|
ຕາມຂ່າວສານຊິນຮວາ:ວັນທີ21 ມັງກອນ,ທ່ານເຢຮານຸໂຣຟ ນາຍົກລັດຖະມົນຕີອຸຍແກຼນກ່າວວ່າ,ຍ້ອນວ່າລັດຖະສະພາຂັດຂວາງແລະບາງຂໍ້ປີກຍ່ອຍຄືລາຄາເປັນຕົ້ນຍັງບໍ່ທັນຕົກລົງ.ລັດຖະບານອຸຍແກຼນຕົກລົງເລື່ອນເວລາເຊັນສັນຍາສະບັບໃໝ່ກ່ຽວກັບການຊຶ້ອາຍແກັສຂອງຣັດເຊຍ.
ມື້ດຽວກັນ,ໃນຄຳປາໄສທີ່ໂທລະພາບອອກອາກາດ,ທ່ານເຢຣານຸໂຣຟກ່າວວ່າ,ລັດຖະບານອຸຍແກຼນມີແຜນການເຊັນສັນຍາສະບັບນີ້ກັບບໍລິສັດຫຸ້ນສ່ວນອຸດສາຫະກຳອາຍແກັສຣັດເຊຍໃນວັນທີ25 ມັງກອນ,ແຕ່ໃນປະຈຸບັນ,ເອກະສານຂອງສັນຍາຍັງບໍ່ທັນກຽມຮຽບຮ້ອຍເທື່ອ.ກ່ອນອື່ນແມ່ນບັນຫາກ່ຽວກັບລາຄາຂອງອາຍແກັສ,ຄືກຳນົດລາຄາແນວໃດແລະສາມາດຮັກສາດົນປານໃດຫຼັງຈາກກຳນົດລາຄາ;ຖັດມາ,ຍ້ອນວ່າລັດຖະບານຖືກລັດຖະສະພາຍຸບເລີກ,ລັດຖະມົນຕີທີ່ກ່ຽວຂ້ອງຖືກປົດຕໍາແໜ່ງ,ພວກເພິ່ນຈະມີສິດເຊັນສັນຍາຫຼືບໍ່ນັ້ນໄດ້ກາຍເປັນບັນຫາ.
|
