|
ທ່ານຮຸຍລຽງອີ້ທວງໃຫ້ແຫ່ງຕ່າງໆຮັບປະກັນການສະໜອງຕະຫຼາດແລະຄວາມປອດໄພທາງຄຸນນະພາບຂອງຜະລິດຕະພັນປະເພດສັດປີກໃນບຸນກຸດຈີນ
cri
Author: da
ຕາມຂ່າວສານຊິນຮວາ:ບຸນກຸດຈີນ ບຸນປະເພນີສຳຄັນຂອງຈີນໃກ້ຈະວຽນມາເຖິງ,ວັນທີ 23 ມັງກອນ ທ່ານຮຸຍລຽງອີ້ ຮອງນາຍົກລັດຖະມົນຕີຈີນໄດ້ທວງໃຫ້ແຫ່ງຕ່າງໆຂອງຈີນສືບຕໍ່ເພີ່ມທະວີວຽກງານປ້ອງກັນຄວບຄຸມໄຂ້ຫວັດສັດປີກ,ຮັບປະກັນການສະໜອງຕະຫຼາດແລະຄວາມປອດໄພດ້ານສາທາລະນະສຸກຂອງຜະລິດຕະພັນປະເພດສັດປີກໃນບຸນກຸດຈີນ.
ທ່ານຮຸຍລຽງອີ້ແມ່ນກ່າວຄຳເວົ້າດັ່ງກ່າວໃນກອງປະຊຸມວຽກງານປ້ອງກັນຄວບຄຸມໄຂ້ຫວັດສັດປີກປະເພດຮ້າຍແຮງທີ່ຈັດຂຶ້ນຢູ່ປັກກິ່ງໃນມື້ດຽວກັນ.ທ່ານເວົ້າວ່າ, ໄລຍະບຸນກຸດຈີນແລະໄລຍະຕົ້ນລະດູບານໃໝ່,ແມ່ນໄລຍະບໍລິໂພກສັດປີກແລະຜະລິດຕະພັນສັດປີກຫຼາຍ,ຄ້ອມພໍດີແມ່ນລະດູນົກຍ້າຍແກ່ນໄປພາກເໜືອ,ແລະເກີດໄຂ້ຫວັດສັດປີກຫຼາຍ,ດັ່ງນັ້ນ,ວຽກງານປ້ອງກັນຄວບຄຸມຈະປະເຊີນກັບການທົດສອບໃໝ່.ທ່ານທວງໃຫ້ແຫ່ງຕ່າງໆຈົ່ງເຮັດວຽກປ້ອງກັນແລະຄວບຄຸມໄຂ້ຫວັດສັດປີກໃຫ້ດີຢ່າງບັງເກີດຜົນຕື່ມອີກ.
|
|
