|
|
 |
| (GMT+08:00)
2006-01-23 11:26:36
|
 |
|
ປີ 2005 ປະລິມານຂໍ້ຄວາມສັ້ນຂອງໂທລະສັບມືຖືຂອງຈີນໄດ້ລື່ນກາຍ 300 ຕື້ຂໍ້
cri
Author: cai
ຕາມຂ່າວCRI:ຕົວເລກສະຖິຕິທີ່ກະຊວງອຸດສາຫະກຳຂໍ້ມູນຂ່າວສານຂອງຈີນປະກາດໃນວັນທີ 22 ມັງກອນສະແດງໃຫ້ເຫັນວ່າ,ປີ 2005,ປະລິມານຂໍ້ຄວາມສັ້ນຂອງໂທລະສັບມືຖືຂອງຈີນບັນລຸ 304 ຕື້ 650 ລ້ານຂໍ້,ຫຼາຍກວ່າປີ 2004 ເກືອບ 40%.
ການສົ່ງຂໍ້ຄວາມສັ້ນແມ່ນປະສິດທິຄຸນລາຍໜຶ່ງທີ່ຜູ້ໃຊ້ໂທລະສັບມືຖືຂອງຈີນມັກໃຊ້ທີ່ສຸດ.ຜູ້ໃຊ້ໂທລະສັບມືຖືຂອງຈີນໄດ້ມີເກືອບ 400 ລ້ານເລກໝາຍແລ້ວ,ຄຽງຄູ່ກັບຈຳນວນຜູ້ໃຊ້ໂທລະສັບມືຖືໄດ້ເພີ່ມຂຶ້ນ,ຢູ່ຈີນ,ມີເຂດນັບມື້ນັບຫຼາຍໄດ້ເລີ່ມເອົາໃຈໃສ່ນຳບົດບາດຂອງໂທລະສັບມືຖືໃນການສົ່ງຂ່າວດ່ວນພາຍໃນຂອບເຂດກວ້າງ.ປີ 2005,ຢູ່ນະຄອນປັກກິ່ງ ແຂວງຈ່ຽງຊີ່ ແຂວງກ່ານຊູ້ແລະແຫ່ງອື່ນໆຂອງຈີນກໍ່ໄດ້ໃຊ້ຮູບການຂໍ້ຄວາມສັ້ນສົ່ງຂ່າວໃຫ້ມວນຊົນຢ່າງທັນການໃນການຄຸ້ມຄອງການເກີດເຫດການສຸກເສີນສາທາລະນະ.
ຜູ້ຊ່ຽວຊານບາງທ່ານເຫັນວ່າ,ຈີນຄວນພິຈາລະນາສ້າງລະບົບສົ່ງຂໍ້ຄວາມສັ້ນອຸຕຸນິຍົມທາງໂທລະສັບມືຖືແລະລະບົບປະກາດຂໍ້ມູນຂ່າວສານເຕືອນໄພສາທາລະນະອື່ນໆທີ່ເປັນເອກະພາບກັນໃນທົ່ວປະເທດ,ແລະບູລະນະກົນໄກເຕືອນໄພໃຫ້ສົມບູນຂຶ້ນ.
|
|
|
