|
ຕາມຂ່າວcri:ທ່ານເວິ່ນເຈ່ຍປາວກ່າວວ່າ,ຫວັງໃຫ້ຈີນກັບອາລາບີຊາອູດິດສືບຕໍ່ເປີດກວ້າງການລົງທຶນຢູ່ຝ່າຍກົງກັນຂ້າມ,ຈຸດໜັກແມ່ນເພີ່ມທະວີການຮ່ວມມືໃນຂົງເຂດພະລັງງານ,ການກໍ່ສ້າງພື້ນຖານໂຄງລ່າງແລະໂທລະຄົມມະນາຄົມຂໍ້ມູນຂ່າວສານເປັນຕົ້ນ.
ວັນທີ24 ມັງກອນ,ຢູ່ປັກກິ່ງ,ໃນເວລາພົບປະສົມເດັດອາບດູລາ ບິນ ອາບດູລາຊິສ ເຈົ້າຊີວິດອາລາບີຊາອູດິດທີ່ມາຢ້ຽມຢາມ,ທ່ານເວິ່ນເຈ່ຍປາວກ່າວວ່າ,ຝ່າຍຈີນຍິນດີຊຸກຍູ້ການພົວພັນໄມຕີຈິດຮ່ວມມືລະຫວ່ງສອງປະເທດຢ່າງຮອບດ້ານ.ທ່ານກ່າວວ່າ,ອາລາບີຊາອູດິດແມ່ນຄູ່ການຄ້າໃຫຍ່ທີ່ໜຶ່ງຂອງຈີນຢູ່ອາຊີຕາເວັນຕົກແລະອາຟຼິກາເໜືອ,ໃນສະເພາະໜ້ານີ້,ຈີນແລະອາລາບີຊາອູດິດລ້ວນແຕ່ຢູ່ໃນໄລຍະເສດຖະກິດພັດທະນາຢ່າງໄວວາ,ສອງປະເທດຄວນເສີມຂະຫຍາຍທ່າແຮງຂອງໃຜຂອງລາວ,ບັນລຸການພັດທະນາພ້ອມກັນ.
ທ່ານເວິ່ນເຈ່ຍປາວຍັງກ່າວວ່າ,ຈີນຍິນດີພະຍາຍາມພ້ອມກັນກັບປະເທດຄະນະກຳມະການຮ່ວມມືອ່າຍເປີເຊຍເຊິ່ງລວມທັງອາລາບີຊາອູດິດ,ຊຸກຍູ້ສອງຝ່າຍເຊັນສັນຍາການຄ້າເສລີໂດຍໄວ.
|
