|
|
 |
| (GMT+08:00)
2006-01-25 15:30:16
|
 |
|
ຂະໜົມກ້ຽວ
cri
Author: q
 ໃນວັນບຸນກຸດຈີນ,ຊາວຈີນກິນອາຫານຫຍັງແດ່ ໃນພາເຂົ້າສະຫຼອງບຸນກຸດຈີນໃນທ້ອງຖິ່ນສ່ວນຫຼາຍຂອງຈີນ,ຈະຕ້ອງມີຈ້ຽວຈີ້ຄືເຂົ້າຫນົມກ້ຽວ,ນີ້ໄດ້ກາຍເປັນວັດທະນະທຳພິເສດຊະນິດຫນຶ່ງຂອງຈີນແລ້ວ.
ເວົ້າແບບງ່າຍໆແລ້ວ ເຂົ້າຫນົມກ້ຽວແມ່ນເຂົ້າຫນົມຫໍ່ໄສ້,ຄືເອົາແຜ່ນແປ້ງບາງໆຫໍ່ໄສ້ແລ້ວຕົ້ນໃຫເສຸກ,ອີງຕາມປະເພນີພື້ນເມືອງຈີນ ເຂົ້າຫນົມກ້ຽວເປັນສັນຍະລັກໃຫ້ແກ່ການເຕົ້າໂຮມກັນແລະເງິນຄຳຊັບສົມບັດ,ສະນັ້ນ,ໃນເວລາສະຫຼອງບຸນປີໃຫມ່,ບໍ່ວ່າມີອາຫານໂອຊາ ເຕັມໂຕະເຕັມພາແນວໃດ,ຄົນຈີນກໍ່ບໍ່ລືມກິນຈ້ຽວຈີ້ຄືເຂົ້າຫນົມກ້ຽວຄາບຫນຶ່ງເພື່ອຕ້ອນຮັບປີໃຫມ່.
ໃນຮີດຄອງພື້ນເມືອງຈີນ,ການຫໍ່ເຂົ້າຫນົມຈ້ຽວຈີແຕ່ການເຮັດໄສ້ ແຜ່ນຫໍ່ຮອດການກິນກ້ຽວລ້ວນແຕ່ພິຖີພິຖັນທີ່ສຸດ,ເຊັ່ນ ການເຮັດໄສ້ກ້ຽວ,ໄສ້ກ້ຽວມີໄສ້ຊີ້ນໄສ້ຜັກ,ທຳມະດາແລ້ວມັກເຮັດໄສ້ຊິ້ນປົນກັບຜັກ,ຄືເອົາຊີ້ນຟັກກັບຜັກທີ່ຟັກແລ້ວຄົນໃສ່ກັນ,ປຸງລົດໃຫ້ພໍດີ,ໃນເວລາຟັກຊີ້ນແລະຜັກນັ້ນ,ຈະມີສຽງ ດັງປົກໆ ສຽງຟັກໄສ້ກ້ຽວດັງແຮງທໍ່ໃດ ດົນທໍ່ໃດ,ກໍແຫ່ງດີ,ເພາະວ່າ ໄສ້ຊີ້ນປົນຜັກ ຄວາມຈີນເວົ້າວ່າ ໂຢ້ວຊາຍ ໃກ້ກັບຄຳວ່າໂຢ້ວສາຍ,ແປວ່າເງິນ ສຽງຟັກຊີ້ນດົນນານ,ຫມາຍຄວາມວ່າຍືນຍາວ ຟັກດົນທໍ່ໃດ,ກໍ່ຍິ່ງຫມາຍຄວາມວ່າ,ຫໍ່ກ້ຽວຫຼາຍ ມີເງິນເຫຼືອໃຊ້ເຫຼືອຈ່າຍ,ຊີວິດການເປັນຢູ່ຮັ່ງມີສີສຸກ
ເມື່ອເຮັດໄສ້ແລ້ວໆ,ຈະຫໍ່ກ້ຽວເປັນຮູບແນວໃດກໍສຳຄັນທີ່ສຸດ,ຄອບຄົວສ່ວນຫຼາຍມັກຫໍ່ເປັນຮູບເຄິ່ງວົງເດືອນ,ຄືເອົາກ້ອນແປ້ງລິ້ງເປັນແຜ່ນບາງໆມົນໆ,ແລ້ວຕັກເອົາໄສ້ຫນ້ອຍຫນຶ່ງ ຢອງໃສ່ເທິງແຜ່ນ,ພັບເຄິ່ງ,ໃຊ້ນີ້ວມື ຫຸບແຄມແຜ່ນກ້ຽວສອງເບື້ອງເຂົ້າ,ແລ້ວບີບໃຫ້ມັນຕິດກັນ,ໃຫ້ເປັນຮູບຊີກວົງເດືອນ,ຄືກັບຮູບຢວນປາວ,ເງິນຫຼຽນຍບູຮານຂອງຈີນ,ແລ້ວວາງຢາຍໃສ່ຝາກະແຕະ,ຄືມີເງິນຄຳຢາຍເຕັມເຮືອນ,ມີບາງທ້ອງຖິ່ນກໍ່ເອີ້ນເຂົ້າຫນົມກ້ຽວກັນຢວນຢາວຄືເງິນຫຼຽນ, ຢູ່ຊົນນະບົດ,ຄົນທັງຫຼາຍມັກເຮັດເປັນລວດລາຍຮວງເຂົ້າ,ເຫມືອນດັ່ງມີເຂົ້າເຕັມເລົ້າເຕັມເຍຍ,ເປັນສັນຍະລັກໃຫ້ແກ່ວາມອຸດົມຮັ່ງມີ ອີ່ມຫນຳສຳລາຍໃນຕະຫຼອດປີໃຫມ່
ເມື່ອຫໍ່ກ້ຽວແລ້ວໆ,ກໍຮອດເວລາຕົ້ມກ້ຽວ,ເມື່ອນ້ຳໃນຫມໍ້ຟົດແລ້ວ,ຈຶ່ງເອົາກ້ຽວລົງໄດ້,ຈາກນັ້ນ ຕ້ອງເອົາຈອງຄົນກົ້ນຫມໍ້,ເພື່ອບໍ່ໃຫ້ກ້ຽວຕິດກົ້ນຫມໍ້,ໃນເວລາຕົ້ນກ້ຽວ,ຕ້ອງໃສ່ນ້ຳເຢັນສາມເທື່ອ,ຄືຟົດເທື່ອຫນຶ່ງ,ໃສ່ນ້ຳເທື່ອຫນຶ່ງ,ຫມາຍຄວາມວ່າຝາຍນຝູ,ແປວ່າຄວາມສຸກກັບຕ່າວຄືນມາ ເມື່ອຕົ້ນປະມາຍ 10 ກວ່ານາທີແລ້ວກໍ່ສຸກ ແລ້ວທາວຂຶ້ນໃສ່ຈານກິນໄດ້
ເມື່ອເຂົ້າຫນົມກ້ຽວຕົ້ມສຸກແລ້ວ,ເວລາກິະນກໍ່ແຮ່ງມ່ວນ,ຫມົດຄອບຄົວຖ້ວຍໃຜຖ້ວຍມັນ,ເບິ່ງວ່າ,ຜູ່ໃດກິນຖືກໄສ້ຫຍັງ,ເພາະວ່າເຂົ້າຫນົມກ້ຽວເບິ່ງໄປແລ້ວພໍປານກັນ,ແຕ່ໄສ້ພັດບໍ່ຄືກັນ,ບາງອັນອາດຈະມີຫໍ່ຫມາກທັນເຊື່ອມ,ບາງອັນມີເງິນຫຼຽນຫໍ່ໄສ້,ຜູ່ທີ່ກິນຖືກຫມາກທັນເຊື່ອມນັ້ນຫມາຍຄວາມວ່າ ປີໃຫມ່ນີ້ຈະຢູ່ເຢັນເປັນສຸກ,ຜູ່ທີ່ກິນຖືກເງິນຫຼຽນນັ້ນ,ຫມາຍຄວາມວ່າໃນປີໃຫມ່ນີ້ຈະມີໂຊກມີລາບ,ຜູ່ທີ່ກິນຖືກກ້ຽວເປືອກໂພງໆ,ຫມາຍຄວາມວ່າມີໂລກມີຄວາມສຸກ
ຈີນມີດິນແດນກວ້າງໃຫຍ່ໄພສານ,ປະເພນີກິນເຂົ້າຫນົມກ້ຽວກໍ່ບໍ່ຄືກັນ,ຕົວຢ່າງຄື ຢູ່ແຂວງເຫີນານ,ພາກກາງຂອງຈີນ ໃນຍາມບຸນກຸດຈີນ,ຄົນທັງຫຼາຍຈະເອົາເສັ້ນຫມີ່ແລະກ້ຽວຕົ້ມໃສ່ນຳກັນ,ເອີ້ນວ່າ ໄຫມຄຳຮ້ອຍຫຼຽນຄຳ,ຢູ່ບາງທ້ອງຖິານ ໃນຍາມບຸນກຸນຈີນມັກກິນກ້ຽວໄສ້ຜັກ,ເຊັ່ນ ຜັກແປ້ນ,ຜັກກາດຂາວ ຜັກກາດຫົວແລະໄຂ່ໄກ່ເປັນຕົ້ນ,ຫມາຍເຖິງຄວາມສະຫງົບສະຫງ່ຽມ ສຸກສະບາຍໃນຕະຫຼອດປີໃຫມ່ທີ່ຈະມາ
ກ້ຽວໄດ້ກາຍເປັນພາກສ່ວນຫນຶ່ງຂອງລັດທະນະທຳຈີນແລ້ວ,ເພື່ອນຕ່າງປະເທດທີ່ເຄີຍມາຈີນຖ້າບໍ່ໄດ້ກິນເຂົ້າຫນົມກ້ຽວຈັກຄາບ,ກໍ່ອາດຈະຮູ້ສຶກວ່າບໍ່ໄດ້ຊິມລົດຊາດອາຫານຈີນແທ້ໆ,ເວົ້າສຳລັບປະຊາຊົນຈີນແລ້ວ,ຄົນຫມົດຄອບຄົວເຕົ້າໂຮມກັນຟັກໄສ້ກ້ຽວ,ຄົນແປ້ງ,ຫໍ່ກ້ຽວ,ຕ້ອນຮັບປີໃຫມ່ຢ່າງຄຶກຄຶ້ນ,ພັດມີບັນຍາກາດອັນອົບອຸ່ນ,ມ່ວນຊື່ນ,ສະຫງົບ ສິລິມຸງຄຸນ.
|
|
|
