|
|
 |
| (GMT+08:00)
2006-01-25 21:02:21
|
 |
|
ພາຍໃນ 5 ປີຂ້າງໜ້າ ຈີນຈະເພີ່ມທະວີການບຳບັດຄວາມທຸກຍາກຕື່ມອີກ
cri
Author: da
ຕາມຂ່າວສານຊິນຮວາ: ກອງປະຊຸມລັດຖະບານຈີນທີ່ຈັດຂຶ້ນຢູ່ປັກກິ່ງໃນວັນທີ 25 ມັງກອນໄດ້ວາງຄາດໝາຍວ່າ, ພາຍໃນ 5 ປີຂ້າງໜ້າ ຈີນຈະສືບຕໍ່ຖືເອົາການຫຼຸດຜ່ອນປະຊາກອນຜູ້ທຸກຍາກໃນຊົນນະບົດເປັນວຽກງານຕົ້ນຕໍຂອງການບຳບັດຄວາມທຸກຍາກ,ເພີ່ມການລົງທຶນແລະພັດທະນາເຂດທຸກຍາກຕື່ມອີກ,ພະຍາຍາມປົວແປງເງື່ອນໄຂຜະລິດຜົນແລະຊີວິດການເປັນຢູ່ຂອງເຂດທຸກຍາກ.
ພາຍໃນ 5 ປີຂ້າງໜ້າ ຈີນຈະເພີ່ມການລົງທຶນ,ເຈາະຈົງແກ້ໄຂບັນຫາກິນອີ່ມນຸ່ງອຸ່ນຂອງປະຊາກອນຜູ້ທຸກຍາກໃນຊົນນະບົດ,ປົວແປງນ້ຳດື່ມຂອງຄົນແລະສັດແລະເງື່ອນໄຂການປີ່ນປົວໃຫ້ດີຂຶ້ນຕື່ມອີກ,ເພີ່ມທະວີການກໍ່ສ້າງພື້ນຖານໂຄງລ່າງຂອງເຂດທຸກຍາກ,ເລັ່ງລັດພັດທະນາອຸດສາຫະກຳທີ່ສາມາດເຮັດໃຫ້ລາຍຮັບຂອງຊາວກະສິກອນເພີ່ມຂຶ້ນ.ພ້ອມກັນນັ້ນ,ເພີ່ມຄວາມແຮງເຂົ້າໃນການຝຶກອົບຮົມ,ພະຍາຍາມຍົກຄຸນທາດຂອງຜູ້ອອກແຮງງານໃນຊົນນະບົດໃຫ້ສູງຂຶ້ນ,ລະດົມວົງການຕ່າງໆຂອງສັງຄົມຕັ້ງໜ້າເຂົ້າຮ່ວມການພັດທະນາແລະການບຳບັດຄວາມທຸກຍາກ.
ຕາມໄດ້ຊາບ,ປະຊາກອນຜູ້ທຸກຍາກຂອງຈີນທີ່ຍັງບໍ່ທັນໄດ້ແກ້ໄຂບັນຫາກິນອີ່ມນຸ່ງອຸ່ນນັ້ນມີປະມານ 26 ລ້ານກວ່າຄົນ.
|
|
|
