|
ວິຕາມິນEສາມາດລະງັບການເກີດຂຶ້ນຂອງທາດໄຂມັນປີອອກຊິດ, ມັນແມ່ນວັດຖຸຕ້ານການຫັນເປັນອອກຊີດັດທີ່ບັງເກີດຜົນກວ່າໝູ່. ວິຕາມິນEມີສ່ວນກ່ຽວຂ້ອງກັບການຂັບຖ່າຍອັນເກົ່າເພີ່ມເຕີມອັນໃໝ່ໃນຮ່າງກາຍ, ຖ້າຂາດວິຕາມິນE, ຮ່າງກາຍກໍຈະປະກົດກໍອາດມີອາການເລືອດຈາງ, ເປັນບວມ, ແລະຜີວອອກຕຸ່ມເປັນຕົ້ນ. ໃນຖານເປັນວັດຖຸຕ້ານການຫັນເປັນອອກຊີດັດຊະນິດໜຶ່ງ, ວິຕາມິນE ນອກຈາກສາມາດລະງັບທາດໄຂມັນປີອອກຊິດຢ່າງເດັ່ນຊັດແລ້ວ, ຍັງສາມາດກຳຈັດສານແຍກຕົວ, ເສີມຂະຫຍາຍບົດບາດສຳຄັນໃນດ້ານເຮັດໃຫ້ຄົນເຖົ້າແກ່ຊະລາລົງແລະປ້ອງກັນພະຍາດເປັນຕົ້ນ. ມັນສາມາດຊ່ອຍໃຫ້ຫາຍເມື່ອຍ, ເພີ່ມກຳລັງແຮງ, ຫລຸດໂຄເລັສເຕຣອນ(cholesterol), ປ້ອງກັນພະຍາດເສັ້ນເລືອດຫົວໃຈ, ຍັງສາມາດປ້ອງກັນບໍ່ໃຫ້ເກີດຈຸດດ່າງດຳ, ເຮັດໃຫ້ຜິວໜັງຂອງຄົນເສາະໃສແລະອ່ອນນຸ້ມກວ່າເກົ່າ.
ເຖິງວ່າ ອາຍຸວັດທະນະແມ່ນຄວາມປາຖະໜາອັນດີງາມຂອງຄົນທັງຫລາຍກໍຕາມ, ແຕ່ຂະບວນການເຕີບໃຫຍ່ແລະການປ່ຽນແປງດ້ານສະລິລະສາດຂອງຄົນ ກໍຖືກກຳນົດໃນແຢັນກຳມະພັນແລ້ວ, ພວກເຮົາບໍ່ສາມາດປ່ຽນແປງກົດເກນພາວະວິໄສຂອງທຳມະຊາດ. ແຕ່ວ່າ, ນັກວິທະຍາສາດຈຳນວນໜຶ່ງເຫັນວ່າ, ວິຕາມິນEພັດສາມາດຊ່ອຍພວກເຮົາເລື່ອນເວລາເຖົ້າແກ່ຊະລາລົງ, ບັນລຸຈຸດປະສົງທີ່ມີອາຍຸຍືນຍາວ. ທຳມະດາແລ້ວ, ກິນວິຕາມິນEມື້ລະ 30-50 ມີລີກຼາມແມ່ນດີທີ່ສຸດ, ຖ້າຢາກປົວແປງບາງອາການທີ່ຂາດວິຕາມິນE, ຈະກິນວິຕາມິນEມື້ລະ 100-300 ມີລີກຼາມກໍໄດ້; ຖ້າໃຊ້ເຂົ້າໃນການປິ່ນປົວພະຍາດ, ກໍຈະຕ້ອງກິນ 200-600 ມິລິກຼາມຕໍ່ມື້.
ການຮັບເອົາວິຕາມິນEຈາກອາຫານໂດຍກົງນັ້ນແມ່ນວິທີທີ່ດີທີ່ສຸດ. ອາຫານທີ່ມີວິຕາມິນEຫລາຍນັ້ນມີເຄື່ອງໃນງົວ, ໝາກໄຂ່ຫຼັງ, ອ່ຽນ, ປະເພດໄຂ່, ນ້ຳມັນເບີ, ຜັກຕີນເປັດ, ຜັກກາດດິບ, ແລະຖົ່ວລັນເຕົາຂຽວເປັນຕົ້ນ. ຖ້າຢາກເພີ່ມປະລິມານໃຫ້ຫລາຍຂຶ້ນ, ກໍກິນຢາປະເພດຕ່າງໆ, ເຊັ່ນເຄັບ ຊຸນວິຕາມິນE, ແລະເຄັບຊຸນເບ້ຍເຂົ້າແບຼ. ເຄັບຊຸນວິຕາມິນEເຮັດດ້ວຍການສັງເຄາະເຄມີ, ມີອົງປະກອບອັນດຽວ, ຄວາມສາມາດແຍກຕົວບໍ່ສູງ; ແຕ່ເຄັບຊຸນເບ້ຍເຂົ້າແບຼເປັນຂອງທຳມະຊາດ, ມີຄວາມສາມາດແຍກຕົວສູງ, ຮ່າງກາຍຄົນດູດຮັບງ່າຍ. ເມື່ອທຽບໃສ່ກັນແລ້ວ, ເຄັບຊຸນເບ້ຍເຂົ້າແບຼມີປະສິດທິຜົນດີກວ່າ.
ກິນວິຕາມິນEຈະມີອາຍຸຍືນຍາວ, ແຕ່ກິນຫຼາຍເກີນຄວນຈະມີຜົນຮ້າຍ, ຕ້ອງກິນຢ່າງເໝາະສົມພໍດ້າມພໍດີ.
1 2
|
