|
ປະມວນເພງໃໝ່ແລະເພງເກົ່າທີ່ມ່ວນໆຫຼາຍເພງ(ສຽງ)
cri
Author: mo
|
ໃນທ່າມກາງສຽງເພງທີ່ມ່ວນອອນຊອນນີ້, ລາຍການຢ່ອນອາລົມໃນວັນເສົາໄດ້ວຽນມາພົບກັບທ່ານອີກຕາມເຄີຍ, ຂ້າພະເຈົ້າແມ່ນແສງແກ້ວ. ເພງທີ່ທ່ານພວມຟັງຢູ່ນີ້ແມ່ນເພງ"Jiu yue jiu de jiu" ເຫຼົ້າເດືອນ 9 ,9 ຄ່ຳ, ເຊິ່ງເປັນເພງທີ່ຄົນມັກຮ້ອງຫຼາຍໃນປີ 1995. ນິຍົມກັນໃນແຫ່ງຕ່າງໆຂອງຈີນ, ທ່ານເສີນຊ້າວຮວາ ຜູ້ຂັບຮ້ອງກໍມີຊື່ສຽງດົ່ງດັງຍ້ອນເພງທີ່ເຕັມໄປດ້ວຍກິ່ນຫອມຂອງເຫຼົ້າແລະຄວາມຄິດຮອດບ້ານເກີດ.
ເນື້ອເພງມີຄວາມໝາຍວ່າ: ເດືອນ 9, 9 ຄ່ຳ ວັນຜູ້ເຖົ້າ, ແຕ່ເຮົາພັດຢູ່ຄົນລະຖິ່ນ, ຂ້ອຍພັດເຈພະເນຈອນ. ຍ່າງໄປຍ່າງໄປ, ຈົນເດືອນ9, 9 ຄ່ຳ, ຢູ່ຖິ່ນອື່ນບໍ່ມີເຫຼົ້າເດັດ, ບໍ່ມີຄວາມຖາມຂ່າວ. ມີແຕ່ຢູ່ບ້ານຈຶ່ງມີເດືອນ 9, 9 ຄ່ຳ, ຍາດຕິພີ່ນ້ອງຍົກຈອກດື່ມ, ດື່ມຈົນເມົາລົ້ມຢູ່ໜ້າບ້ານ.
ເມື່ອຟັງເພງ ເຫຼົ້າເດືອນ9, 9 ຄ່ຳ ແລ້ວ, ພວກເຮົາມາຟັງເພງກ່ຽວກັບເຫຼົ້າອີກເພງໜຶ່ງທີ່ຂັບຮ້ອງໂດຍທ່ານເສີນຊ້າວຮວາຄືເພງ"Jiu jiu nv er hong", "nv er hong"ແມ່ນເຫຼົ້າຊະນິດໜຶ່ງ, ເພງນີ້ມີຈັງຫວະຄ້າຍຄືກັບຄົນເມົາເຫຼົ້າ, ຍ່າງເຊໄປເຊມາ, ທັງເໝືອນດັ່ງນັ່ງຢູ່ໃນເຮືອນ້ອຍ, ໂງກໆເງກໆຢູ່ເທິງນ້ຳ, ບວກກັບການວາດພາບໃນເນື້ອເພງ, ເຮັດໃຫ້ຄົນຮູ້ສຶກຄືພວມພາຍເຮືອຊົມດອກບົວໃຕ້ແສງຕາເວັນຄ້ອຍຄ່ຳຢູ່ແມ່ນ້ຳຢ່າງເຊທີ່ສວຍງາມ, ຕໍ່ໄປເຊີນຟັງເພງນີ້ນຳກັນ.
ເນື້ອເພງມີຢູ່ວ່າ: ພາຍເຮືອລ່ອງລົງຕາມແມ່ນ້ຳ, ໃນທ່າມກາງສາຍລົມ, ໃຕ້ໂຄມສີແດງ. ເຫຍັ້ນເຫຼົ້ານີເອີຮົງເຕັມຈອກ, ຄວາມຮັກຍັງຄືເກົ່າ. ເປີດຜ້າແດງປົກຫົວ, ໃຕ້ແສງທຽນເຕັມຫ້ອງ. ກິ່ນເຫຼົ້າຫອມຫວນ, ເມົາຢູ່ໃນໃຈຊົ່ວນິລັນ.
ປີນີ້, ນາງຫານຫົງ ນັກຮ້ອງເກົ່າໄດ້ອັດຈຳໜ່າຍCDແຜ່ນທີ 5 ຂອງນາງທີ່ຊື່ວ່າ"Gan dong" ກະຕຸ້ນໃຈ. ນີ້ແມ່ນແຜ່ນສຽງທີ່ມີເນື້ອຫາສາທາລະນະປະໂຫຍດ, ໃນນັ້ນມີເພງ"sheng ming" ຊີວິດ ທີ່ສັນລະເສີນສັນຕິພາບ, ຄັດຄ້ານສົງຄາມ, ແລະກໍມີເພງ"hui lai" ກັບຄືນມາ ທີ່ຮັກສາສັດປ່າ ສະຫງວນທຳມະຊາດ. ເພງໃນCDແຜ່ນນີ້ມີເນື້ອໃນຫລາຍຢ່າງທີ່ເຮັດໃຫ້ຄົນກະຕຸ້ນໃຈແລະເປັນໜ້າກຶກກອງ, ມີຄວາມໝາຍທົ່ວໄປແລະລັກສະນະສັງຄົມ. ຕໍ່ໄປ ເຊີນຟັງເພງທີ່ມອບໃຫ້ວິລະຊົນສ້າງທາງລົດໄຟເທິງພູພຽງຊິງຫາຍຕິເບດຄືເພງ"Tian lu" ທາງຟ້າ.
ຕໍ່ໄປ, ເຊີນຟັງເພງ"meng" ຄວາມຝັນ ຂັບຮ້ອງໂດຍຄະນະດົນຕີລິງຕຽນ. ເພງນີ້ໄດ້ຫວນຄິດຊີວິດອັນດີງາມໃນອະດີດ, ແລະປາຖະໜາຈິດໃຈອັນຜ່ອງໃສ.
ສຸດທ້າຍ, ເຊີນຟັງເພງ"zuo xie you chuan" ເອົາເກີບເບື້ອງຊ້າຍໃສ່ເບື້ອງຂວາ" ຂັບຮ້ອງໂດຍທ່ານລູ້ອີ້ ດາລາຮູບເງົາແລະໂທລະພາບ. ຄັດຈາກແຜ່ນCDໃໝ່ຂອງທ່ານ, CDແຜ່ນນີ້ມີດົນຕີລອກແອນໂລນແບບອັງກິດຫລາຍເພງ, ໃນເພງນີ້ ມີດົນຕີເອເລັກໂຕຼນິກແບບອັງກິດທີ່ຟົດຟື້ນ, ສຽງຂອງທ່ານລູ້ອີ້ອ່ອນໂຍມທຳມະຊາດ. ທ່ານລູ້ອີ້ເວົ້າວ່າ, ຄວາມຮູ້ສຶກເຫຼົ່ານີ້ຈຶ່ງແມ່ນນິດໃສແທ້ຂອງຕົນ, ເຖິງວ່າມັນອາດຈະບໍ່ແມ່ນທຳນອງທີ່ເໝາະສົມທີ່ສຸດ, ແຕ່ໃນດ້ານຮ້ອງເພງ, ທ່ານຍັງແມ່ນຄົນໃໝ່, ທ່ານຍັງຢາກລອງເບິ່ງຫລາຍໆແບບ.
ເອົາລະ, ທ່ານຜູ້ຟັງທີ່ເຄົາລົບ, ລາຍການຢ່ອນອາລົມໃນວັນເສົາພາກນີ້ຂໍຈົບລົງທໍ່ນີ້, ສະບາຍດີ.
|
|
