|
ສື່ມວນຊົນສິງກະໂປຕັ້ງໜ້າຕີລາຄາຕໍ່ ກອງປະຊຸມຫ້າງຫາທຶນສາກົນເພື່ອປ້ອງກັນຄວບຄຸມໄຂ້ຫວັດສັດປີກ
cri
Author: min
ຕາມຂ່າວCRI: ວັນທີ 23 ມັງກອນ, ໜັງສືພິມລຽນເຮີຈາວປ້າວຂອງສິງກະໂປໄດ້ພິມບົດນຳທີ່ພາດຫົວເລື່ອງວ່າ ຮ່ວມແຮງຮ່ວມໃຈກັນຮັບມືກັບໄຂ້ຫວັດສັດປີກ, ຕັ້ງໜ້າຕີລາຄາຕໍ່ກອງປະຊຸມຫ້າງຫາທຶນສາກົນເພື່ອປ້ອງກັນຄວບຄຸມໄຂ້ຫວັດສັດປີກທີ່ຈັດຂຶ້ນຢູ່ປັກກິ່ງໃນວັນທີ 17 ແລະ 18 ມັງກອນ.
ບົດນຳເຫັນວ່າ, ໃນກອງປະຊຸມຄັ້ງນີ້, ບັນດາຝ່າຍໄດ້ຕອບສະໜອງຄຳຮຽກຮ້ອງຂອງທ່ານອານນານ ເລຂາທິການໃຫຍ່ອົງການສະຫະປະຊາຊາດຢ່າງຕັ້ງໜ້າ, ໃຫ້ຄຳໝັ້ນສັນຍາວ່າຈະບໍລິຈາກເງິນແລະເຄື່ອງຂອງ, ເພື່ອປ້ອງກັນຄວບຄຸມການແຜ່ລະບາດຂອງໄຂ້ຫວັດສັດປີກ, ສຸດທ້າຍ, ກອງປະຊຸມເທື່ອນີ້ໄດ້ຫ້າງຫາເງິນຊ່ອຍເຫຼືອການປ້ອງກັນຄວບຄຸມໄຂ້ຫວັດສັດປີກສາກົນລວມ 1 ຕື້ 900 ລ້ານໂດລາສະຫະລັດຈາກ 33 ປະເທດ, ໄດ້ລື່ນກາຍ 1 ຕື້ 200 ລ້ານໂດລາສະຫະລັດເຊິ່ງແມ່ນເປົ້າໝາຍເດີມທີ່ທະນາຄານໂລກຄາດໄວ້ນັ້ນຢ່າງຫຼວງຫຼາຍ. ທ່ານເວິ່ນເຈ່ຍປາວ ນາຍົກລັດຖະມົນຕີຈີນປະກາດໃນກອງປະຊຸມວ່າ, ລັດຖະບານຈີນຕົກລົງບໍລິຈາກ10 ລ້ານໂດລາສະຫະລັດ, ເງິນກ້ອນນີ້ຈະໂອນເຂົ້າບັນຊີໂດຍໄວ.
ສຸດທ້າຍ, ບົດນຳຊີ້ອອກວ່າ, ໃນເວລາຮັບມືກັບໄຂ້ຫວັດສັດປີກ, ປະຊາຄົມໂລກຕ້ອງໃຊ້ທ່າທີອັນຕັ້ງໜ້າ, ພ້ອມທັງເກາະແຂນກັນ, ຮ່ວມແຮງຮ່ວມໃຈກັນ, ໄຂ້ຫວັດສັດປີກບໍ່ແມ່ນພະຍາດທີ່ປົວບໍ່ໄດ້ທີ່ເຮັດໃຫ້ມວນມະນຸດຈົນປັນຍາ.
|
|
