|
ປີ2005ແຜ່ນດິນໃຫຍ່ປະເທດຊາດໄດ້ນຳໃຊ້ທຶນໄຕ້ຫວັນລື່ນກາຍ2ຕື້ 100 ລ້ານໂດລາສະຫະລັດ
cri
ຕາມຂ່າວສານຊີນຮວາ,ປີ2005,ແຜ່ນດິນໃຫຍ່ປະເທດຊາດໄດ້ອະນຸມັດໂຄງການທີ່ນັກທຸລະກິດໄຕ້ຫວັນລົງທຶນລວມ3907ໂຄງການ,ນຳໃຊ້ທຶນຂອງທຸລະກິດໄຕ້ຫວັນໄດ້ລື່ນກາຍ2ຕື້100 ລ້ານໂດລາສະຫະລັດ.
ວັນທີ23ມັງກອນ,ຢູ່ທີ່ປັກກິ່ງ,ໃນເວລາໃຫ້ສຳພາດຕໍ່ນັກຂ່າວຂ່າວສານຊີນຮວາ,ທ່ານເຫີຊື້ຈົງ,ຫົວໜ້າກົມເສດຖະກິດຫ້ອງການວຽກງານໄຕ້ຫວັນລັດຖະບານຈີນກ່າວວ່າ,ໃຕ້ຄວາມພະຍາຍາມຮ່ວມຂອງພີ່ນ້ອງຮ່ວມຊາດສອງຝັ່ງຊ່ອງແຄບ,ປີ2005,ການພົວພັນດ້ານເສດຖະກິດການຄ້າສອງຝັ່ງຊ່ອງແຄບສືບຕໍ່ຂະຫຍາຍໄປໜ້າ.ເມື່ອເບິ່ງຈາກພາກພື້ນທີ່ນັກທຸລະກິດໄຕ້ຫວັນລົງທຶນ,ຕົ້ນຕໍສຸມໃສ່ຢູ່ພາກຕາເວັນອອກສຽງໃຕ້ຂອງແຂວງຟູຈ້ຽນ,ເຂດສາມຫຼ່ຽມປາກແມ່ນ້ຳຈູ່ຈ່ຽງ,ເຂດສາມຫຼ່ຽມແມ່ນ້ຳຢາງເຊ,ເຂດອ້ອມທະເລໂບໄຫ,ແລະຂະຫຍາຍໄປສູ່ພາກກາງແລະພາກຕາເວັນຕົກຂອງຈີນເທື່ອລະກ້າວ.ເມື່ອເບິ່ງຈາກຈຸດພິເສດຂອງອຸດສາຫະກຳແລ້ວ,ວິສາຫະກິດເຕັກນິກສູງຂອງໄຕ້ຫວັນທີ່ຖືອຸດສາຫະກຳຂໍ້ມູນຂ່າວສານເປັນຫຼັກຍ້າຍມາສູ່ແຜ່ນດິນໃຫຍ່ຢ່າງໄວກວ່າເກົ່າ,ໄດ້ກາຍເປັນຈຸດຮ້ອນທີ່ນັກທຸລະກິດໄຕ້ຫວັນມາລົງທຶນຢູ່ແຜ່ນດິນໃຫຍ່ໃນຫຼາຍປີມານີ້.
ບຸກຄົນທີ່ກ່ຽວຂ້ອງເຫັນວ່າ,ນັກທຸລະກິດໄຕ້ຫວັນມາລົງທຶນຢູ່ແຜ່ນດິນໃຫຍ່,ມີຜົນດີຕໍ່ການຊຸກຍູ້ການຮ່ວມມືດ້ານເສດຖະກິດການຄ້າລະຫວ່າງສອງຝັ່ງຊ່ອງແຄບ,ຊຸກຍູ້ໃຫ້ເສດຖະກິດຂອງໄຕ້ຫວັນແລະຂອງແຜ່ນດິນໃຫຍ່ຂະ ຫຍາຍຕົວພ້ອມກັນ.
|
|
