ຕາມ​ຂ່າວCRI: ວັນ​ທີ 25 ມັງກອນ​ຢູ່​ທີ່​ປັກ​ກິ່ງ, ສະມາຄົມ​ຊຸກ​ຍູ້​ການ​ທ້ອນໂຮມ​ເຂົ້າ​ເປັນ​ເອ​ກະ​ພາບ​ໂດຍ​ສັນຕິ​ຈີນ​ແລະ​ສະມາຄົມ​ເພື່ອນ​ຮຽນ​​ໂຮງຮຽນ​ທະຫານ​ຫວງ​ຜູ​ໄດ້​ຈັດ​ງານ​ສົນ​ທະ​ນາ​ຢູ່​ທີ່​ປັກ​ກິ່ງ, ລະ​ລຶກທ່ານ​ຈຽງ​ເຈີ​ມິນ ອະດີດ​ຜູ່​ນຳ​ຈີນ​ປະ​ກາດ​ເຈດ​ຈຳ​ນົງ 8 ຂໍ້​ຕໍ່​ໄຕ້​ຫວັນ​ຄົບຮອບ 11 ປີ, ຫວັງ​ໃຫ້​ສືບ​ຕໍ່​ຊຸກ​ຍູ້​ໃຫ້ການ​ພົວພັນ​ລະຫວ່າງ​ສອງ​ຝັ່ງ​ຂະ​ຫຍາຍ​ໄປ​ຕາມ​ທິດ​ສັນ​ຕິພາບ​ແລະ​ສະຖຽນ​ລະ​ພາບ.

​ໃນ​ງານ​ສົນທະນາ ທ່ານ​ນາງ​ເຫີ​ລູລີ້ ຮອງ​ປະທານ​ຄະນະ​ປະຈຳ​ສະພາ​ປະຊາຊົນ​ແຫ່ງ​ຊາດ​ຈີນ​ກ່າວ​ວ່າ, ​ໃນ 11 ປີ​ມາ​ນີ້, ການ​ໄປມາຫາສູ່​ກັນ​ຂອງ​ບຸກຄົນ ​ແລະ​ການ​ແລກ​ປ່ຽນ​​ແລະ​ການ​ຮ່ວມ​ມືດ້ານ​ເສດຖະກິດ ວັດທະນະທຳ​ແລະ​ຂົງ​ເຂດ​ອື່ນໆ​ລະຫວ່າງ​ສອງ​ຝັ່ງ​ໄດ້​ພັດ​ທະນາ​ຕື່ມ​ອີກ. ພ້ອມ​ກັນນັ້ນ ທ່ານ​ນາງ​ເຫີ​ລູລີ້​ຊີ້​ອອກ​ວ່າ, ການສະກັດ​ກັ້ນ​ອິດ​ທິ​ກຳ​ລັງ​ແຍກ​ໄຕ້​ຫວັນ​ເປັນ​ເອກະ​ລາດ​ດຳ​ເນີນ​ການ​ເຄື່ອນ​ໄຫວ​ແບ່ງ​ແຍກ, ປົກ​ປັກ​ຮັກ​ສາ​ສັນ​ຕິ​ພາບ​ແລະ​ສະ​ຖຽນ​ລະ​ພາບ​ຢູ່​ເຂດ​ຊ່ອງ​ແຄບ​ໄຕ້​ຫວັນ, ຍັງ​ແມ່ນ​ໜ້າ​ທີ່​ຮີບ​ດ່ວນ​ກວ່າ​ໝູ່​ຂອງ​ພີ່​ນ້ອງ​ຮ່ວມ​ຊາດ​ທັງ​ສອງ​ຝັ່ງໃນ​ສະ​ເພາະ​ໜ້າ​ນີ້.