|
ການແກ້ໄຂບັນຫານິວເຄຼຍຂອງອີຣານໂດຍຜ່ານການເຈລະຈາທາງການທູດສອດຄ່ອງກັບຜົນປະໂຫຍດຂອງບັນດາຝ່າຍ
cri
Author: shuo
ຕາມຂ່າວCRI:ວັນທີ19ມັງກອນ,ຢູ່ທີ່ປັກກິ່ງ,ທ່ານຂົງຊວນ ໂຄສົກກະຊວງການຕ່າງປະເທດຈີນກ່າວວ່າ,ການແກ້ໄຂບັນຫານິວເຄຼຍຂອງອີຣານໂດຍຜ່ານຈາກການເຈລະຈາທາງການທູດຍັງແມ່ນການເລືອກເອົາທີ່ດີ,ສອດຄ່ອງກັບຜົນປະໂຫຍດຂອງບັນດາຝ່າຍ.ຝ່າຍຈີນຫວັງໃຫ້ບັນດາຝ່າຍທີ່ກ່ຽວຂ້ອງສືບຕໍ່ຮັກສາຄວາມອົດກັ້ນແລະຄວາມອົດທົນ,ແກ້ໄຂບັນຫານິວເຄຼຍຂອງອີຣານດ້ວຍຮູບການເຈລະຈາໂດນສັນຕິ,ຝ່າຍຈີນຈະເຮັດຄືແຕ່ເກົ່າເມືອຫຼັງສະໜັບສະໜູນຄວາມພະຍາຍາມທາງການທູດຂອງຝ່າຍທີ່ກ່ຽວຂ້ອງ.
ທ່ານຂົງຊວນຍັງກ່າວວ່າ,ທ່ານຫຼີຈ້າວຊິ່ງ ລັດຖະມົນຕີກະຊວງການຕ່າງປະເທດຈີນທີ່ພວມຢ້ຽມຢາມອາຟະລິກາໄດ້ຕີໂທລະສັບລົມກັບລັດຖະມົນຕີກະຊວງການຕ່າງປະເທດອີຣານກ່ຽວກັບບັນຫາດັ່ງກ່າວ,ແລະໄດ້ແນະນຳເຈດຈຳນົງແລະຫຼັກໝັ້ນຂອງຈີນໃນບັນຫານິວເຄຼຍຂອງອີຣານ.
|
|
