|
ຈີນກັບເກັຼກຍິນດີເປີດກວ້າງການຮ່ວມມືທີ່ຕິດແທດຕົວຈິງໃນທຸກຂົງເຂດລະຫວ່າງສອງປະເທດຕື່ມອີກ
cri
Author: shuo
ຕາມຂ່າວCRI,ວັນທີ20ມັງກອນ,ຢູ່ທີ່ປັກກິ່ງ,ໃນເວລາພົບປະທ່ານຫູຈິນທາວ ປະທານປະເທດຈີນ,ທ່ານຄາລາມານລິສ ນາຍົກລັດຖະມົນຕີເກຼັກກ່າວວ່າ,ຝ່າຍເກັຼກຍິນດີທຳຄວາມພະຍາຍາມຢ່າງຕັ້ງໜ້າເພື່ອລົບລ້າງອຸປະສັກໃນການຂະຫຍາຍການພົວພັນລະຫວ່າງຈີນກັບສະຫະພາບເອີລົບ,ຊຸກຍູ້ການພົວພັນຈີນສະຫະພາບເອີລົບໃຫ້ຂະຫຍາຍຕົວຢ່າງຮອບດ້ານ.ເກຼັກຍຶດໝັ້ນນະໂຍບາຍຈີນດຽວ,ຄັດຄ້ານການແຍກໄຕ້ຫວັນເປັນເອກະລາດ,ຫວັງໃຫ້ເພີ່ມທະວີການຮ່ວມມືກັບຈີນໃນຂົງເຂດຕ່າງໆເຊັ່ນການຂົນສົ່ງທາງທະເລ,ພະລັງງານ,ການທ່ອງທ່ຽວ,ວັດທະນະທຳແລະການສຶກສາເປັນຕົ້ນ.
ທ່ານຫູຈິນທາວກ່າວວ່າ,ແຕ່ຈີນແລະເກຼັກສ້າງສາຍສຳພັນທາງການທູດເປັນເວລາ33ປີມານີ້,ການພົວພັນລະຫວ່າງສອງປະເທດພວມຢູ່ໃນໄລຍະດີທີ່ສຸດ.ຝ່າຍຈີນຍິນດີພ້ອມກັນກັບຝ່າຍເກຼັກທຳຄວາມພະຍາຍາມ,ເປີດກວ້າງການຮ່ວມມືທີ່ຕິດແທດຕົວຈິງໃນຂົງເຂດຕ່າງໆລະຫວ່າງສອງປະເທດຕື່ມອີກ,ຊຸກຍູ້ການພົວພັນຄູ່ຂາຍຸດທະສາດຮອບດ້ານລະຫວ່າງສອງປະເທດໃຫ້ລົງສູ່ລວງເລິກແລະຂະຫຍາຍໄປໜ້າຢ່າງບໍ່ຢຸດຢັ້ງ.
ໃນມື້ດຽວກັນ,ທ່ານອູປ່າງກົວະ ປະທານຄະນະປະຈຳສະພາປະຊາຊົນແຫ່ງຊາດຈີນແລະທ່ານເຈຍຊີ້ງລີນ ປະທານສະພາປຶກສາການເມືອງແຫ່ງຊາດຈີນກໍຕ່າງໄດ້ຈັດການເຈລະ ຈາກັບທ່ານຄາລາມານລິສ,ແລະຊົມເຊີຍຝ່າຍທີ່ກ່ຽວຂ້ອງຂອງເກຼັກຕັ້ງໜ້າເຂົ້າຮ່ວມການກໍ່ສ້າງຫໍສະໜາກິລາແລະການພັດທະນາຕະຫຼາດຂອງງານກິລາໂອລິມປິກປັກກິ່ງປີ2008.
|
|
