|
ເອກອັກຄະລັດຖະທູດສິງກະໂປປະຈຳຈີນກ່າວວ່າ,ເຂດການຄ້າເສລີອາຊຽນຈີນ ແມ່ນປັດໄຈສຳຄັນທີ່ເຮັດໃຫ້ເສດຖະກິດທັງສອງຝ່າຍພົວພັນກັນ
cri
Author: da
ຕາມຂ່າວCRI: ວັນທີ 18 ມັງກອນ,ຢູ່ປັກກິ່ງ,ທ່ານຊິນສຽດຢຸງ ເອກອັກຄະລັດຖະທູດສິງກະໂປປະຈຳຈີນກ່າວວ່າ,ເຂດການຄ້າເສລີອາຊຽນຈີນແມ່ນປັດໄຈສຳຄັນທີ່ເຮັດໃຫ້ເສດຖະກິດທັງສອງຝ່າຍພົວພັນກັນ,ຄຽງຄູ່ກັບການເປີດຂະແໜງການບໍລິການແລະການລົງທຶນໃນເຂດການຄ້າເສລີອາຊຽນຈີນ,ການຄ້າແລະເສດຖະກິດຂອງສອງຝ່າຍຈະເຕີບໂຕຂຶ້ນຢ່າງສືບເນື່ອງແລະແຂງແຮງ.
ໃນເວລາກ່າວຄຳປາໄສໃນງານລ້ຽງສະຫຼອງບຸນກຸດຈີນທີ່ສະມາຄົມຈີນອາຊຽນຈັດຂຶ້ນໃນມື້ດຽວກັນ ທ່ານຊິນສຽດຢຸງເວົ້າວ່າ,ຍອດມູນຄ່າການຄ້າລະຫວ່າງອາຊຽນກັບຈີນເພີ່ມຂຶ້ນຢ່າງສືບເນື່ອງ,ໄດ້ກາຍເປັນພະລັງແຮງອັນສຳຄັນທີ່ຊຸກຍູ້ເສດຖະກິດພາກພື້ນ.ຜູ່ນຳປະເທດອາຊຽນໄດ້ຕົກລົງຈັດກອງປະຊຸມສຸດຍອດລະລຶກອາຊຽນຈີນ ເພື່ອລະລຶກການພົວພັນໄມຕີຈິດຮອບດ້ານໄດ້ຂະຫຍາຍຕົວອອກ,ນີ້ຈະແມ່ນເຫດການເປັນຂີດໝາຍສ່ອງແສງໄມຕີຈິດລະຫວ່າງອາຊຽນກັບຈີນ.
ປີ 2004,ຈີນກັບອາຊຽນໄດ້ເຊັນ"ສັນຍາການຄ້າສິນຄ້າໃນສັນຍາຂອບຮ່ວມມືເສດຖະກິດຮອບດ້ານລະຫວ່າງຈີນກັບອາຊຽນ",ນີ້ເປັນຂີດໝາຍໄດ້ເລີ່ມສ້າງເຂດການຄ້າເສລີຈີນອາຊຽນຢ່າງຮອບດ້ານ.ສັນຍາສະບັບນີ້ແມ່ນປະຕິບັດຢ່າງເປັນທາງການແຕ່ເດືອນກໍລະກົດປີ 2005 ເປັນຕົ້ນໄປ,ຈະປະຕິບັດພາສີພິເສດໃຫ້ຜະລິດຕະພັນຂອງຈີນແລະອາຊຽນເຊິ່ງກັນແລະກັນ,ສອງຝ່າຍຍັງວາງແຜນຈະຍົກເວັ້ນພາສີຜະລິດຕະພັນສ່ວນຫຼາຍໃນປີ 2010.
|
|
