|
|
 |
| (GMT+08:00)
2006-01-26 11:38:26
|
 |
|
ປະມວນເພງຮ້ອງຮວມໝູ່ "ຮີດຄອງປະເພນີຢຸນນານ"ພາກປາຍ(ສຽງ)
cri
Author: shuo
|
ທີ່ນີ້ວິທະຍຸສາກົນແຫ່ງປະເທດຈີນ,ສະບາຍດີທ່ານຜູ້ຟັງທີ່ໂຄລົບ,ຍິນດີຕ້ອນຮັບທ່ານເຂົ້າ ສູ່ລາຍການນັດພົບໃນວັນອາທິດ.ໃນລາຍການນັດພົບໃນວັນອາທິດແລ້ວນີ້, ຂ້າພະເຈົ້າໄດ້ຈັດເອົາພາກຕົ້ນຂອງປະມວນເພງຮ້ອງຮວມໝູ່"ຮີດຄອງປະເພນີຢຸນນານ"ສູ່ທ່ານຟັງ,ໃນລາຍການມື້ນີ້,ເຊີນທ່ານຕິດຕາມຮັບຟັງພາກປາຍ.
ໃນອາທິດແລ້ວນີ້,ພວກເຮົາໄດ້ແນະນຳແລ້ວວ່າ,ປະມວນເພງຮ້ອງຮວມໝູ່ "ຮີດຄອງປະເພນີຢຸນນານ"ແຕ່ງໂດຍທ່ານທຽນເຟີ່ງ ນັກແຕ່ງນົດຂອງຈີນ,ເພິ່ນຖືດົນຕີພື້ນເມືອງຊົນເຜົ່າສ່ວນໜ້ອຍຂອງແຂວງຢຸນນານທີ່ພາກຕາເວັນຕົກສຽງໃຕ້ຂອງຈີນເປັນເຄົ້າມູນ,ໄດ້ບັນລະຍາຍຮີດຄອງປະເພນີແລະຊີວິດການເປັນຢູ່ຂອງຊາວເຜົ່າໄປ ເຜົ່າລື້ ເຜົ່ານ້າຊີ່ ເຜົ່າຈິ່ງພໍ່ແລະເຜົ່າອີທີ່ດຳລົງຊີວິດຢູ່ແຫ່ງນັ້ນ.ປະມວນເພງນີ້ອ່ອນໂຍນອອນຊອນ,ເຕັມໄປດ້ວຍລັກສະນະຊົນເຜົ່າ,ແລະໄດ້ໃຊ້ວິທີປະດິດແຕ່ງສະໄໝໃໝ່ເຂົ້າໃນດ້ານທຳນອງ ການປະສານສຽງແລະການປະກອບເຄື່ອງເສບ,ແລ້ວໄດ້ຮັບຄວາມນິຍົມຊົມຊອບຈາກຜູ້ຟັງທັງຫຼາຍ,ແລະໄດ້ຮັບຄວາມຍ້ອງຍໍໂດຍທົ່ວໄປໃນວົງການດົນຕີຂອງຈີນ,ໄດ້ຮັບລາງວັນທີໜຶ່ງໃນງານປະກວດດົນຕີຈີນຄັ້ງທີຫ້າ.ໃນລາຍການອາທິດແລ້ວນີ້,ພວກເຮົາໄດ້ຈັດເອົາສອງເພງໃນປະມວນເພງຮ້ອງຮວມໝູ່"ຮີດຄອງປະເພນີຢຸນນານ"ສູ່ທ່ານຟັງແລ້ວ,ມື້ນີ້ເຊີນທ່ານຟັງອີກສາມເພງ.
ກ່ອນອື່ນ,ເຊີນຟັງເພງ gan bai lu shang "ໄປເລາະຕະຫຼາດ" ເພງທີສອງໃນປະມວນເພງ.ເພງນີ້ໄດ້ບັນລະຍາຍສະພາບມ່ວນຊື່ນທີ່ສາວເຜົ່າລື້ໝູ່ໜຶ່ງໄປເລາະຕະຫຼາດ.ເພງນີ້ມີເນື້ອຮ້ອງວ່າ: "ເອື້ອຍນ້ອງພົບກັນຢ່າງມ່ວນຊື່ນ,ເວົ້າເລື່ອງໃນໃຈສູ່ກັນຟັງບໍ່ໝົດຈັກເທື່ອ,ຫົວຊົມຊ້ອຍຊື່ນໄປໝົດທາງ."
ຊາວມໍຊໍ່ແມ່ນສາຂາໜຶ່ງຂອງເຜົ່ານ້າຊີ່ແຂວງຢຸນນານ,ນັບມາຮອດປະຈຸບັນ,ຊາວມໍຊໍ່ຍັງສະຫງວນລະບອບຄອບຄົວທີ່ຖືເພດຍິງເປັນໃຈກາງ.ຊາວມໍຊໍ່ມີປະເພນີເຜົາສົບ.ເພງmo suo ren de zang li"ພິທີເຜົາສົບຂອງຊາວມໍຊໍ່" ເພງທີສາມໃນປະມວນເພງກໍໄດ້ສະແດງຄວາມອາໄລຫາຍາດຕິພີ່ນ້ອງຜູ້ລ່ວງລັບໄປແລ້ວ.
ເຂົ້າສານແມ່ນອາຫານຕົ້ນຕໍຂອງຊາວເຜົ່າຈິງພໍ່,ຊູ່ມື້ນີ້,ໃນບ້ານທີ່ຢູ່ຫ່າງໄກສອກຫຼີກ,ຍັງຈະເຫັນສະພາບການທີ່ນາງສາວຖືໄມ້ຄ້ອນທັງຕຳເຂົ້າທັງຮ້ອງເພງ,ເຊິ່ງເປັນວິທີຕຳເຂົ້າທີ່ສືບທອດກັນມາ. "ເພງຕຳເຂົ້າ"ກໍໄດ້ສະແດງສະພາບການອອກແຮງງານຢ່າງມ່ວນຊື່ນດັ່ງກ່າວ.
ເພື່ອນຜູ້ຟັງ,ໃນສຽງເພງທີ່ມ່ວນອອນຊອນ,ປະມວນເພງຮ້ອງຮວມໝູ່"ຮີດຄອງປະເພນີຢຸນ ນານ"ໄດ້ສະເໜີໝົດແລ້ວ,ເນື້ອເພງແລະທຳນອງຂອງປະມວນເພງນີ້ຕ່າງແຕ່ງໂດຍທ່ານຈ່າງຕົ່ງຮຸ່ຍແລະທ່ານທຽນເຟີ່ງ,ແລະຂັບຮ້ອງໂດຍຄະນະຮ້ອງຮວມໝູ່ສະຖາບັນສິລະປະຢຸນນານ.ຂອບໃຈທ່ານທີ່ຮັບຟັງ,ຂໍອວຍພອນທ່ານຈົ່ງມີຄວາມເບີກບານມ່ວນຊື່ນໃນວັນອາ ທິດ,ພົບກັນໃໝ່ໃນອາທິດໜ້າ,ສະບາຍດີ.
|
|
|
