ຕາມ​ຂ່າວສານ​ຊິນ​ຮວາ: ຫວ່າງ​ກ່ອນ​ນີ້ທ່ານ​ພົນ​ຈັດຕະວາໂຄ​ຊັນ ​ໂຄສົກ​ລັດຖະບານ​ມຽນມາລັດຖະມົນຕີ​ກະຊວງ​ຖະ​ແຫຼງຂ່າວ​ມຽນມາ​ກ່າວ​​ຢູ່​ນະຄອນ​ລາ​ຊີ​ໂອ​ທີ່​ພາກ​ເໜືອ​ຂອງ​ມຽນມາວ່າ, ມຽນມາ​ຢາກ​​ຂ້າມ​ຜ່າ​ນ​ໄປສູ່​ປະຊາທິປະ​ໄຕ​ທີ່ແທ້​ຈິງ​​ແລະມີ​ລະບຽບ, ນີ້ມີ​ແຕ່​ສື​ບຕໍ່​ປະຕິບັດ​ແຜນການ7ຂໍ້​ທີ່​ລັດຖະບານ​ປະກາດ​ນອກ​ນັ້ນ, ບໍ່​ມີ​ຊ່ອງ​ທາງ​ອື່ນໆ.

ທ່ານ​ໂຄ​ຊັນ​ ​ແມ່ນ​ໃຫ້​ທັດສະນະ​ດັ່ງກ່າວ​ໃນ​ເວລາ​ຝ່າຍ​ທາງການ​ມຽນມາຈັດ​ຕັ້ງ​ນັກ​ຂ່າວ​​ແລະ​ທູຕານຸທູດ​ຕ່າງປະ​ເທດປະຈຳ​ມຽນມາ​ໄປ​ຢ້ຽມຢາມ​ພາກ​ເໜືອ​ມຽນມາ​ແຕ່​ວັນ​ທີ 15 ຫາ​ວັນ​ທີ 19 ມັງກອນ.
ນັກວິ​ເຄາະ​ເຫັນ​ວ່າ, ການສະ​ແດງ​ທ່າ​ທີ​ຫຼ້າ​ສຸດ​ຂອງ​ລັດຖະບານ​ມຽນມາສະ​ແດງ​ໃຫ້​ເຫັນ​ວ່າ, ຝ່າຍທາງການ​ມຽນມາ​ປະຕິ​ເສດບໍ່​ຮັບ​ເອົາ​ເຈດ​ຈຳນົງ​ຂອງ​ພັກ​ການ​ເມືອງ​ຝ່າຍ​ຄ້ານທີ່​ສະ​ເໜີ​ໃຫ້ທີ່3ຝ່າຍ​ ​ລັດຖະບານ​ທະຫານ ພັກ​ການ​ເມືອງ​ແລະ​ຜູ່​ນຳ​ຊົນ​ເຜົ່າ​ສ່ວນ​ໜ້ອຍສົມ​ທະ​ນາ​ກັນ​ມາ​ແກ້​ໄຂ​ບັນຫາ​ມຽນມາ.