ຕາມ​ຂ່າວCRI: ວັນ​ທີ 25 ມັງກອນ ກະຊວງ​ສາທາລະນະ​ສຸກ​ຈີນ ສຳນັກງານ​ວາງ​ແຜນ​ໂຣກ​ເອດ​ສະ​ຫະປະຊາ​ຊາດ​ແລະ​ອົງການ​ອະນາ​ໄມ​ໂລກໄດ້ປະກາດບົດ​ລາຍ​ງານຫຼ້າສຸດ​ໂດຍ​ກ່າວວ່າ, ປັດ​ຈຸ​ບັນ ຈີນ​ມີ​ຜູ່​ຕິດ​ເຊື້ອ​ໂຣກ​ເອດ​ແລະ​ຜູ່​ເປັນ​ໂຣກ​ເອດ​ປະມານ 6 ​ແສນ 5 ໝື່ນ​ຄົນ, ​ໃນ​ນັ້ນ ຜູ່​ເປັນ​ໂຣ​ກເອດປະມານ 7 ໝື່ນ 5000 ຄົນ.

ຕາມ​ແນະນຳ​ວ່າ, ​ໃນ​ການ​ປະ​ເມີນ​ເທື່ອ​ນີ້, ຜູ່​ຕິດ​ເຊື້ອ​​ໂຣກ​ເອດ​ຂອງ​ຈີນ​ໄດ້​ໜ້ອຍ​ກວ່າ​ການ​ຄາດ​ຄະ​ເນ​ໃນປີ 2003 ໜຶ່ງແສນ 9 ໝື່ນ​ຄົນ. ມູນ​ເຫດ​ຕົ້ນຕໍທີ່ພາ​ໃຫ້​ມີ​ຄວາມ​ຫຼຸດ​ລື່ນ​ກັນ​ຄື​ດັ່ງ​ກ່າງນີ້​ແມ່ນ ໃນ​ປີ 2003​ ​ໄດ້​ຄາດ​ຄະ​ເນ​ຈຳນວນ​ຜູ່​ຕິດ​ເຊື້ອ​ໂຣກ​ເອດ​ທີ່​​​ແຜ່​ລະ​ບາດ​ທາງ​ສະໜອງ​ເລືອດ​ແລະ​ຮັບ​ເອົາເລືອດ ​ແລະ​ການ​ແຜ່​ລະ​ລະບາດ​​ໃຫ້​ເພດ​ຊາຍ​ໂດຍ​ຜ່ານ​ທາງ​ເພດ​ສຳພັນ​ນັ້ນສູງ​ເກີນ​ໄປ, ​ແຕ່​ຄຽງ​ຄູ່​ກັບ​ຈີນ​ໄດ້​ເພີ່ມ​ທະວີ​ການ​ຕິດຕາມ​ໃນ​ສອງ​ປີ​ມາ​ນີ້, ຕົວ​ເລກ​ຄາດ​ຄະ​ເນ​ເທື່ອ​ນີ້ຍິ່ງ​ໃກ້​ກັບ​ສະພາບຕົວ​ຈິງ​. ຜູ່​​ແທນ​ຂອງສຳນັກງານ​ວາງ​ແຜນ​ໂຣກ​ເອດ​ສະ​ຫະ​ປະຊາ​ຊາດ​ແລະ​ອົງການ​ອະນາ​ໄມ​ໂລກທີ່​ເຂົ້າຮ່ວມ​ການ​ປະ​ເມີນ​ເທື່ອ​ນີ້ ລ້ວນແຕ່​ໃຫ້​ຄວາມ​ຢືນ​ຢັນ​ຕໍ່​ວິທີ​ປະ​ເມີນ​ແລະ​ຕົວ​ເລກ​ສະຖິຕິ​ໃນ​ການ​ປະ​ເມີນ​ເທື່ອ​ນີ້.

ທ່ານ​ຫວັງ​ລົງ​ເຕີ ຮອງ​ລັດຖະມົນຕີ​ກະຊວງ​ສາທາລະນະ​ສຸກ​ຈີນ​ກ່າວ​ວ່າ, ປີ 2005 ຜູ່​ຕິດ​ເຊື້ອ​ໂຣກ​ເອດ​ຂອງ​ຈີນ​ເພີ່ມ​ຂຶ້ນປະມານ 7 ໝື່ນ​ຄົນ. ຈີນ​ຈະ​ບໍ່​ລະ​ເຫຼີງວຽກ​ງານ​ປິ່ນປົວ​ແລະ​ປ້ອງ​ກັນ​ໂຣກ​ເອດ​.