|
ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຍີ່ປຸ່ນຄວນປົວແປງການພົວພັນລະຫວ່າງຈີນກັບຍີ່ປຸ່ນດ້ວຍການກະທຳອັນແທດເໝາະ
cri
Author: da
ຕາມຂ່າວCRI: ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງໃນວັນທີ 24 ມັງກອນ, ທ່ານຂົງຊວນ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນເຫັນວ່າ,ຝ່າຍຍີ່ປຸ່ນຄວນປົວແປງການພົວພັນລະຫວ່າງສອງປະເທດດ້ວຍການກະທຳອັນແທດເໝາະ.
ຫວ່າງມໍ່ໆນີ້ ທ່ານໂຄອີຈູມີ ຈູນີຊີໂລ ນາຍົກລັດຖະມົນຕີຍີ່ປຸ່ນແລະທ່ານທາໂຣ ອາໂຊ ລັດຖະມົນຕີການຕ່າງປະເທດຍີ່ປຸ່ນຕ່າງໄດ້ກ່າວສະແດງວ່າເອົາໃຈໃສ່ນຳການພົວພັນຈີນຍີ່ປຸ່ນ.ທ່ານຂົງຊວນເວົ້າວ່າ,ຝ່າຍຈີນໄດ້ໃຫ້ຄວາມສົນໃຈນຳຄຳເວົ້າຂອງພວກທ່ານທີ່ເອົາໃຈໃສ່ນຳການພົວພັນກັບຈີນ.ລັດຖະບານຈີນຈະສືບຕໍ່ອອກແຮງຂະຫຍາຍການພົວພັນໄມຕີຈິດຮ່ວມມືລະຫວ່າງຈີນຍີ່ປຸ່ນບົນພື້ນຖານຖືປະຫວັດເປັນແວ່ນແຍງແລະອວ່າຍໜ້າໄປສູ່ອະນາຄົດ.
ທ່ານຂົງຊວນຍັງຕອບຄຳຖາມຂອງນັກຂ່າວກ່ຽວກັບທ່ານຫຼີເຕິງຫຸ່ຍ ອະດີດຜູ້ນຳເຂດໄຕ້ຫວັນຈະໄປເຄື່ອນໄຫວຢູ່ຍີ່ປຸ່ນໃນເດືອນພຶດສະພາ,ທ່ານກ່າວວ່າ,ບັນຫາໄຕ້ຫວັນໄດ້ກ່ຽວພັນເຖິງຜົນປະໂຫຍດແກນກາງຂອງຈີນ,ແລະກ່ຽວພັນເຖິງພື້ນຖານການເມືອງຂອງການພົວພັນຈີນຍີ່ປຸ່ນ.ຝ່າຍຈີນໄດ້ທວງໃຫ້ຝ່າຍຍີ່ປຸ່ນຈົ່ງໂຄລົບຫຼັກການໃນເອກະສານການເມືອງ 3 ສະບັບເຊັ່ນ"ຖະແຫຼງການຮ່ວມຈີນຍີ່ປຸ່ນ",ໃຊ້ການກະທຳຕົວຈິງ ມາສະແດງຄຳໝັ້ນສັນຍາໃນບັນຫາໄຕ້ຫວັນຈົນເທົ້າທຸກວັນນີ້,ຊຳລະແກ້ໄຂບັນຫາທີ່ກ່ຽວຂ້ອງກັບໄຕ້ຫວັນ.
|
|
