|
ຕາມຂ່າວCRI: ວັນທີ 24 ມັງກອນຢູ່ທີ່ປັກກິ່ງ, ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດ ທ່ານເວີນເຈຍປາວ ນາຍົກລັດຖະມົນຕີຈີນຕ່າງໄດ້ພົບປະສົມເດັດອັບດູນລາ ເຈົ້າຊີວິດອາລາບີຊາອູດິດທີ່ມາຢ້ຽມຢາມ. ຜູ່ນຳຈີນກ່າວວ່າ ຈະຕັ້ງໜ້າສະໜັບສະໜູນການພັດທະນາການຮ່ວມມືທາງເສດຖະກິດການຄ້າທີ່ຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບອາລາບີຊາອູດິດ.
ທ່ານອູປາງໂກພົບປະສົມເດັດອັບດູນລາ
ໃນການພົບປະ ທ່ານເວີນເຈຍປາວ ນາຍົກລັດຖະມົນຕີຈີນກ່າວວ່າ, ຫວັງໃຫ້ຈີນອາລາບີຊາອູດິດສືບຕໍ່ເພີ່ມທະວີການລົງທຶນຢູ່ຝ່າຍກົງກັນຂ້າມ, ເພີ່ມທະວີການຮ່ວມມືໃນຂົງເຂດພະລັງງານ ການກໍ່ສ້າງພື້ນຖານໂຄງລ່າງແລະໂທລະຄົມມະນາຄົມຂໍ້ມູນຂ່າວສານເປັນຈຸດໜັກ. ທ່ານຍັງກ່າວວ່າ, ຈີນຍິນດີພ້ອມກັນກັບຄະນະກຳມະການຮ່ວມມືອ່າວເປີເຊຍເຊິ່ງລວມທັງອາລາບີຊາອູດິດທຳຄວາມພະຍາຍາມ, ຊຸກຍູ້ໃຫ້ສອງຝ່າຍເຊັນສັນຍາການຄ້າເສລີໂດຍໄວ.
ສົມເດັດອັບດູນລາຊົງກ່າວວ່າ, ຝ່າຍອາລາບີຊາອູດິດຍິນດີພ້ອມກັນກັບຝ່າຍຈີນທຳຄວາມພະຍາຍາມ, ປັບປຸງແລະພັດທະນາການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນຂົງເຂດອັນກວ້າງຂວາງ ເຊັ່ນການເມືອງແລະເສດຖະກິດການຄ້າເປັນຕົ້ນ.
ທ່ານເວີນເຈຍປາວພົບປະສົມເດັດອັບດູນລາ
ຕອນບ່າຍມື້ດຽວກັນ ສົມເດັດອັບອູນລາໄດ້ສຳເລັດການຢ້ຽມຢາມຈີນທາງລັດຖະກິດເປັນເວລາ 3 ມື້ ແລະເດີນທາງອອກຈາກປັກກິ່ງ.
|
