ຕາມ​ຂ່າວCRI: ​ເມື່ອ​ໄດ້​ຄິດ​ໄລ່​ໃນ​ເບື້ອງ​ຕົ້ນ, GDP ຂອງ​ຈີນ​ໃນ​ປີ 2005 ​ໄດ້​ລື່ນ​ກາຍ 1 ໝື່ນ 8000 ຕື້​ຢວນ, ​ເພີ່ມ​ຂຶ້ນຫຼາຍກວ່າ​ປີ 2004 9,9%, ຕ່ຳ​ກວ່າ​ຈັງຫວະ​ເຕີບ​ໂຕ​ຂອງ​ປີ 2004 ໜ້ອຍ​ໜຶ່ງ.

ນີ້​ແມ່ນ​ທ່ານ​ລີ​ເຕີ​ສຸຍ ຫົວໜ້າ​ກົມ​ສະຖິຕິ​ແຫ່ງ​ຊາດ​ຈີນ​ປະກາດ​ໃນ​ງານ​ຖະ​ແຫຼງຂ່າວ​ທີ່​ຈັດ​ໂດຍ​ຫ້ອງການ​ຖະ​ແຫຼງຂ່າວ​ລັດຖະບານ​ຈີນ​. ທ່ານ​ແນະນຳ​ວ່າ, ປີ 2005 ​ເສດຖະກິດ​ແຫ່ງ​ຊາດ​ຈີນ​ໄດ້​ປະ​ກົດ​ມີ​ທ່ວງທ່າ​ພັດທະນາ​ເປັນ​ຢ່າງ​ດີ ຄື ​ເຕີບ​ໂຕ​ອ່າວ​ໄວ ປະສິດທິ​ຜົນ​ອ່າວ​ດີ ລາ​ຄາ​ໝັ້ນ​ທ່ຽງ​ແລະມີ​ຄວາມ​ຊີວິດຊີວາ​ຫຼາຍຍິ່ງ​ຂຶ້ນ. ການ​ຜະລິດ​ຜົນ​ດ້ານກະ​ສິ​ກຳ​ສືບ​ຕໍ່​ພັດ​ທະ​ນາ​ໄປ​ສູ່​ທ່າ​ດີ, ການຜະລິດ​ທັນ​ຍາ​ຫານ​ໄດ້ຮັບ​ຜົນ​ອຸດົມສົມບູນ​ອີກ; ການ​ຜະ​ລິດ​ຜົນ​ດ້ານ​ອຸດ​ສາ​ຫະ​ກຳ​ໄດ້​ພັດ​ທະນາຢ່າງ​ໜັກ​ແໜ້ນ​ແລະ​ອ່າວ​ໄວ; ຈັງ​ຫວະ​ເຕີບ​ໂຕ​ຂອງ​ການ​ລົງ​ທຶນ​ດ້ານ​ຊັບ​ສິນ​ຄົງ​ທີ່​ສືບ​ຕໍ່​ຊ້າ​ລົງ; ການ​ຄ້າ​ກັບ​ຕ່າງປະ​ເທດ​ສືບ​ຕໍ່​​​ເພີ່ມ​ຂຶ້ນ​ຢ່າງ​ວ່ອງ​ໄວ, ການ​ນຳ​ໃຊ້​ທຶນ​ຕ່າງ​ປະ​ເທດ​​ໄດ້​ຢູ່​ໃນ​ລະດັບ​ສູງ​ສົມຄວນ; ລາຍ​ຮັບ​ຂອງ​ໄທບ້ານ​ໄທ​ເມືອງ​ສືບ​ຕໍ່​ເພີ່ມ​ຂຶ້ນ​ອ່າວ​ໄວ.