|
ຝ່າຍຈີນຫວັງໃຫ້ບັນດາຝ່າຍທີ່ກ່ຽວຂ້ອງພ້ອມກັນພະຍາຍາມຊຸກຍູ້ໃຫ້ຈັດກອງປະຊຸມໄລຍະທີສອງຂອງການເຈລະຈາຫົກຝ່າຍຮອບຫ້າໂດຍໄວ
cri
ຕາມຂ່າວCRI,ວັນທີ19ມັງກອນ,ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ,ທ່ານຂົງຊວນໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນເຫັນວ່າຫົກຝ່າຍຜ່ານຈາກການເຈລະຈາສັນຕິພາບແກ້ໄຂບັນຫານີວເຄຼຍແຫຼມເກົາຫຼີ,ເຮັດໃຫ້ແຫຼມເກົາຫຼີປອດນີວເຄຼຍ,ເປົ້າໝາຍແລະຫຼັກການດັ່ງກ່າວປ່ຽນແປງບໍ່ໄດ້.ຝ່າຍຈີນໃນນາມເປັນປະເທດປະທານຈະສືບຕໍ່ທຳຄວາມພະຍາມເພື່ອເລື່ອງນີ້.
ທ່ານຂົງຊວນກ່າວວ່າ,ຝ່າຍຈີນຫວັງໃຫ້ບັນດາຝ່າຍທີ່ກ່ຽວຂ້ອງທຳຄວາມພະຍາຍາມພ້ອມກັນ,ຜ່ານຈາກການທຳຄວາມເຂົ້າໃຈກັນແລະສົນທະນາກັນ,ເຮັດໃຫ້ຄວາມເຫັນຂັດກັນລະຫວ່າງບັນດາຝ່າຍຄ່ອຍໆ ໜ້ອຍລົງ,ຄ່ອຍໆຜ່ານຜ່າປັດໄຈສັບສົນໃນການເຈລະຈາຫົກຝ່າຍໃນປັດຈຸບັນ,ເຮັດໃຫ້ກອງປະຊຸມໄລຍະທີສອງຂອງການເຈລະຈາຫົກຝ່າຍຮອບຫ້າຈັດຂຶ້ນໂດຍໄວ.
|
|
