການກວດກາພະຍາດເຂົ້າອອກເມືອງແລະການສ້າງສາລະບົບຕິດຕາມຢັ່ງແທກນົກຍ້າຍແກ່ວ; ເພີ່ມທະວີການຄົ້ນຄວ້າແລະເຜີຍແຜ່ເຕັກນິກຂໍກະແຈໃນການປ້ອງກັນແລະຄວບຄຸມ, ເຊິ່ງລວມທັງວັກແຊງ, ເຕັກນິກບົ່ງມະຕິຢ່າງວ່ອງໄວແລະຢາຕ້ານເຊື້ອໂຣກເປັນຕົ້ນ; ເພີ່ມທະວີການອົບຮົມສັດຕະວະແພດ, ຜູ້ປະຕິບັດງານໃນຂັ້ນຮາກຖານໃນຂົງເຂດສາທາລະນະສຸກ, ໂຄສະນາຄວາມຮູ້ໃນສາທາລະນະຊົນຢ່າງແຂງແຮງກວ່າເກົ່າແລະອື່ນໆ.
ໃນຖານເປັນປະເທດທີ່ປະກົດເຫັນພະຍາດໄຂ້ຫວັດສັດປີກ,ຈີນບໍ່ພຽງແຕ່ເອົາໃຈໃສ່ໃນລະ ດັບສູງນຳວຽກງານປ້ອງກັນຄວບຄຸມພະຍາດໄຂ້ຫວັດສັດປີກຂອງປະເທດຕົນທໍ່ນັ້ນ,ຫາກຍັງໄດ້ສຸມກຳລັງເຂົ້າໃນພາລະກິດປ້ອງກັນແລະຄວບຄຸມພະຍາດໄຂ້ຫວັດສັດປີກຂອງທົ່ວໂລກອີກດ້ວຍ.ທ່ານເວີ່ນເຈ່ຍປາວເວົ້າວ່າ:"ລັດຖະບານຈີນເອົາໃຈໃສ່ໃນລະດັບສູງແລະຕັ້ງໜ້າເຂົ້າຮ່ວມການຮ່ວມມືລະຫວ່າງຊາດໃນການປ້ອງກັນແລະຄວບຄຸມພະຍາດໄຂ້ຫວັດສັດປີກ.ຈີນໄດ້ລາຍງານສະພບທີ່ສັດເປັນພະຍາດໄຂ້ຫວັດສັດປີກແລະຄົນເປັນພະຍາດໄຂ້ຫວັດສັດປີກໃຫ້ອົງການສາກົນແລະປະເທດທີ່ກ່ຽວຂ້ອງຊາບຕາມຫຼັກການທີ່ທັນການເປີດເຜີຍແລະໂປ່ງໃສ,ຕັ້ງໜ້າເປັນປະທານຈັດແລະເຂົ້າຮ່ວມກອງປະຊຸມສາກົນຕ່າງໆທີ່ກ່ຽວກັບການປ້ອງກັນແລະຄວບຄຸມພະຍາດໄຂ້ຫວັດສັດປີກ,ໄດ້ສະໜອງການຊ່ອຍເຫຼືອດ້ານເງິນທຶນ ວັດຖຸແລະເຕັກນິກໃຫ້ປະເທດອ້ອມຂ້າງໃນການປ້ອງກັນແລະຄວບຄຸມພະຍາດໄຂ້ຫວັດສັດປີກຕາມຄວາມສາມາດຂອງຕົນ."
ເພື່ອຊຸກຍູ້ການຮ່ວມມືປ້ອງກັນແລະຄວບຄຸມພະຍາດໄຂ້ຫວັດສັດປີກລະຫວ່າງບັນດາປະເທດໃນໂລກຕື່ມອີກ,ໃນກອງປະຊຸມເທື່ອນີ້,ທ່ານເວີ່ນເຈ່ຍປາວຍັງໄດ້ວາງຂໍ້ສະເໜີສີ່ຂໍ້,ເຊິ່ງກໍຄື:ສ້າງຕັ້ງກົນໄກຮ່ວມມືລະຫວ່າງຊາດໃນການປ້ອງກັນແລະຄວບຄຸມ;ເສີມສ້າງຄວາມສາມາດປ້ອງກັນແລະຄວບຄຸມ;ເສີມຂະຫຍາຍບົດບາດຂອງສະຫະປະຊາຊາດແລະອົງການສາກົນທີ່ກ່ຽວຂ້ອງ;ຍາດແຍ່ງໃຫ້ມີທຶນສະໜັບສະໜູນຫຼາຍກວ່າເກົ່າ.
ທ່ານຫຼີຈົງອຸກກ່າວຄຳປາໄສໃນກອງປະຊຸມ
ທ່ານຫຼີຈົງອຸກ ຜູ້ອຳນວຍການໃຫຍ່ອົງການອະນາໄມໂລກໄດ້ຕີລາຄາສູງຕໍ່ລັດຖະບານຈີນທີ່ໄດ້ທຳຄວາມພະຍາຍາມຈີນໃນການປ້ອງກັນຄວບຄຸມໄຂ້ຫວັດສັດປີກ.ໃນພິທີໄຂກອງປະຊຸມຄັ້ງນີ້,ທ່ານເວົ້າວ່າ,ຄວາມພະຍາຍາມຂອງຈີນເປັນຕາຍ້ອງຍໍສັນລະເສີນ.ຜ່ານຈາກການຈັດກອງປະຊຸມຄັ້ງນີ້,ບໍ່ພຽງແຕ່ຢູ່ປະເທດຕົນ,ຈີນຍັງສາມາດຊ່ວຍປະເທດອື່ນປ້ອງກັນຄວບຄຸມໄຂ້ຫວັດສັດປີກຢ່າງບັງເກີດຜົນ.
ກອງປະຊຸມລະດົມທຶນສາກົນເພື່ອປ່ອງກັນຄວບຄຸມໄຂ້ຫວັດສັດປີກທີ່ຈະຈັດຂຶ້ນສອງມື້ແມ່ນຈີນ,ສະຫະພາບເອີລົບແລະທະນາຄານໂລກຮ່ວມກັນຈັດຂຶ້ນ.ຜູ້ຕາງໜ້າຂອງ100ກວ່າປະເທດ,ເຂດແຄວ້ນແລະອົງການຈັດຕັ້ງສາກົນໄດ້ເຕົ້າໂຮມກັນຢູ່ປັກກິ່ງ,ພ້ອມກັນຫາລືແຜນນະໂຍບາຍໃຫຍ່ໃນການຮ່ວມມືລະຫວ່າງຊາດເພື່ອປ້ອງກັນຄວບຄຸມໄຂ້ຫວັດສັດປີກ,ຫົວຂໍ້ສຳຄັນແມ່ນຫ້າງຫາເງິນທຶນ.ນີ້ໄດ້ສະແດງໃຫ້ເຫັນຢ່າງເຕັມສ່ວນເຖິງຄວາມປາຖະໜາການເມືອງແລະຄວາມຕັດສິນໃຈອັນໝັ້ນໜຽວຂອງປະຊາຄົມໂລກທີ່ ພ້ອມກັນຮັບມືກັບພະຍາດໄຂ້ຫວັດສັດປີກ,ໝາກຜົນຂອງກອງປະຊຸມຍ່ອມຈະມີຜົນສະທ້ອນອັນສຳຄັນຕໍ່ການຮ່ວມມືປ້ອງກັນຄວບຄຸມໄຂ້ຫວັດສັດປີກໃນທົ່ວໂລກ.
|
|
|
