|
|
 |
| (GMT+08:00)
2006-01-19 22:25:31
|
 |
|
ປະມວນເພງຮ້ອງຮວມໝູ່"ຮີດຄອງປະເພນີຢຸນນານ"(ສຽງ)
cri
Author: shuo
|
ທີ່ນີ້ວິທະຍຸສາກົນແຫ່ງປະເທດຈີນ,ສະບາຍດີທ່ານຜູ້ຟັງທີ່ໂຄລົບ.ຍິນດີຕ້ອນຮັບທ່ານເຂົ້າ ສູ່ລາຍການນັດພົບໃນວັນອາທິດ,ຂ້າພະເຈົ້າແມ່ນດາລາວັນ.ໃນລາຍການພາກນີ້,ຂ້າພະເຈົ້າໄດ້ຈັດເອົາປະມວນເພງຮ້ອງຮວມໝູ່"ຮິດຄອງປະເພນີຢຸນນານ"ມາສູ່ທ່ານຟັງ.ທຳ ນອງແລະເນື້ອເພງຂອງເພງເຫຼົ່ານີ້ແຕ່ງໂດຍທ່ານທຽນເຟີ່ງແລະທ່ານຈ່າງຕົ່ງຮຸ່ຍ.
ປະມວນເພງ"ຮີດຄອງປະເພນີຢຸນນານ"ປະກອບດ້ວຍຫ້າເພງ.ພວກເຮົາໄດ້ແບ່ງອອກເປັນສອງພາກສ່ວນ,ມື້ນີ້ເຊີນຟັງພາກຕົ້ນ.
ເພງທຳອິດທີ່ທ່ານຈະໄດ້ຟັງແມ່ນເພງ"ສາວຫາປາໜອງແສ".ພູຊ່າງຊ່ານແລະໜອງແສແມ່ນແຫຼ່ງທ່ອງທ່ຽວທີ່ມີທິວທັດສວຍງາມຂອງແຂວງຢຸນນານ,ເພງນີ້ໄດ້ສະແດງໃຫ້ເຫັນຄວາມຮັກຫອມບ້ານເກີດເມືອງນອນຂອງສາວຫາປາເຜົ່າໄປທີ່ດຳລົງຊີວິດຢູ່ຕີນພູຊ່າງຊ່ານແລະແຄມໜອງແສ.
ທີ່ທ່ານຟັງມານັ້ນແມ່ນເພງ "ສາວຫາປາໜອງແສ",ເພງທຳອິດໃນປະມວນເພງ "ຮີດຄອງປະເພນີຢຸນນານ".ແຂວງຢຸນນານຕັ້ງຢູ່ພາກຕາເວັນຕົກສຽງໃຕ້ຂອງຈີນ,ມີຊາຍແດນຕິດກັບລາວ.ແຂວງນີ້ນອກຈາກເຜົ່າຮ້ານແລ້ວ,ຍັງມີ25ຊົນເຜົ່າສ່ວນໜ້ອຍ.ທ່ານທຽນເຟີ່ງ ຜູ້ແຕ່ງນົດໄດ້ເອົາດົນຕີຊົນເຜົ່າທ້ອງຖິ່ນເປັນເຄົ້າມູນ,ບັນລະຍາຍຮີດຄອງປະເພນີຊົນເຜົ່າແລະຊີວິດການເປັນຢູ່ຂອງເຜົ່າໄປ ເຜົ່າລື້ ເຜົ່ານ້າຊີ່ ເຜົ່າຈີງພໍ່ແລະເຜົ່າອີ.ເຖິງວ່າເຄົ້າຂອງດົນຕີແມ່ນເພງພື້ນເມືອງ,ແຕ່ໃນດ້ານທຳນອງ,ການປະສານສຽງແລະການປະກອບ ເຄື່ອງເສບ,ແມ່ນໄດ້ໃຊ້ວິທີທີ່ທັນສະໄໝ,ຈຶ່ງໄດ້ຮັບຄວາມນິຍົມຊົມຊອບຈາກຜູ້ຟັງທັງຫຼາຍ,ແລະໄດ້ຮັບຄວາມຍ້ອງຍໍໂດຍທົ່ວໄປໃນວົງການດົນຕີຂອງຈີນ.ເພງນີ້ນຳອອກສະແດງເປັນຄັ້ງທຳອິດໃນງານຮ້ອງຮວມໝູ່ປັກກິ່ງສະໄໝທີສອງເມື່ອປີ1987,ປີລຸນມາໄດ້ຮັບລາງ ວັນທີໜຶ່ງໃນງານປະກວດດົນຕີຈີນສະໄໝທີຫ້າ.
ບຸນທວນໄຟແມ່ນບຸນປະເພນີດັ້ງເດີມຂອງຊາວເຜົ່າອີ.ຕາມເລົ່າລືກັນວ່າ,ໃນສະໄໝດຶກດຳບັນ,ຍ້ອນເຈົ້າຟ້າເຈົ້າແຖນໂກດເຄືອງ,ຈຶ່ງໄດ້ແຕ່ງແມງຟ້າລົງມາກິນເຄື່ອງປູກຂອງຝັງໃນເມືອງມະນຸດ.ເພື່ອຮັກສາໝາກຜົນການອອກແຮງງານ,ຍິງຊາຍນ້ອຍໃຫຍ່ເຜົ່າອີຈຶ່ງພາກັນໄຕ້ທວນໄຟ,ເຜົາແມງຟ້າໃຫ້ຕາຍ,ຈຶ່ງໄດ້ກອບກູ້ເຄື່ອງປູກຂອງຝັງບໍ່ໃຫ້ຖືກທຳລາຍ.ສະ ນັ້ນ,ໃນສະໄໝບູຮານ,ເມື່ອຮອດເດືອນ6ທຸກປີ,ຊາວເຜົ່າອີກໍພາກັນໄຕ້ທວນໄຟ,ໄລ່ແມງໄມ້ຕາມເຮືອນຊານແລະໄຮ່ນາຮົ້ວສວນ.ຫຼັງຈາກນັ້ນ,ຊາວເຜົ່າອີໃນໝົດບ້ານກໍພາກັນນັ່ງອ້ອມກອງຮ້າໄຟ,ດີດພິນວົງເດືອນ,ດື່ມເຫຼົ້າ ຟ້ອນລຳທຳເພງຈົນຊອດແຈ້ງ,ຂໍໃຫ້ເກັບກ່ຽວໄດ້ຜົນອຸດົມສົມບູນ.ພາຍຫຼັງມາ,ຮີດຄອງປະເພນີດັ່ງກ່າວຄ່ອຍໆກາຍເປັນບຸນທວນໄຟ.ເພງ"ບຸນທວນໄຟ" ເພງທີ5ໃນປະມວນເພງ "ຮີດຄອງປະເພນີຢຸນນານ"ກໍແມ່ນສະແດງສະພາບມ່ວນຊື່ນຟົດຟື້ນໃນເວລາຊາວເຜົ່າອີສະເຫຼີມສະຫຼອງບຸນທວນໄຟ.ເຊີນຟັງເພງ"ບຸນທວນໄຟ".
ທ່ານຜູ້ຟັງ,ປະມວນເພງ "ຮີດຄອງປະເພນີຢຸນນານ"ມື້ນີ້ຂໍແນະນຳທໍ່ນີ້ກ່ອນ, ຍິນດີຕ້ອນ ຮັບທ່ານຕິດຕາມຮັບຟັງພາກປາຍໃນລາຍການອາທິດໜ້າ,ແລະຊົມເຊີຍທ່ານຂຽນຈົດ ໝາຍມາໃຫ້ພວກເຮົາເລື້ອຍໆ,ບອກພວກວ່າທ່ານຢາກຟັງຫຍັງໃນລາຍການນັດພົບໃນວັນອາທິດ.ຕູ້ໄປສະນີຂອງພວກເຮົາແມ່ນChina Radio International 4216, CRI-13, Beijing China,ລະຫັດໄປສະນີແມ່ນ100040,ຫຼືວ່າສົ່ງe-mailມາໃຫ້ພວກເຮົາກໍໄດ້,ທີ່ຢູ່ e-mailຂອງພວກເຮົາແມ່ນ laos@chinabroadcast.cn.
ຂອບໃຈທ່ານທີ່ຮັບຟັງ,ພົບກັນໃໝ່ໃນອາທິດໜ້າສະບາຍດີ.
|
|
|
